फिलिप्पियों 2:5 - सिरमौरी नौवाँ नियम

⁵ जैशै मसीह यीशु का स्‍वभाव थिया, तैशैखैई तोंवारा बै स्‍वभाव हौंव;

Sirmouri

⁵ जेष्णाँ मसीया यीशू का सभाव थिया, तेष्णा ही तुवाँरा भे सभाव हुआ चेंई;

फिलिप्पियों 2:5 ပူးပေါင်းရင်းမြစ်များ

मत्ती 11:29

मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै।

लूका 22:27

जिथुकै बौड़ा कुण औसौ, सैजा जू खाणौ खांदा बौठै रौआ या सैजा जू सेवा कौरौ? हां सैजाई जू मैजौ पांदी खाणौ खांदा बौठै रौआ सै खास औसौ पौरौ हांव तोंवारै बीच दा सेवक कै जैशणा औसौ।”

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 20:35

मोऐं तुऔं सौबै ठुँ कौरेयौ दिखाए राए, कै ऐशैखैई मैहनत कौरेयौ कमजोर लोगौ खै सोम्‍भाल़ो, औरौ प्रभु यीशु कै वचनो खै याद राखणै जौरुरी औसौ, तैणै आपी ही बौल़ै राए: लोणो शै दैणौ बढ़िया औसौ।”

रोमियों 14:15

जै तैरा भाई तैरै खाणौ कै बौजैह शै उदास हौंव, तौ तोबै तू प्यार कै हिसाब शै ना चालै, तौ आमु चौकश रौणौ चैंई ताकि आमु भोजन कै बौजैह शै अमारै साथी बिशवाशी कै बिशवाश खै नाश ना कौरु, जिथुकै मसीह तैसकै खातिर बै मौरा थिया।

रोमियों 15:3

जिथुकै मसीहे आपी कै खुशी ना कौरी, पौरौ जैशैखै पवित्र शास्त्र दो लैखै राए, “जिनु लोगै तैरै बैज्जती कौरे, तिनुऐ मैरै बै बैज्जती कौरे।”

रोमियों 15:5

हांव प्रार्थना कौरु कै पौरमेशवर आमु सब्र औरौ उत्साह दैंव ताकि मसीह यीशु कै पाछैदै चालदै बैई आपी मुंजी एकता दै रौंव।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

1 पतरस 2:21

पौरमेशवर कै दवारा तुऔं चोणे जाणौ कै बौजैह मुंजीदै ऐक बौजैह ऐजी औसौ कै तुऔं तैसी कारिए भले काम कौरदै बैई दुख सैहन कौरे पांदै। मसीह, जैणै तोंवारै खातिर दुख सौऊवै, सै आपी तुऔं कारिए ऐक उदारण दैय गौआ, ताकि तुऐं तैसीकै जैशणै चालै सौकौ।

1 पतरस 4:1

इथकारिए, जोबै कै मसीहे आपणै शोरीरो दा हौयौ दुख सौऊआ, इथकारिए तुऔं बै तियौं सोंच कै साथै दुख सैहणौ कारिए तैयार रौणौ चैंई जू तैसदै थी। जिथुकै जै तुऐं मसीह कारिए दुख सैहणौ कारिए तैयार हौंव, तौ तुऐं पाप ना कौरणौ का फोयसला कौरे पाए,

1 यूहन्ना 2:6

जू कुणिए ऐजौ बौल़ौ कै हांव पौरमेशवर कै साथै बौणेयौंदा औसौ तौ सै आपी बै तैशैखै ही जियौं जैशै यीशु मसीह जियौं थिया।