प्रकाशितवाक्य 12:3 - सिरमौरी नौवाँ नियम

³ ऐक ओका निशान गौयण दा दैखिया, ऐक बैजाए बौड़ा अजगर थिया, जू शैतान औसौ। ऐसकै सात मुंड थिए औरौ हरेक मुंडौ पांदी मुकुट थिया औरौ ऐसकै दस शींग थिए।

Sirmouri

³ तबे अस्माँनों दा ऐक ओका चंम्त्तकार देखाई पड़ा: लाल रंग का ऐक बैजाऐ बड़ा पाखों वाल़ा अंजगर देखिया, अरह् तेस्के सात मुँढों थिऐ, अरह् दष शिंगों थिऐ, अरह ऐकी नाँम मुँढों गाशी ऐक-ऐक मुँकूट्-ताज थियों।

प्रकाशितवाक्य 12:3 ပူးပေါင်းရင်းမြစ်များ

प्रकाशितवाक्य 12:1

जोबै सैजौ खत्म हौए गौ, तौ तिथै ऐक अनौखा निशान थिया जू गौयण दा दैखा जाए सौकौ थिया। जिथुकै चांद पांदी खौड़ै हौएयौंदी ऐक बैटमाणिश प्रकट हौए जियैं ऐशणै लुस्कै बाम्बै राए थिए जू सुरज कै जैशणै चौमकौ थिए। तियैं आपणै मुंडौ पांदी ऐक मुकुट लाए राए थियु जिंदै बारौ तारै थिए।

प्रकाशितवाक्य 12:13

जोबै बौड़ै अजगरे महसूस कौरौ कै हांव धोरती पांदी गिराए गौआ, तौ तियौं बैटमाणिशौ खै जिंयारै बैटा हौए रौआ थिया, तियौं का पीछा कौरा।

प्रकाशितवाक्य 12:17

इथकै बाद सैजा अजगर तियौं बैटमाणिशौ पांदी बैजाए गुस्सा हौआ। इथकारिए अजगरे बैटमाणिशौ कै वंश कै खिलाफ लोड़ाए कै घोषणा कौरे दै। यानी तिनु लोगौ कै खिलाफ जू पौरमेशवर कै आज्ञाओं खै मानौ औरौ यीशु कै दवारा शिखाए गोई साची शिक्षाओं कै मानणौ दै मोजबूत बौणैयौंदे रौव।

प्रकाशितवाक्य 12:4

औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

प्रकाशितवाक्य 12:7

तोबै स्वर्ग पांदी लोड़ाए हौए, पौरमेशवर कै मुख्य स्‍वर्गदूतौ मुंजीदै ऐकीए जैसकौ नांव मीकाईल औसौ, आपणै अधीन आणौवाल़ै ओकी दूतौ कै साथै, बौड़ै अजगर कै खिलाफ लोड़ाए लौड़ै। औरौ बौड़ा सांप औरौ तैसकै दूतै मीकाईल कै खिलाफ लोड़ाए लोड़े।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 13:1

मोऐं ऐक राकस समुन्द्र पौरैशा निकल़दै बैई दैखा, जैसकै सात मुंड थिए औरौ हरेक मुंडौ पांदी मुकुट थिए। तैसकै शींगौ पांदी दस राजमुकुट औरौ तैसकै हरेक मुंडौ पांदी पौरमेशवर को ऐक नांव लैखै राए थियु जिथका इस्तैमाल कौरणा का तैसी कुणजाई औधिकार ना थी।

प्रकाशितवाक्य 13:2

जू राकस मोऐं दैखा, सै चीते कै जैशणा थिया, औरौ तैसकै लात भालू कै जैशणै, औरौ मुँह शेरो कै जैशणौ थियु। अजगरे ऐसी राकस खै आपणै शौकतै दैय दै औरौ धोरती पांदी राज्य कौरणौ का औधिकार दैय दिया।

प्रकाशितवाक्य 13:4

सौबी लोगै अजगर कै पूजा कौरे जिथुकै तैणै तैसी राकस खै औधिकार दैय राखा थिया, तिनुऐ तैसी राकस कै बै पूजा कौरे। तिनुऐ बौल़ौ, “कुणिए ओका तैसी राकस कै जैशणा शौकतीशाली ना आथी। कुणिए बै तैसीआरी लोड़े ना सौकौ।”

प्रकाशितवाक्य 15:1

जोबै सैजौ खत्म हौए गौ, तौ मोऐं गौयण दा ऐक ओका निशान दैखा जू कै बैजाए अनौखा औरौ बैजाए डौरावणा थिया। तिथै सात स्‍वर्गदूत थिए जू सात जौई-जौई तरह कै समस्याए नियौंदे थिए। सैजी समस्याए आखरी औसौ जिथुकै जोबै सै खत्म हौए जांदी तोबै पौरमेशवर का गुस्सा खत्म हौए जांदा।

प्रकाशितवाक्य 16:13

इथकै बाद मोऐं तीन दुष्टआत्माओं खै दैखी जू मेंढक कै जैशणी दैखैयो थी। जू कै ऐक अजगर कै मुँह बाटी बायरै आई, ऐक आगलै राकस कै मुँह शै, औरौ ऐक दूजै राकस कै मुँह बाटी बायरै आई, यानी सैजा जैणै झूठा सौंदेश दैय राए थिया।

प्रकाशितवाक्य 17:12

सैजै दस शींग जू तुऐं आगै दैख राए थिए, तिनु दस राजाओं खै दिखांव जिनुवै इबी शासन कौरणा शुरु ना कौरे रैई। तिनु दस राजाओं खै तैसी राकस कै साथै मिलैयौ शासन कौरणौ कै रजामंदी दी, पौरौ तिनका शासन सिरफ दैणिक सौमय हौंदा।

प्रकाशितवाक्य 17:16

सैजा सौमय आन्दा जौल़ौ राकस तिनु दस राजाओं कै साथै जू तैसकै साथै औसौ, तियौं वेश्या आरी नफरत कौरदै जू तिथपांदी बौठै रौए। सै तियौं पांदी हमला कौरदै, तियौं नांगै कौरदै, सै तियौंकै मांस कौ हिस्सा खांदै, औरौ बाकी कै फोकै दैंदै।”

प्रकाशितवाक्य 17:7

तैसी स्‍वर्गदूतै मुंकैई बौल़ौ, “हैरान नी हौया। हांव इयौं बैटमाणिश, औरौ तैसी राकस का, जैसपांदी सै शवार औसौ, औरौ जैसकै सात मुंड औरौ देश शींग औसौ, हांव ताखै इथका गुप्‍त मतलब बौतौऊं।”

प्रकाशितवाक्य 19:12

तैसकी आखी आगी कै लौयारै कै जैशणी चोमकदार थी, औरौ तैसकै मुंडो पांदी बौहितै मुकुट लाए राए थिए। औरौ तैसकौ ऐक नांव तिथपांदी लैखयौंदो थियु, पौरौ सिरफ सैजाई तैसी नांव का मतलब जाणौ थिया।

प्रकाशितवाक्य 20:2

तैणै अजगर कै यानी पुराणै सांपौ कै जैसी शैतान बै बौल़ौए, पाकड़ै पाए। तैणै तैसी बानै दिया औरौ तैसी गौढै उदा फेरकाए दिया, तैणै दरवाज़ा बंद कौरे दिया, औरौ तिथपांदी मोहर लाए दै ताकि तैसी ऐक हजार साल तौड़ी उंढा नी खौल़ौ। इथकारिए, तैसी सौमय कै दौरान, शैतान ऐक हजार साल तौड़ी लोगौ कै धौखा ना दैय सौकौ। तिथकै बाद, तैसी हौजौ थोड़ै सौमय कारिए रिहा कौरे दैंदै।