प्रकाशितवाक्य 13:6 - सिरमौरी नौवाँ नियम

⁶ राकसै पौरमेशवर खै नेंदैया कौरणै शुरु कौरे, कै सै तैसकै नांव कै खिलाफ औरौ तैसी ठाँव कै खिलाफ बौल़ौ जिथै पौरमेशवर रौंव यानी स्वर्ग कै, औरौ तिनु सौबी लोगौ कै खिलाफ जू स्वर्ग दै रौंव।

Sirmouri

⁶ तैथू ऐ पंण्मिश्वर कैई चूगली कर्णो खे आप्णों मुँह खुलो, के तिनका नाँव अरह् तिनके ताँम्बू मतल्व स्वर्गो दे रंहणों वाल़े की चूगली करह्।

प्रकाशितवाक्य 13:6 ပူးပေါင်းရင်းမြစ်များ

मत्ती 12:34

तुऐं जोहरिले शोंगोऊं कै नानड़िया जैशणै औसौ, तुऐं बुरै हौयौ बै आछी बातौ बौल़ौ। जिथुखै जू मनो दो भोरै रौंव सैजौई मुँह पांदी आंव।

मत्ती 15:19

जिथुखै आदमी कै मनो शै बुरै-बुरै विचार, गौलत तरीकै शै सौमबंध बौणाणै, चोरी कौरणा, हत्या कौरणा, नाजायज सौमबंध राखणै, झूठी गवाही औरौ नेंदैया कौरणा ही निकल़ौ।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

रोमियों 3:13

तिनकै मुँह खोलैयौंदे क्रब शै आणौवाल़ी शोड़ाण कै जैशणै औसौ। तिनकै जीभ झूठ लैई भोरेयोंदे औसौ। तिनकै शब्द शोंगोऊं कै ज़हर कै जैशणै औसौ जू नुकसान कौरौ औरौ मौत कै बौजैह बौणौ।

कुलुस्सियों 1:19

जिथुकै पिता पौरमेशवर कै खुशी इदै औसौ कै तैसकै सारै परिपूर्णता मसीह दै मौजूद रौ।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।

इब्रानियों 9:2

ऐजा मिलाप वाल़ा तोम्बू जानवरो कै खोलड़ै लैई बाणै राए थिया। तैसी तोम्बू कै बीच मुंजी, तिनुऐ ऐक पर्दा लोटकाए दिया औरौ दौ कोमरै बाणै दियै। आगलै कोमरै दा धूपदान थिया, जिथकी सात डाल़ी थी। तिथै ऐक मैज़ थै जिथपांदी पौरमेशवर खै रोटी चौढ़ाए जांव थी। ऐसी कोमरै खै पवित्र ठाँव बौल़ौ थिए।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।

प्रकाशितवाक्य 11:12

इथकै बाद, तिनु दु लोगै ऐकी आदमी खै बौलांदै बैई शुणा, जैणै तिनुकै जोर शै धाव मारै औरौ बौल़ौ, “इथै ऊबै आव!” जोबै तिनकै दुशमनै दैख लौ थियु, तोबै सै ऐकी बादल़ौ शै घैरैयौंदे ऊबै स्वर्ग दै हौटै गौवै।

प्रकाशितवाक्य 12:12

इथकारिए तुऔं सौबी खै खुश हौणौ चैंई जू इथै स्वर्ग दै रौंव। पौरौ तुऐं जू धोरती पांदी औसौ औरौ जू समुन्द्र दै औसौ तुऔं पांदी तरस खाणा चैंई, जिथुकै दुष्टआत्माओं का अगुवा शैतान धैनै तोंवारै धोरे आए गौआ। सै सौथीखै बैजाए गुस्सा औसौ जिथुकै सै जाणौए कै तावल़ाई ही तैसका अंत हौए जांदा।”

प्रकाशितवाक्य 15:5

इथकै बाद मोऐं दैखौ, कै स्वर्गो दौ इनु लोगै गीत गाणौ बन्द कौरे दियु, तोबै मोऐं दैखौ कै मन्दिर खोलेयौंदो थियु। जू कै मिलापवाल़ै तोम्बू साए औसौ।

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।

प्रकाशितवाक्य 4:1

जोबै ऐजी सौबै बातौ हौए गोई, तौ मोऐं दैखौ कै स्वर्ग दा ऐक दरवाज़ा खोलेयौंदा थिया। तोबै मोऐं सैजी आवाज़ औटेयौ शौणै जू कै तुरही कै आवाज़ कै जैशणै थै। तैणै मुखै बौल़ौ, “मैरै धोरे इथै ऊबा आ, औरौ हांव सैजी बातौ ताखै दिखोऊ, जिथका इनु बातौ कै बाद पूरु हौणौ जौरुरी औसौ।”

प्रकाशितवाक्य 4:4

तैसी सिंहासन कै चोऊ ढौबौ चौबीश औकै सिंहासन थिए, औरौ इनु सिंहासनों पांदी चौबीश पुराणिया चिटै लुस्कै बाम्बैयौंदे बौठै रौवै थिए, औरौ तिनकै मुंडो पांदी सूनै कै मुकुट थिए।

प्रकाशितवाक्य 5:13

तोबै मोऐं स्वर्ग दा, औरौ धोरती पांदी, औरौ धोरती कै धैनै, औरौ समुन्द्र कै सौब बाणैयौंदी चीज़ौ खै, औरौ सौब ठुँ खै जू तिथमुंजी औसौ, ऐजौ बौलदै शुणु, “आव आमै सिंहासन पांदी बौठैयौंदे की औरौ मेम्ने की स्तुति औरौ आदर, औरौ महिमा हमैशा-हमैशा कारिए कौरदै रोऊं, जिथुकै सै सौबिदा जादा शौकतीशाली औसौ।”

प्रकाशितवाक्य 7:15

“ऐसी बौजैह शै सै पौरमेशवर कै सिंहासन कै सामणै खौड़ै औसौ, औरौ सै हर सौमय दूसौ औरौ फिरै पौरमेशवर कै घोरे दै तैसकै सेवा कौरौ; औरौ सैजा जू सिंहासन पांदी बौठौए, तिनुमुंजी रौंदा औरौ तिनकै दैखभाल कौरदा।”

प्रकाशितवाक्य 7:9

इथकै बाद मोऐं दैखौ कै लोगौ कै ऐक इशैक बौड़ी भीड़ थी कै कुणिए बै तिनु सौबी कै गिणै ना सौकौ थिए। सै दुनिया कै सौबी जाति, गोत्र, राष्ट औरौ भाषा मुंजीदै थिए। सै सिंहासन औरौ मेम्ने कै औगौड़ियौ खौड़ै थिए। तिनुऐ चिटै लुस्कै बाम्बै राए थिए औरौ सौबी आदमीए आपणै-आपणै हाथौ दी खजूरो की डाल़ी पाकड़ी रैई थी जू कै ऐक तैयारो कै निशानी कै जैशणा थिया