प्रकाशितवाक्य 14:13 - सिरमौरी नौवाँ नियम

¹³ तोबै मोऐं स्वर्ग शै कोसी कै बौलदै बैई शुणु, औरौ तैणै मुखै बौल़ौ: “इनु बातौ खै इथै लिख। ऐबै शै, सैजै लोग खुशनसीब औसौ जू पौरमेशवर पांदी भोरोशा कौरदै बैई मौरे गौवै।” तोबै पवित्र आत्मा इथैशा सहमत हौआ, तैणै बौल़ौ, “ऐजौ साचौ औसौ। सैजै खुशनसीब औसौ जिथुकै सै आपणै कड़ी मैहनत शै विशांव पांदै औरौ जू काम तिनुऐ कौरे राए तिथ कारिए तिनु इनाम दैय जांदा।”

Sirmouri

¹³ तबे मुँऐ स्वर्गो शी ऐजी धाव शुणीं, “लिख: भागोईत हंदें से मंरे अंदे, किन्देंखे के ऐबे तिनकी मंऊँत प्रभू दे हंदी,” ऐजो “साच्चो असो!” पबित्र-आत्त्मा बुलो, “होर, से आप्णी कष्टो-मेंह्नत शा बिषाँव कर्दे, किन्देखे के तिनके भले काँम-काज़ तिनकी ही गईलो असो।”

प्रकाशितवाक्य 14:13 ပူးပေါင်းရင်းမြစ်များ

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 16:9

औरौ हांव तुऔं बुलू, कै दुनिया कै पौयसै लैई आपी कारिए दोस्त बाणै दैव, जिथुकै तोंवारै मौरणौ कै बाद ऐजौ गायब हौए जालो तौ सै तोंवारा सौदा कै घोरो दा स्वागत कौरलै।

रोमियों 14:8

जिथुकै जै आमै जियुंदी औसौ, तौ प्रभु कै खातिर औसौ; औरौ जै आमु मौरे जोऊं, तौ प्रभु कै खातिर मौरु; तोबै आमै जियुं या मौरु, आमै प्रभु ही कै औसौ।

1 कुरिन्थियों 15:18

जै मसीह मौरेयौंदे मुंजीदा ऊबा ना बिज़ रैई, तौ जू बिशवाशी मौरे गौवै, तिनु बौचाए ना रैई, बल्कि सै नाश हौए गौवै, औरौ सै सौदा कारिए पौरमेशवर शै जौई हौए गौवै।

1 कुरिन्थियों 15:20

पौरौ सौचाई ऐजी औसौ कै पौरमेशवरे सौथीखै मसीह खै मौरेयौंदे मुंजीदा जियुंदी कौरा, इयौं आशा लैई सै तिनु लोगौ कै बै जियुंदी कौरदा जू मौरे गौवै।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

2 कुरिन्थियों 5:8

इथकारिए आमु निशोंक रोऊं, औरौ जोबै अमारै मौत हौंदै तौ प्रभु कै साथै रौणौ हौजौ बै बौढ़ेयौ सौमझदै।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

1 थिस्सलुनीकियों 4:14

जै आमै बिशवाश कौरु, कै यीशु मौरा, औरौ जियुंदी बै हौए गौआ, तौ तैशैखैई पौरमेशवर तिनुखै जू यीशु दै मौरे गौवै, औटेयौ जियुंदी कौरदा, औरौ यीशु मसीह कै साथै स्वर्ग दै पाछु निंदा।

1 थिस्सलुनीकियों 4:16

जिथुकै प्रभु यीशु आपी ही स्वर्ग पौरैशा उतरदा; सै जोराल़े धाव कै साथै आदैश दैंदा, औरौ ऐक प्रधान स्‍वर्गदूत ऊंची धाव शै बौलदा औरौ पौरमेशवर कै तुरही बौजांदा, तोबै सौबीदै आगै सै, जू मसीह पांदी बिशवाश कौरदै बैई मौरे गौवै, औगौड़ियौ जियुंदी हौंदै।

1 थिस्सलुनीकियों 5:10

यीशु मसीह आमु कारिए मौरा, कै आमु चाहै जियुं या मौरे जोऊं, जोबै प्रभु यीशु पाछु आला तोबै आमै सौदा तैसकै साथै रौए सौकु।

1 तीमुथियुस 5:24

हांव ताखै बुलू कै अगुवे कै चुणणो दै जल्दबाजी ना कौर जिथुकै किछै लोग खुलैआम पाप कौरौ। इथै तौड़ी कै न्याय हौणौ दै आगैई सै बिशवाशियौं कै सामणै दोषी औसौ। ओकी लोगौ कै पाप इशैक ना दैखियौं, पौरौ सिरफ बाद दा पौता चालौ।

1 तीमुथियुस 5:25

तैशैखैई, जोबै लोग आछै काम कौरौ, तौ ऐजौ ओकी बिशवाशियौं कै दवारा साफ-साफ दैखियौं। औरौ जै सै तिनु ऐक बार बै साफ-साफ ना दैख सौकौ, तौ बाद दै सै तिनु जाणै ही पांदै।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 10:4

जोबै सातो गुड़कौ कै शब्द शौणै गौवै, तौ हांव लिखणौ कारिए तैयार थिया, “पौरौ मोऐं स्वर्ग शै ऐजा शब्द शुणा, जू गुड़कै बौल़ौ तिनु गुप्‍त राख, तिनु सिरफ आपी तौड़ी ही राख।”

प्रकाशितवाक्य 11:15

जोबै सातवें स्‍वर्गदूतै तुरही फोकै, तौ मोऐं स्वर्ग दी बौड़ी धाव मारदै बैई शुणा: “दुनिया दा ऐबै हौजौ कुणिए ना आथी जू राज कौरौ। सिरफ अमारा प्रभु पौरमेशवर औरौ तैसका चोणेयौंदा मसीह। औरौ सै हमैशा-हमैशा कारिए राज कौरदा।”

प्रकाशितवाक्य 11:19

औरौ पौरमेशवर का जू मन्दिर स्वर्ग दा औसौ, सै खोले गौआ, औरौ तैसकै मंदिर दा तैसकी कौरार का सन्‍दूक दैखिया, औरौ गुड़कौ, औरौ शोब्द औरौ बिजली औरौ भुईचोल़ हौंदै लागै, औरौ गौयण शै बर्फ कै पाथरो कै साथै बैजाए बारिश हौए।

प्रकाशितवाक्य 16:17

सातवें स्‍वर्गदूतै जू तैसकै डौंगै दो थियु सैजौ हावा दो रिताए दियु, औरौ मोऐं शुणु, तिथै सैजा थिया जू स्वर्ग कै मन्दिर कै भीतरै पौरैशा पौरमेशवर कै सिंहासन शै बौलाए रौआ थिया, “सौब ठुँ हौए गौ।”

प्रकाशितवाक्य 19:9

स्‍वर्गदूतै मुखै बौल़ौ, “ऐजौ लिख, कै धन्‍य सैजै औसौ, जू मेम्ने कै बैयाव कै जशन मौनाणौ कारिए बौइदूत मुंजी बौएदै राए।” तोबै तैणै मुखै बौल़ौ, “ऐजै साची वचन औसौ जू पौरमेशवर कै ढौबौशै आंव।”

प्रकाशितवाक्य 2:1

तैणै मुखै ऐजौ बै बौल़ौ, इफिसुस शहर कै कलीसिया कै स्‍वर्गदूत खै ऐजा सौंदेश लिख: हांव सैजाई औसौ जू आपणै सोऐं हाथौ दै सात तारै नियौ राखु औरौ जू सूनै की सात दियोटो कै बीचो दा हांडु, हांव जू बुलूए सैजौ शुण:

प्रकाशितवाक्य 2:7

जिनु कुणिए मैरी बात शुणी लोए, सै ध्यान शै शोणेया कै पवित्र आत्मा कलीसियाओं शै का बौल़ौ: जूंजे लोग जीत पालै, तिनु हांव जीवन दैणौवाल़ै डाल़ शै फोल़ खाणौ कै इजाज़त दैंदा, जू पौरमेशवर कै स्वर्गीय बागौ दै औसौ।

प्रकाशितवाक्य 21:5

औरौ जू सिंहासन पांदी बौठै रौआ थिया, तैणै बौल़ौ, “मोऐं सौबै ठुँ नौवाँ कौरे दियु।” तोबै तैणै बौल़ौ, “लैख पा, जू हांव बुलूए तू तिथपांदी बिशवाश कौरे सौकै। ऐजी बातौ निशोंक हौयौ हौंदी।”

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।

प्रकाशितवाक्य 6:11

तिनुमुंजी दै हरेक खै चिटै लुस्कै दैय गौवै। औरौ पौरमेशवरे तिनुखै बौल़ौ, “इबी कारिए आराम कौरौ, जिथुकै इबी बै किछै साथी सेवक औरौ तोंवारै साथी बिशवाशी औसौ जिनु तोंवारै जैशणै ही मारै जांदै। जोबै मौरे जाणौ वाल़ौ कै गिनतै पोरे हौए जालै, तोबै ही हांव बौदला लोन्दा।”