फिलिप्पियों 2:29 - सिरमौरी नौवाँ नियम

²⁹ इथकारिए तुऐं प्रभु मुंजी तैसीआरी बौहितै खुशी कै साथै भैटियो, तुऔं तैसका औरौ तैसकै जैशणै लोगौ का आदर कौरदै रौणौ चैंई।

Sirmouri

²⁹ ईन्देंखे तुँऐं तेसी आरी बैजाऐ खुशी शे भेंट करे, अरह् प्रभू दे बैजाऐ आँनन्द दा तेस्का सू-स्वागत् करे।

फिलिप्पियों 2:29 ပူးပေါင်းရင်းမြစ်များ

लूका 9:5

जू कुणिए तुऔं ना अपनांव तैसी नोगरो पौरैशौ पाछु निकल़ैयो आपणै लातो कै धूल झाड़ै दैया, कै तिनु पांदी गवाही हौंव।”

यूहन्ना 13:20

हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 28:10

तिनुऐ अमारा बौहिता आदर कौरा, जोबै आमै ती मीनै कै बाद जाणौ की तैयारी कौरे लोए थी तौ जू किछै आमु कारिए जौरुरी थियु, जहाजो पांदी राखै दियु।

प्रेरितो कै काम 8:8

औरौ तैसी शहर कै बौहितै सारै लोग बैजाए खुशी हुवे।

रोमियों 10:15

औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”

रोमियों 16:2

कै जू प्रभु कै औसौ, तियौं का स्वागत कौरौ, औरौ जैसी कोसी बात दै तियौंकै तुऔं लोगौ शै मौदद चैंई, तियौंकै मौदद कौरौ; जिथुकै सै बै बौहितै कै यानी मैरी बै मौदद कौरणौवाल़ी हौए रौए।

1 कुरिन्थियों 16:10

जै तीमुथियुस तोंवारै धोरे कुरिन्थुस शहर दा आंव तौ तैसका आपी मुंजी स्वागत कौरेया, जिथुकै सै मैरै जैशणा प्रभु का काम कौरौ।

1 कुरिन्थियों 16:18

औरौ मैरै मन खै मोजबूत कौरे राए ठीक तैशैखैई जैशै सै तोंवारै खातिर बै कौरदै जोबै सै तोंवारै धोरे पाछु आन्दै। तुऔं तिनकै जैशणै लोगौ कै तारीफ कौरणै चैंई।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

2 कुरिन्थियों 7:2

तुऐं आमु शा आपणै पूरै दिल शै प्यार कौरणा चैंई: आमुए ना कोसी कै साथै अन्याय कौरा, ना कोसी खै बिगाड़ै, औरौ ना कोसी खै ठोगै।

फिलिप्पियों 2:28

इथकारिए मोऐं तैसी भैजणौ कै हौजौ बै जादा कौचिश कौरे कै तुऐं तैसीआरी औटेयौ भैटियो खुश हौए जांव औरौ मैरी बै फिकर कम हौए जांव।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

1 थिस्सलुनीकियों 5:12

ओए रै बिशवाशी भाईयों, आमु तुऔं कैईंदी बिन्ती कौरु, कै प्रभु दै जू तोंवारै अगुवे औसौ औरौ तुऔं कारिए कड़ी मैहनत कौरौ, औरौ तुऔं कै शिक्षा दैंव तिनकी मानौ।

1 तीमुथियुस 5:17

कुणिए बै अगुवे जू आपणै काम कै आछै शै कौरौ, तैसी सोही आदर औरौ सोही मजदूरी दैणौ कै लायक सौमझा जाणा चैंई, खास तौर शै सैजै लोग जू पौरमेशवर कै सौंदेश कै शिखाणौ औरौ प्रचार कौरणौ कारिए कड़ी मैहनत कौरौ।

इब्रानियों 13:17

आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।

3 यूहन्ना 1:10

इथकारिए जोबै हांव आन्दा, तौ तोंवारै सामणै तैसकै दवारा कौरेयौंदे सौबै कामौ कै बौताए दैंदा यानी जू अमारै बारै मुंजी बुरी-बुरी बातौ बौल़ौए, औरौ ऐतरो ही नी, सै तौ आपी सुसमाचार प्रचार कौरणौवाल़ै बिशवाशी भाईयों खै ना अपनांव, औरौ जू तिनुकै अपनाणै चांव तिनुखै बै मना कौरौ औरौ तिनुखै कलीसिया दै बायरै निकाल़ै दैंव।