प्रकाशितवाक्य 11:18 - सिरमौरी नौवाँ नियम

¹⁸ सैजै लोग जू तांव पांदी बिशवाश ना कौरौ सै तैरै खिलाफ औसौ, जिथुकै ऐबै सैजा सौमय आए गौआ कै तैरा गुस्सा तिनु पांदी आंव, औरौ सैजा सौमय कै तू मौरेयौंदे का न्याय कौर, ऐबै सैजा सौमय बै औसौ जौल़ौ तू तिनु पौरमेशवर कै बातौ बौताणौवाल़ै खै इनाम दैंदा जू तैरी सेवा कौरौ, औरौ तिनु सौबी लोगौ खै जू तैरा डौर मानौ, सैजै जू खास मानै जांव औरौ जू खास ना मानै जांदै, जोबै कै तैसी सौमय तू तिनुखै नाश कौरे दैंदा, जिनुवै धोरती पांदी विनाश कौरे राए।”

Sirmouri

¹⁸ सोभी जात्ती के लोगे ऐ रोष-कुरूध करा: अरह् तिनू गाशी पंण्मिश्वर की माँर पड़ी, अरह् सेजा बख्त आऐ पईचा के मँरे अँदे का नियाँव करा ज़ाँव, अरह् तेरे दास ऋषियों, अरह् पबित्र लोगो खे अरह् तिनू छुटे बड़े खे जू तेरे नाँव शे डरो ऐ, बद्ल़ा दिया ज़ाँव, अरह् धर्ती के बिगाढ़्णों वाल़े नाँष करे ज़ाँव।”

प्रकाशितवाक्य 11:18 ပူးပေါင်းရင်းမြစ်များ

मत्ती 5:12

तौलौ तुऐं खुश औरौ मगन हौया जिथुखै तुऔं कारिए स्वर्ग दा बौड़ा इनाम राख राए। इथकारिए कै तिनुऐ तिनु पौरमेशवर कै बातौ बौताणौवाल़ै कै बै जू बौहितै सौमय दै आगै आए रौवै थिए ऐशैखैई सताए राए थिए।”

लूका 1:50

औरौ तैसकै दया तिनु लोगौ पांदी बौणैयौंदे रौंव जू पीढ़ी शै पीढ़ी तौड़ी तैसिदै डौरौ।

इब्रानियों 9:27

हरेक आदमी कै ऐक बैई मौरणौ तय औसौ। मौत कै बाद, पौरमेशवर हरेक आदमी का न्याय कौरदा।

प्रकाशितवाक्य 10:7

यानी सातवें स्‍वर्गदूतौ कै शब्द दैणौ कै दूसौ दै, जोबै सै तुरही फूंकणौ पांदी हौंदा, तौ पौरमेशवर कै सैजी योजना पोरे हौए जांदी जू तैणै तिनु पौरमेशवर कै बातौ बौताणौवाल़ै खै बौताए राए थै जू तैसकै सेवा कौरौ थिए पौरौ ओकी लोगौ खै ना बौताई।

प्रकाशितवाक्य 11:2

मन्दिर कै बायरै आँगण खै नी नापैया; जिथुकै सै तिनु लोगौ खै दैय राए जू पौरमेशवर खै ना जाणौ, सै बियाल़िस मीनै तौड़ी मैरै पवित्र शहर यरूशलेम पांदी राज्य कौरदै।

प्रकाशितवाक्य 13:10

जिनु लोगौ खै कोयद कौरा जाणा तय औसौ, सैजै निशोंक हौयौ कोयद कौरे जांदै, औरौ जिनु कारिए तय औसौ कै सै औकै लोगौ कै दवारा तलवार शै मारै जांदै, तौ सैजै निशोंक हौयौ तलवार शै ही मारै जांदै। इथकारिए जौरुरी औसौ कै पौरमेशवर कै लोग तिनु मुशकिलो खै सैहन कौरौ जू सै महसूस कौरौ औरौ बिशवाश कौरणौ दै मोजबूत रौंव।

प्रकाशितवाक्य 13:16

औरौ औकै राकसै साधारण औरौ खास, सैठ औरौ गरीब, दास या जू दास ना थी यानी सौबी लोगौ खै मजबूर कौरे कै सै आगलै राकस कौ नांव आपणै सोऐं हाथौ पांदी या आपणै माथै पांदी छपवांव।

प्रकाशितवाक्य 15:1

जोबै सैजौ खत्म हौए गौ, तौ मोऐं गौयण दा ऐक ओका निशान दैखा जू कै बैजाए अनौखा औरौ बैजाए डौरावणा थिया। तिथै सात स्‍वर्गदूत थिए जू सात जौई-जौई तरह कै समस्याए नियौंदे थिए। सैजी समस्याए आखरी औसौ जिथुकै जोबै सै खत्म हौए जांदी तोबै पौरमेशवर का गुस्सा खत्म हौए जांदा।

प्रकाशितवाक्य 18:6

इथकारिए हांव बुलू, तिथ शहर कै साथै बै तैशैखैई कौरौ, जैशै तिथुवै दूजै लोगौ कै साथै कौरे राए। तिथकै सारै बुरै कामौ कारिए तिथकै दुगुना पलटा दौ। तिथ शहर कारिए दुगुनी शौकतीशाली सोताणो कै तैयारी कौरो जैसी अन्याय शै तिथुवै ओकी लोगौ कै सोताए राए थिए।

प्रकाशितवाक्य 19:15

तैसकै मुँह पौरैशै ऐक तैज तलवार निकल़ै जिथलैई सै देशो कै हराए दैन्दा। जू कुणिए बै तैसकै औधिकार कै अपनांव ना सै तिनु पूरी तरह शै सौजा दैन्दा। सै सौबिदा बौड़ा शौकतीशाली पौरमेशवर कै खतरनाक प्रकोप कै तैशैखैई छोड़ दैन्दा, जैशैकै ऐक रसकुण्ड शै अंगूरो का रस बौंए।

प्रकाशितवाक्य 19:18

आओ औरौ राजाओं, सैना कै अगुवे, ताकतवर सैनिकौ, घोड़ो औरौ तिनकै सवारौ का मौरेयौंदे शोरीरो कौ मांस खाव। तुऐं हर बान्त कै मौरेयौंदे लोगौ कौ मांस खाए सौकौ, यानी गुलाम औरौ आज़ाद, बौड़ै औरौ नानड़ै दु कौ।

प्रकाशितवाक्य 19:5

औरौ तोबै मोऐं कोसी कै बौलांदै बैई शुणा, औरौ ऐशैखै जाणियुं जैशै ऐजी आवाज़ पौरमेशवर कै सिंहासन कैईंदै आए रौली। तैणै बौल़ौ, “ओए रै अमारै पौरमेशवर कै सेवको औरौ तुऐं जू तैसका आदर कौरौ, चाहै बौड़ै दर्जै कै हौंव या छौटे दर्जै कै। पौरमेशवर कै बौड़ाए कौरौ!”

प्रकाशितवाक्य 20:12

औरौ मोऐं मौरेयौंदे लोगौ खै सिंहासन कै सामणै खौड़ै होयोंदै दैखै, यानी तिनुकै जू छौटे दर्जै औरौ बौड़ै दर्जै कै लोग औसौ। सैजै लोग जू समुन्द्र दै डुबेयो मौरे गौवै थिए, औरौ कब्रो दै कै सौबै मौरेयौंदे लोग, औरौ सैजै सौब लोग जू मौरेयौंदे कै ठाँव पांदी थिए, सैजै सौबै तैसी सिंहासन कै सामणै खौड़ै हुवे, सैजी किताब खोले गौए जिथमुंजी तिनु लोगौ कै नांव लैख राए थिए जिनुकैईं सैजा जीवन थिया जिथका कुणजाई अंत ना आथी। सैजै किताब बै खोले गौए जिथमुंजी लोगै जू-जू कौरे राए सैजौ लैख राए थियु, औरौ हर आदमीए जू किछै कौरे राए थियु तिथकै हिसाब शै तिनका न्याय कौरा गौआ, जू तिनु किताबो दो लैख राए थियु।

प्रकाशितवाक्य 22:12

तोबै प्रभु यीशुए बौल़ौ: “हांव तावल़ाई आन्‍दा, औरौ जू-जू बै आदमीए कौरे राए, हांव तिनु तिनकै कामौ कै दैखैयो इनाम औरौ सौजा दैन्दा।”