फिलिप्पियों 2:9 - सिरमौरी नौवाँ नियम

⁹ इथकारिए पौरमेशवरे तैसीखै सौबीदै ऊंची गादी पांदी बौठाल़ा, औरौ तैसीखै ऐजा नांव दिया जू सौबी नांव मुंजीदा बौड़ा औसौ।

Sirmouri

⁹ ईन्देंखे के पंण्मिश्वर ऐ तिनू ऊगले शे ऊगले जागे दे बईठाल़ियों बड़ा बंणाँया; अरह् तिनखे सेजा नाँम दिता, जू सोभी बड़े नाँव शा भे जादा बड़ा असो।

फिलिप्पियों 2:9 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 13:3

यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

यूहन्ना 17:12

जोबै हांव तिनकै साथै थिया, तौ मोऐं तैरै तैसी नांव लैई, जू तुऐं मुखै दैय राए तिनकै रक्षा कौरे, मोऐं तिनकै दैख-रैख कौरे औरौ विनाश कै बैटै कै छोड़ेयौ कै तिनु मुंजीदा कुणिए नाश ना होई, ताकि जू पवित्र शास्त्र दो लैखै राए, सै पूरु हौए जांव।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

प्रेरितो कै काम 5:31

तैसीखैईं पौरमेशवरे राजा औरौ उध्दार कौरणौवाल़ा ठोहराएयो, आपणै सोऐं हाथौ कै सौबी दै बौड़ै ठाँव पांदी बौठाल़े दिया ताकि सै इस्राएल देश कै लोगौ कै आपणै बुरै सोंच विचारो औरौ बुरै बाटो शै पौरमेशवर कै ढौबौ फिरो औरौ तैसकै दवारा तिनुकै आपणै पापौ कै माफी दै।

इफिसियों 1:10

औरौ पौरमेशवर कै योजना ऐजै औसौ कै सोही सौमय पांदी, जू किछै स्वर्ग औरौ धोरती पांदी औसौ, तिनु सौबी कै मसीह कै औधिकार तौड़ी कौरदा।

कुलुस्सियों 1:18

मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

2 थिस्सलुनीकियों 1:12

आमै ऐजै प्रार्थना कौरु कै लोग तुंआरी बौजैह शै अमारै प्रभु यीशु मसीह कै नांव कै महिमा कौरौ औरौ तुऐं बै आदर पांदै जिथुकै तुऐं तैसकै औसौ। ऐजौ सौबै अमारै पौरमेशवर औरौ प्रभु यीशु मसीह कै अनुग्रह शै हौंदौ।

इब्रानियों 1:4

इथकारिए पौरमेशवरे बैटै खै ऐक ऐशणा नांव दिया जू स्‍वर्गदूतौ शै कौथी महान औसौ, तिथ नांव कै दवारा आमु दैखै पोऊँ कै बैटा तिनुदा कौथी महान औसौ।

इब्रानियों 1:9

तू आछै काम कौरणौ शै प्यार कौरे पौरौ गौलत काम कौरणौ शै बैर राखै; इयौं बौजैह शै, मोऐं तैरै पौरमेशवरे, ताखै तैरै दोस्तो कै बीच मुंजीदा चोणे राए, औरौ मोऐं बैजाए आनन्द कै साथै ताखै जौई कौरे राए।”

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 2:9

पौरौ साचौ ऐजौ औसौ कै दैणिक सौमय कारिए, यीशु का दर्जा स्‍वर्गदूतौ कै तुलना दा कम कौरे राए। ताकि पौरमेशवर कै अनुग्रह शै यीशु मसीह सौबी लोगौ कै खातिर मौरे जांव। औरौ जिथुकै यीशुए दुख सोऊवा औरौ मौरे गौआ, पौरमेशवरे तैसी महिमा औरौ आदर दिया।

1 पतरस 3:22

औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।

2 पतरस 1:17

आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”

3 यूहन्ना 1:7

जिथुकै ऐजै लोग मसीह कै नांव कै लोगौ मुंजी फोयलाणो कारिए घुमदै लागै रौवै थिए, औरौ अबिशवाशी लोगौ कैईंदै किछै मौदद ना लोंव।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 11:15

जोबै सातवें स्‍वर्गदूतै तुरही फोकै, तौ मोऐं स्वर्ग दी बौड़ी धाव मारदै बैई शुणा: “दुनिया दा ऐबै हौजौ कुणिए ना आथी जू राज कौरौ। सिरफ अमारा प्रभु पौरमेशवर औरौ तैसका चोणेयौंदा मसीह। औरौ सै हमैशा-हमैशा कारिए राज कौरदा।”

प्रकाशितवाक्य 19:16

औरौ तैसकै लौइये औरौ सोऐं कौलाटो पांदी ऐजौ नांव लैखै राखौ: “राजाओं का राजा औरौ प्रभुओं का प्रभु।”

प्रकाशितवाक्य 3:21

सैजै लोग जू जीत पालै सैजै लोग मैरै साथै मैरै सिंहासन पांदी बौठदै, तैशैखैई जैशै मोऐं जीत पाए राए औरौ आपणै पिता कै साथै तैसकै सिंहासन पांदी बौठै गौआ।

प्रकाशितवाक्य 5:12

सै जोर-जोर शै गांव थिए, “सैजा मेम्ना जैसी बलिदान कौरे राए थिया, सै महिमा कै लायक औसौ। तैसका औधिकार महान औसौ। तैसकै बुध्दि गैहरी औसौ। सै बैजाए शौकतीशाली औसौ औरौ सै बैजाए सैठ औसौ। आव आमै तैसका आदर कौरु। आव आमै तैसकै बौड़ाए कौरु।”