फिलिप्पियों 1:15 - सिरमौरी नौवाँ नियम

¹⁵ किछै लोग तौ ज़लन औरौ झगड़ालु हौणौ की बौजैह शै मसीह कै बारै मुंजी सुसमाचार का प्रचार कौरौ, पौरौ किछै लोग आछै इरादै शै प्रचार कौरौ।

Sirmouri

¹⁵ ऐजो साच्चो असो, के किऐ तअ डाँह्-झगड़े के कारण मसीया का प्रचार करह् अरह् कुँऐं भली हिछ़या शा मसीया का प्रचार करह्।

फिलिप्पियों 1:15 ပူးပေါင်းရင်းမြစ်များ

मत्ती 23:5

सै कैई तरह कै नियम बौणांव जिनु मानणै औरौ कौरणै लोगौ कारिए चैईथै औसौ, सै आपणै ताबीजों खै जिथपांदी शास्त्र कै वचन हौंव, तिनु माथै पांदी औरौ बाऐ पांदी बानो, औरौ आपणै खोटणो खै पालै बौढ़ाव।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 5:42

इथकै बाद चोणेयौंदे चैलै हर दूस मन्दिरो दै औरौ घोरो-घोरो दै जायौ लगातार उपदैश शिखांदै औरौ सुसमाचार का प्रचार कौरौ थिए कै यीशु ही मसीह औसौ।

प्रेरितो कै काम 8:35

तोबै फिलिप्पुसे बौलणौ शुरु कौरौ औरौ ऐसी पवित्र शास्त्र पौरैशौ शुरु कौरेयौ तैसीखै यीशु का सुसमाचार शुणौऊवा इथकारिए सैजा औधिकारी सौमझै गौआ औरौ यीशु पांदी बिशवाश कौरा।

प्रेरितो कै काम 8:5

औरौ फिलिप्‍पुस सामरिया प्रदेश कै ऐकी नगर दा जायौ लोगौ मुंजी मसीह का प्रचार कौरदा लागा।

प्रेरितो कै काम 9:20

औरौ सै तौलोंई दमिश्क शहर कै यहूदी सभा-घोरो दा यीशु का प्रचार कौरदा लागा कै यीशु ही पौरमेशवर का बैटा औसौ।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 13:3

औरौ जै हांव आपणै सारै जायदात कंगालो खै दैय दियु, औरौ इथै तौड़ी कै जै हांव लोगौ कै आपणा शोरीर फूंकणौ कै दैय दियु, औरौ लोगौ आरी प्यार ना राखु तौ मुखै किछै बै फायदा ना हौंदा।

2 कुरिन्थियों 1:19

जिथुकै पौरमेशवर का बैटा यीशु मसीह जैसका अमारै दवारा यानी मैरै औरौ सीलास औरौ तीमुथियुस कै दवारा तोंवारै बीच मुंजी प्रचार हौआ; यीशु मसीह दै कौलोंई “हां” औरौ कौलोंई “ना” ऐजी दुईनै बातौ ना हौंव।

2 कुरिन्थियों 11:13

जिथुकै ऐशणै लोग झूठै चोणेयौंदे चैलै, औरौ छल लैई काम कौरणौवाल़ै, औरौ सै मसीह कै चोणेयौंदे चैलै हौणौ का दावा कौरौ।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

फिलिप्पियों 2:3

स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।