फिलिप्पियों 1:13 - सिरमौरी नौवाँ नियम

¹³ इथै तौड़ी कै महाराजा कै राजभवन कै सारै सैनिक गुटो औरौ महल कै सौबी लोगौ मुंजी ऐजौ प्रगट हौए गौ कै हांव कैद दा औसौ, जिथुकै हांव मसीह कै सेवा कौरु।

Sirmouri

¹³ ऐथै तोड़ी के कंय्दखाँने दे बादी पल़ट्ण, अरह् बचे अंदें लोगो शो ऐजो पर्गट हऐं रूओं, के हाँव मसीया पाँऐयों कय्दी दा असो।

फिलिप्पियों 1:13 ပူးပေါင်းရင်းမြစ်များ

प्रेरितो कै काम 26:29

पौलुसे बौल़ौ, “पौरमेशवर शै मैरै ऐजी प्रार्थना औसौ, कै का दैणिक दा, का बौहितै दा, बस तू ही नी, पौरौ जैतरै लोग ऐलो मैरी शुणौ, मैरी इनु बेड़ियों कै छोड़ेयौ सै मैरै जैशणै मसीह बिशवाशी बौणै जांव।”

प्रेरितो कै काम 26:31

जोबै सै बायरै जांदै लागै रौवै थिए, तौ सै ऐकी दूजै शै बौलदै लागै, “ऐसी आदमीए मौत का दण्‍ड या कोयदखाने जाणौ जूगा कुणजाई अपराध नी कौरे रैई।”

प्रेरितो कै काम 28:17

ती दूसौ कै बाद तैणै यहूदियों कै सियाणै लोगौ खै बौईदै, औरौ जोबै सै कौठै हुवे तौ तिनुखै बौल़ौ, “ओए रै भाईयों, मोऐं आपणै लोगौ खै या पुराणियो कै भोवारो कै खिलाफ दो किछै बै नी कौरी, तोबै बै कोयदी बोणेयो यरूशलेम शहर शा रोमी सरकार कै हाथै सौंपा गौआ।

प्रेरितो कै काम 28:20

इथकारिए मोऐं तुऔं खै बोएदै राए, कै तुंआरी भैटिंयु औरौ बातचीत कौरु; जिथुकै इस्राएल देश कै आशा कारिए जू की मसीह औसौ इयौं शांगुल़ी लैई जोकड़ेयौंदा औसौ।”

प्रेरितो कै काम 28:30

औरौ पौलुस पूरै दो साल तौड़ी आपणै किराए कै घोरो दा रौआ। औरौ जू तैसकै धोरे आंव थिए, तिनु सौबीआरी भैटिंदा रौआ।

इफिसियों 3:1

जिथुकै पौरमेशवरे तुऔं बैगानै यहूदी लोगौ कै खातिर ऐजौ सौबै कौरौ, हांव पौलुस, तुऔं कारिए प्रार्थना कौरु। हांव ज़ेलो दा औसौ जिथुकै हांव तुऔं कारिए मसीह यीशु कै सेवा कौरु।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 6:20

इथकारिए हांव जंजीरो दा जोकड़ेयौंदा ऐक राजदूत कै जैशणा सेवा कौरु। प्रार्थना कौरौ कै, जैशैकै मुखै बौलणौ चैंई, तैशैखैई निडरता कै साथै सुसमाचार का प्रचार कौरे सौकु।

फिलिप्पियों 1:30

औरौ तुऔं तैशैखैई पौरेशानियाँ सैहन कौरणी पौड़दी, जैशै तुऐं मुखै कौरदै बैई दैखै राए, जोबै हांव तोंवारै साथै फिलिप्पी शहर दा थिया औरौ जिनु पौरेशानियो कै बारै मुंजी तुऐं शुणौए जू मौखै कोयदै दी इबी बै औसौए।

फिलिप्पियों 1:7

तुऔं सौबी कै बारै मुंजी ऐशणा विचार कौरणा मुं कारिए ठीक औसौ, जिथुकै हांव तुऔंआरी बैजाए प्यार कौरु। जौबेकै हांव इबी ज़ेलो दा औसौ तोबै बै हांव सुसमाचार का बौचाव कौरु औरौ ऐजौ साबित कौरु कै सुसमाचार साचा औसौ। इनु सौबी बातौ मुंजी तुऐं सौबै मैरै साथै पौरमेशवर कै अनुग्रह दै शामिल औसौ।

फिलिप्पियों 4:22

सौबै पवित्र लोग खास कौरेयौ जू महाराजा कै महल दै जू बिशवाशी औसौ तुऔं खै नमशकार बौल़ौ।

2 तीमुथियुस 2:9

मोऐं कोयदखाने दा ऐक अपराधी कै जैशणा दुख सौयन कौरे लौआ जिथुकै हांव सुसमाचार का प्रचार कौरु। पौरौ कुणिए बै लोग पौरमेशवर कै वचन कै प्रचार कौरणौ शै रौकै ना सौकौ।