प्रकाशितवाक्य 12:12 - सिरमौरी नौवाँ नियम

¹² इथकारिए तुऔं सौबी खै खुश हौणौ चैंई जू इथै स्वर्ग दै रौंव। पौरौ तुऐं जू धोरती पांदी औसौ औरौ जू समुन्द्र दै औसौ तुऔं पांदी तरस खाणा चैंई, जिथुकै दुष्टआत्माओं का अगुवा शैतान धैनै तोंवारै धोरे आए गौआ। सै सौथीखै बैजाए गुस्सा औसौ जिथुकै सै जाणौए कै तावल़ाई ही तैसका अंत हौए जांदा।”

Sirmouri

¹² ईन्देंखे हे स्वर्ग; अरह् ईन्दें रंहणों वाल़े लोग, आँनन्द-खुशी मंनाँऐयों अरह् मंगन हऐ ज़ाव! परह् फ़िट्कारा असो, ईयों धर्ती, अरह् समुँन्द्रों खे; किन्देंखे के ऐ ऐजो जाँणीं पाँव के तुवाँरा बंख्त्त हजो ठीका ही असो, किन्देंखे के शैतान तुओं तोड़ी पंह्ऊँचीं गुवा, अरह् से बैजाऐ रोषै शा भरी गुवा, किन्देंखे के तेस कैई ऐजा पता लागी गुवा, के ऐबै मेरा बंख्त्त ठींका ही असो।”

प्रकाशितवाक्य 12:12 ပူးပေါင်းရင်းမြစ်များ

लूका 15:10

हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्‍वर्ग दी पौरमेशवर कै स्‍वर्गदूतौ कै औरौ सोबी कै खुशी हौंव।”

लूका 2:14

“स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

इब्रानियों 10:37

जैशैखै पवित्र शास्त्र दो लैखै राए: पौरमेशवर बौल़ौ, “ऐबै बैजाए दैणिक सौमय रौए गौआ जोबै कै आणौवाल़ा आन्‍दा औरौ देर ना कौरदा।

2 पतरस 3:8

ओए रै बिशवाशी भाईटु, इयौं ऐकी बातौ खै कौलोंई नी बिसरेया कै पौरमेशवर कारिए ऐक दूस ऐक हजार सालो कै जैशणौ औसौ औरौ ऐक हजार साल ऐकी दूसौ कै जैशणौ औसौ। प्रभु कारिए ऐक दूस औरौ ऐक हजार सालो सौबै ऐक बोराबर औसौ।

प्रकाशितवाक्य 10:6

औरौ जू हमैशा जियुंदी औसौ, औरौ जैणै स्वर्ग, धोरती औरौ समुन्द्र औरौ तिथमुंजी सौब ठुँ बाणै राए। तैसकै शौं खायौ बौल़ौ कै, “ऐबै कोसी बै बात कारिए हौजौ इंतजार ना कौरणा पौड़दा। ऐबै सैजी सौबै बातौ पूरी हौए जांदी।”

प्रकाशितवाक्य 11:10

तिनकै मौरणौ शै आगै, तिनु दो गवाहै पौरैशानी लैई लोगौ कै इशैक पौरैशान कौरे राए थिए कै जोबै लोगै शुणु कै सै मौरे गौवै, तौ सै बैजाए खुश हौए गौवै। इशैक कै सै खुशी शै जशन मौनांदै लागै, औरौ ऐकी-दूजै कै तौफे दैंदै लागै।

प्रकाशितवाक्य 11:14

दूजै मुसीबत खत्म हौए गौए; पौरौ इथकै बाद बै तिजै मुसीबत तावल़ै आणौवाल़ी औसौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 13:6

राकसै पौरमेशवर खै नेंदैया कौरणै शुरु कौरे, कै सै तैसकै नांव कै खिलाफ औरौ तैसी ठाँव कै खिलाफ बौल़ौ जिथै पौरमेशवर रौंव यानी स्वर्ग कै, औरौ तिनु सौबी लोगौ कै खिलाफ जू स्वर्ग दै रौंव।

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।

प्रकाशितवाक्य 8:13

जोबै मोऐं औटेयौ दैखौ, मोऐं ऐक बाज खै गौयण दै ऊंचे उड़दै बैई दैखौ औरौ ऊंचे शब्द लैई ऐजौ बौलदै बैई शुणु, “जोबै आखरी तीन स्‍वर्गदूत तिनु तुरही खै फूंकौ जू तिनु दैय राए, तोबै दुनिया कै सौबै लोगौ पांदी आणौवाल़ै मुसीबतौ बैजाए ही खतरनाक औसौ। धोरती कै रौणौवाल़ै पांदी, हाय, हाय, हाय!”

प्रकाशितवाक्य 9:12

पाँच मीनै कै बाद ऐजी मुसीबत खत्म हौए जांदी। पौरौ इथकै बाद बै दौ ओकी मुसीबत आणौवाल़ी औसौ।