फिलिप्पियों 4:11 - सिरमौरी नौवाँ नियम

¹¹ ऐजौ नी कै मोऐं इथकारिए बौल़ै लो कै जू मैरै चैंई थियु सैजौ सौबै मुंआगो ना आथी, जिथुकै मोऐं ऐजौ शैखै राए कै जियौं पौरैशानी दा हांव औसौ, तिंदु संतुष्ट रौणौ शैखै पोऊँ।

Sirmouri

¹¹ ऐजो ने के हाँव आप्णी जरूरत्त के कारण ऐजो बुलू, किन्देंखे के मुँऐ ऐजो शिखी थो, के जेसी दषा दा हाँव असो, तिदा ही खुशी भे रऊँ।

फिलिप्पियों 4:11 ပူးပေါင်းရင်းမြစ်များ

लूका 3:14

औरौ सिपाहीए बै तैसीयांदो ऐजौ पूछु, “आमुए का कौरु?” तैणै तिनी बौल़ौ, “कोसी पांदी जूल्म ना कौरेया, औरौ ना झूठा दोष लाया, औरौ आपणै तौनखा पांदी राजी रौया।”

2 कुरिन्थियों 11:27

मोऐं कैईंयौं राती जागैयौ, भूखै-तीशै दै रौयौ, जाड़ै औरौ कम लुस्कै दै रौयौ चैईथै मैहनत कौरे औरौ कैईंयौं पौरैशानी झैली।

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

2 कुरिन्थियों 9:8

पौरमेशवर सौब भान्त का अनुग्रह तुऔं तोंवारै जौरुरत शै जादा दैणौ दा शौकतीशाली औसौ जिथलैई हर बात दै औरौ हर सौमय, सौब किछै, जू तुऔं जौरुरी हौंव, तुऔं कैई रौंव ताकि तुऔं कैई भौलै काम कौरणौ कारिए जौरुरत सै जादा हौं।

फिलिप्पियों 3:8

जिथुकै हांव मसीह यीशु प्रभु कै जाणणा चोऊं जू बाकी सौबी चीज़ौ शै कीमती औसौ औरौ हांव सौबी चीज़ौ कै बैकार सौमझु। जिथकै बौजैह शै मोऐं सौबी चीज़ौ कै छोड़े दी औरौ तिनु साट कोबाड़ सौमझु ताकि हांव मसीह कै जादा जाणै पोऊँ।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।