फिलिप्पियों 2:20 - सिरमौरी नौवाँ नियम

²⁰ जिथुकै मैरै धोरे ऐशणै स्‍वभाव का कुणिए नै आथी जू साची मन शै तोंवारै फिकर कौरौ।

Sirmouri

²⁰ किन्देंखे के मुँह कैई ऐष्णें आछे सभाव का कुँऐं ने आथी, जू शुद्ध मंन शी तुँवारी चिंन्त्ता-फिकर करह्।

फिलिप्पियों 2:20 ပူးပေါင်းရင်းမြစ်များ

यूहन्ना 10:13

सै इथकारिए भागै जांव कै सै मोजदूर औसौ औरौ तैसीकै भेड़ो खै परवाह ना आथी।

यूहन्ना 12:6

तैणै ऐजै बात इथकारिए ना बुली कै तैसीखै कंगालो कै परवाह थी, पौरौ इथकारिए कै सै चोर थिया, औरौ तैसीकैईं तिनकी पौयसै की थोली थी औरौ तिंदु जू किछै पांव थिए, सै तिथु उंडु घाड़ो थिया।

रोमियों 15:5

हांव प्रार्थना कौरु कै पौरमेशवर आमु सब्र औरौ उत्साह दैंव ताकि मसीह यीशु कै पाछैदै चालदै बैई आपी मुंजी एकता दै रौंव।

1 कुरिन्थियों 16:10

जै तीमुथियुस तोंवारै धोरे कुरिन्थुस शहर दा आंव तौ तैसका आपी मुंजी स्वागत कौरेया, जिथुकै सै मैरै जैशणा प्रभु का काम कौरौ।

फिलिप्पियों 2:2

इथकारिए मैरै ऐजै खुशी पोरे कौरौ कै ऐक मन रौव, औरौ ऐकैई प्यार, ऐकैई मत राखौ, औरौ ऐकैई मकसद राखौ।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

कुलुस्सियों 4:11

यीशु जैसी लोग यूस्‍तुस बै बौल़ौए तुऔं नमशकार बौल़ौ। खतना कौराणौ वाल़ै बिशवाशियौं मुंजीदै सिरफ ऐजै तीन मर्द ही पौरमेशवर कै राज्य कारिए मैरै सहयोगी औसौ औरौ इनुवे मुखै बैजाए तसल्ली दैय राए।

1 तीमुथियुस 1:2

मोऐं ऐजै चिट्ठी तीमुथियुस कै लैखै लोए। तू मैरै आपणै बैटै कै जैशणा औसौ जिथुकै तू बै मसीह दा बिशवाश कौरे: हांव प्रार्थना कौरु कै पिता पौरमेशवर औरौ अमारै प्रभु यीशु मसीह दै ताखै अनुग्रह औरौ दया, औरौ शान्तै भैटदै रौंव।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 1:5

औरौ मुखै तैरै तैसी खरे बिशवाश कै याद आंव जू मसीह यीशु दा औसौ, जू औगौड़ियौ तैरी नानी लोइस, औरौ तैरी माँ यूनीके दा थिया, औरौ मुखै पाको औसौ, कै तांवदा बै औसौ।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।