फिलिप्पियों 1:5 - सिरमौरी नौवाँ नियम

⁵ इथकारिए कै तुऐं ऐसी यीशु मसीह कै बारै मुंजी जू सुसमाचार औसौ तिथ पांदी बिशवाश कौरा औरौ ऐलो तौड़ी तुऐं ऐसी सुसमाचार फौयलणौ खै मैरै साथै रौए रौवै।

Sirmouri

⁵ ईन्देंखे के तुँऐं आगले देसो शे ऊबे ऐतलो तोड़ी खुषख्बरी देणों खे अमाँरें साथी असो।

फिलिप्पियों 1:5 ပူးပေါင်းရင်းမြစ်များ

प्रेरितो कै काम 2:42

औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

रोमियों 11:17

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ।

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

रोमियों 15:26

जिथुकै मकिदुनिया औरौ अखाया प्रदेशो कै लोगै आपणी इछा शै ऐशै कौरणौ का फोयसला कौरा, जू यरूशलेम शहर दै पौरमेशवर कै लोग औसौ औरौ जू गरीब औसौ तिनुकै किछै दान दैंव।

1 कुरिन्थियों 1:9

पौरमेशवरे आपणै बैटै, प्रभु यीशु मसीह कै साथै आमु एकजुट हौणौ कारिए चोणे राए, औरौ सै बिशवाश लायक औरौ वादै का पाका औसौ। इथकारिए तुऐं ऐजौ निशोंक हौयौ जाणै सौकौ कै सै तोंवारै खातिर आपणा वादा पूरा कौरदा।

2 कुरिन्थियों 8:1

ऐबै ओए रै बिशवाशी भाईयों, हांव तुऔं लोगौ खै तैसी अनुग्रह कै बारै मुंजी बौताणा चोऊं, जू पौरमेशवरे मकिदुनिया प्रदेश कै कलीसिया दै बिशवाशियौं कै मंडली खै दैय राए।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

फिलिप्पियों 1:12

ओए रै बिशवाशी भाईटु हांव चोऊं कै तुऐं ऐजौ जाणै पाव कै जू मुं पांदी बीतै रौ, तिथलैई बौहितै लोगौ खै सुसमाचार कै फौयलणौ मुंजी मौदद भैट रौए।

फिलिप्पियों 1:16

ऐजै लोग मुंआरी प्यार कौरणौ की बौजैह शै प्रचार कौरौ जिथुकै सै जाणौए कै मसीह कै बारै मुंजी सुसमाचार कै रक्षा कौरणौ कै बौजैह शै मुखै कोयदै दा पाए राए।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

फिलिप्पियों 1:7

तुऔं सौबी कै बारै मुंजी ऐशणा विचार कौरणा मुं कारिए ठीक औसौ, जिथुकै हांव तुऔंआरी बैजाए प्यार कौरु। जौबेकै हांव इबी ज़ेलो दा औसौ तोबै बै हांव सुसमाचार का बौचाव कौरु औरौ ऐजौ साबित कौरु कै सुसमाचार साचा औसौ। इनु सौबी बातौ मुंजी तुऐं सौबै मैरै साथै पौरमेशवर कै अनुग्रह दै शामिल औसौ।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।

फिलेमोन 1:17

जै तू मुखै आपणा सहयोगी सौमझै, तौ जोबै उनेसिमुस तैरै धोरे पाछु आन्दा तौ तू तैसकै साथै खुशी शै बर्ताव कौरेया जैशै तू मैरा स्वागत कौरे।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।