प्रकाशितवाक्य 1:10 - सिरमौरी नौवाँ नियम

¹⁰ विशांव कै दूसै पवित्र आत्मा मुं पांदी ओऊवा, मोऐं तुरही कै आवाज़ जैशणै ऐक ऊंची आवाज़ आपणै पाछैदै आन्दै बैई शौणै,

Sirmouri

¹⁰ हाँव प्रभू के देसे पबित्र-आत्त्मा दा भरा गुवा, अरह् आपु पाछी मुँऐ रंणशिंगें-कनाँल़ी के जेऐ बड़ी गूँह्ज शुँणाँई पड़ी।

प्रकाशितवाक्य 1:10 ပူးပေါင်းရင်းမြစ်များ

मत्ती 22:43

यीशुए तिनु कैईंदु पूछु, “तौ दाऊद पवित्र आत्मा दै हौयौ तैसीखै प्रभु किथुखै बौल़ौ?

यूहन्ना 20:19

तैसी दूसै औयतवारो कै बैल़खै कै जोबै सौबै चैलै ऐक साथै कौठै हौए रौवै थिए, औरौ तिनुऐ यहूदी नेता कै डौर शै दवार बोन्‍द कौरे राए थिए, तोबै यीशु ओऊवा औरौ बीच मुंजी खौड़ै हौयौ कै तिनुखै बौल़ौ, “तुऔं शान्तै भैटौ।”

यूहन्ना 20:26

आठी दूसौ कै बाद तैसकै चैलै हौजौ घोरो कै भीतरै थिए, औरौ थोमा तिनकै साथै थिया, औरौ दवार बंद थियु, तोबै यीशुए आयौ तिनकै बीच दौ खौड़ै हौयौ कै बौल़ौ, तुऔं शान्तै भैटौ।

प्रेरितो कै काम 20:7

हफते कै आगलै दूसै जोबै आमुए प्रभु भोज की रोटी तौड़णौ खै कौठै हुवे, तौ पौलुसे जू दूजै दूसै आगु जांदा लागै रौआ थिया, तिनुआरी बातौ कौरी, औरौ आधी राती तौड़ी उपदैश कौरदा रौआ।

1 कुरिन्थियों 12:3

इथकारिए हांव चोऊं कै तुऐं सौमझौ कै जू कुणिए पौरमेशवर कै आत्मा कै अगुवाई लैई बौल़ौ, सै ना बौल़ौ कै यीशु शरापित औसौ; सिरफ पवित्र आत्मा ही औसौ जू कोसी कै बै बौलणौ कारिए काबिल बाणै सौकौ, कै यीशु प्रभु औसौ।

1 कुरिन्थियों 16:2

हर औयतवारे कै दूसै तुऔं मुंजीदै हरेक आपणै आमदणी कै हिसाब शै किछै आपी कैई राखैया कौरौ, कै मैरै आणौ पांदी चन्‍दा ना कौरणा पौड़ौ।

प्रकाशितवाक्य 17:3

तोबै आत्मा कै मौदद शै, स्‍वर्गदूत मुखै रेगिस्थान दै लौय गौआ, औरौ मोऐं तिथै ऐक बैटमाणिश खै दैखी जू ऐक राकस पांदी शवार थै जू लाल रंग का थिया। तिथकै सात मुंड औरौ दस शींग थिए। तैसका शोरीर तिनु नांवौ लैई छिपैयौंदा थिया जू पौरमेशवर कै नेंदैया कौरौ।

प्रकाशितवाक्य 21:10

औरौ पौरमेशवर कै आत्माए मुं पांदी काबू कौरा, औरौ स्‍वर्गदूत मुखै ऐक बैजाए ऊंचे धारौ पांदी लौए गौआ, औरौ मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ।