फिलिप्पियों 2:11 - सिरमौरी नौवाँ नियम

¹¹ औरौ पौरमेशवर पिता कै महिमा कारिए सौबै लोग अंगीकार कौरे पाव कै यीशु मसीह ही प्रभु औसौ।

Sirmouri

¹¹ अरह् परमं-पिता पंण्मिश्वर के बड़ियाऐं खे हर ऐक जीभ ऐजो माँनी पाँव के यीशू मसीया ही प्रभू असो।

फिलिप्पियों 2:11 ပူးပေါင်းရင်းမြစ်များ

मत्ती 10:32

“जू कुणिए आदमी कै सामणै बौल़ौ, कै सै मैरै चैलै औसौ तिनुखै हांव बै आपणै स्वर्गीय पिता कै सामणै बुलूबा कै ऐजै मैरै चैलै औसौ।

लूका 2:11

कै ऐलो राजा दाऊद कै बैतलहम शहर दा तुऔं कारिए ऐक उध्दार कौरणौवाल़ा जन्मे रौआ, औरौ ऐजाई मसीह प्रभु औसौ।

यूहन्ना 12:42

तोबै बै यहूदी नेताओं मुंजीदै बौहितै तैसी पांदी बिशवाश कौरा, पौरौ फरीसी लोगौ की बौजैह शै सै खौलेयौ तैसी नी मानौ थिए, तिनु इयौं बातौ का डौर थिया कै तिनु यहूदी सभा-घोरो शै बायरै ना गाड़ै दैंव।

यूहन्ना 13:13

तुऐं मुखै गुरु, औरौ प्रभु बौल़ौ, ठीक ही बौल़ौ, जिथुकै हांव तोंवारा गुरु औरौ प्रभु औसौ।

यूहन्ना 13:14

जै मोऐं प्रभु औरौ गुरु जाणैयौ तोंवारै लात धोवे, तौ तुऔं बै आपी कै शरीफ बाणैयौ ऐकी दूजै कै लात धोणे चैंई।

यूहन्ना 14:13

औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव।

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 9:22

ऐजी बातौ तैसकै माँ बापूए इथकारिए बुली जिथुखै सै यहूदी नेताओं शै डौरौ थिए, जिथुखै यहूदी नेता ऐक हौए गौवै थिए, कै जै कुणिए बिशवाश कौरौ कै यीशु ही मसीह औसौ, तौ तैसी यहूदी सभा-घोरो पौरैशै बायरै निकाल़ै दैंव।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

रोमियों 14:11

पवित्र शास्त्र दो, “प्रभु बौल़ौ, हांव आपणै जीवन कै शौं खोऊं, सौबै मैरै धोरे घुंडू नियुड़ांदै, औरौ सौबै आदमी पौरमेशवर कै मानै पांदै।”

रोमियों 14:9

जिथुकै मसीह इथकारिए मौरा औरौ औटेयौ जियुंदी हौए गौआ कै सै सैजाई औसौ जैसी मौरेयौंदे औरौ जियुंदी लोग दुईनै प्रभु कै रुप दै स्वीकार कौरौ।

रोमियों 15:9

औरौ बैगानै यहूदी लोग बै पौरमेशवर कै दया कै बौजैह शै पौरमेशवर कै स्तुति कौरौ, जैशैखै पवित्र शास्त्र बौल़ौ, “इथकारिए हांव बैगानै यहूदी लोगौ मुंजी तैरै स्तुति कौरदा, औरौ तैरै नांव का भजन गांदा।”

1 कुरिन्थियों 12:3

इथकारिए हांव चोऊं कै तुऐं सौमझौ कै जू कुणिए पौरमेशवर कै आत्मा कै अगुवाई लैई बौल़ौ, सै ना बौल़ौ कै यीशु शरापित औसौ; सिरफ पवित्र आत्मा ही औसौ जू कोसी कै बै बौलणौ कारिए काबिल बाणै सौकौ, कै यीशु प्रभु औसौ।

1 कुरिन्थियों 15:47

आगला आदमी जू आदम थिया, धोरती पौरैशा यानी माटी लैई बौणेयौंदा थिया। मसीह जू कै दूजा आदमी औसौ, स्वर्ग पौरैशा ओऊवा।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 4:2

पौरमेशवर कै आत्मा कै तुऐं ऐशैखै पौछेयाणै सौकौ, कै जू कुणिए आदमी ऐजौ मानै पांव कै यीशु मसीह ऐक आदमी कै रुप दा आए रौआ औरौ सै पौरमेशवर कै ढौबौशा औसौ।

2 यूहन्ना 1:7

मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव।

प्रकाशितवाक्य 3:5

सैजै जू जीत पालै तिनु बै तिनकै चिटै लुस्कै बोम्बाए जांदै। हांव तिनकै नांव किताब मुंजीदै ना हटांदा जिथमुंजी पौरमेशवरे तिनु लोगौ कै नांव लैख राए जिनु सौदा कै जिन्दगी भैटदै। हांव आपणै पिता कै सामणै औरौ तैसकै स्‍वर्गदूतौ कै सामणै ऐजौ साबित कौरदा कै सै मैरै औसौ।