फिलिप्पियों 1:29 - सिरमौरी नौवाँ नियम

²⁹ जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

Sirmouri

²⁹ किन्देंखे के मसीया के जाँणें तुँओं गाशी ऐजी कृपा हऐ रऐ, तेस गाशी सिर्फ बिश्वाष ही ने करे, परह् तिनकी ताँईऐं दु:ख भे भूगो,

फिलिप्पियों 1:29 ပူးပေါင်းရင်းမြစ်များ

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

प्रेरितो कै काम 13:39

औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

रोमियों 5:3

सिरफ ऐजौ ही नी, पौरौ आमै कौल़ेशौ औरौ पौरैशानी दै हौंव, तोबै बै खुशी हौए सौकौ, जिथुकै आमै जाणुए कै जोबै आमै दुख दै हौयौ जोऊं तोबै आमै हौजौ बै जादा सब्र राखणा शिखु,

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

कुलुस्सियों 2:12

जोबै तुऔं बपतिस्मा दिया तोबै मसीह कै जैशणै तोंवारै पाप कौरणौ कै स्‍वभाव कै दबाए दिए औरौ तैशैखैई तुऔं नौवें स्‍वभाव कै साथै जियुंदी कौरे दिए जैशैकै मसीह कै जियुंदी कौरे राए थिया। ऐशै इथकारिए हौंव जिथुकै तुऐं बिशवाश कौरे राए, कै पौरमेशवरे आपणै शौकतै कै दवारा मसीह कै मौरणौ कै बाद औटेयौ जियुंदी कौरे दिया।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।

1 पतरस 4:13

बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।