फिलिप्पियों 1:10 - सिरमौरी नौवाँ नियम

¹⁰ इथकारिए कै तुऐं जू बातौ भली औसौ तिथका चुनाव कौरणौ कै लायक बौणै जांव ताकि मसीह खै औटेयौ पाछु आणौ कै दूसौ तौड़ी शुध्द औरौ बैकसूर बौणैयौंदे रौंव।

Sirmouri

¹⁰ ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

फिलिप्पियों 1:10 ပူးပေါင်းရင်းမြစ်များ

मत्ती 16:23

तैणै पाछु फिरैयौ पतरस खै बौल़ौ, “ओए रै शैतान, मैरै सामणै दा दूर हौए जा: तू मुं कारिए ठोकर कै बौजैह औसौ; जिथु तोंवारै बिचार आदमी कै जैशणै औसौ, ना कै पौरमेशवर कै जैशणै औसौ।”

मत्ती 26:33

इथपांदी पतरसे तैसीखै बौल़ौ, “जै बैशक सौबै ताखै छोड़ेयौ खै भागी जालै पौरौ हांव ताखै छोड़ेयौ कौलोंई ना भागदा।”

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

यूहन्ना 3:20

जिथुकै जू कुणिए बुराए कौरौ, सै पेयाशै शै बैर राखौ, औरौ पेयाशै कै नेड़िक ना आंव, ताकि तैसकै पाप सामणै नी आंव।

प्रेरितो कै काम 24:16

इथकारिए हांव आपी बै कौचिश कौरु, कै पौरमेशवर की औरौ आदमी कै ढौबौशा मैरा विवेक सौदा निर्दोष रौंव।

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

रोमियों 12:9

औरौ ओकीआरी प्यार कौरणौ का दिखावा ना कौरौ; बुराई शै नफरत कौरौ; औरौ जू आछौ औसौ सैजौ हमैशा कौरदै रौव।

रोमियों 16:17

ऐबै ओए रै बिशवाशी भाईयों, हांव तुऔं कैईंदै बिन्ती कौरु, कै सैजै लोग जिनकै बौजैह शै ओकी लोगौ कै बिशवाश खत्म हौए जांव, सै ऐशणै काम कौरौ जू बटंवारै कै बौजैह बौणौ कै तुऐं तिनु लोगौ शै चौकश औरौ दूर रौव।

रोमियों 2:18

तुऔं पौरमेशवर कै इछा पौता औसौ, तुऐं अच्छाई कै साथै औसौ जिथुकै तुऔं इथकै बारै मुंजी मूसा कै कानून दो शिखाए राए;

रोमियों 7:16

औरौ जै, जू हांव ना चोऊं सैजैई बुरै काम कौरु, तौ हांव मानै पोऊँ कै नियम भले औसौ।

रोमियों 7:22

जिथुकै हांव आपणै पूरै मन शै तौ पौरमेशवर कै नियम लैई बैजाए खुशी रोऊं।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

1 कुरिन्थियों 1:8

पौरमेशवर तुऔं आखरी तौड़ी बिशवाश दै मोजबूत राखदा, ताकि जौल़ौ अमारा प्रभु यीशु मसीह औटेयौ पाछु आन्दा, तोलो तुऐं बैकसूर पाए जांव।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 8:13

इथकारिए, जै आमै मूर्ति खै चौढ़ाएयौंदो खाणौं खाणौ शै ओकी बिशवाशी कै बिशवाश खै खोए दैणौ कै बौजैह बौणौ, तौ हांव तैशणौ खाणौ कौलोंई ना खांदा जिथलैई हांव ओकी बिशवाशी कै बिशवाश कै खौणौ कै बौजैह बौणु।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 6:3

पौरमेशवर दै शामिल हौयौ, आमै कियौंई बातौ दै ठोकर खाणौ का कुणजाई बै मौका ना दियु, कै अमारै सेवा पांदी कुणजाई दोष ना आंव।

2 कुरिन्थियों 8:8

हांव आज्ञा कै रीति पांदी तौ नी, पौरौ ओकी कै खुशी शै तोंवारै प्यार कै सौचाई खै पोरखणौ कारिए बुलू।

गलातियौं 5:11

ओए रै बिशवाशी भाईयों, हांव प्रार्थना कौरु कै खतना जौरुरी ना आथी, औरौ इयौं बौजैह शै मुखै यहूदी लोगौ कै दवारा सताया जाणा जारी औसौ, जै हांव मसीह कै मौत कै बारै मुंजी प्रचार कौरणौ कै बजाय ऐजा प्रचार कौरु कै लोगौ का खतना हौणा चैंई तौ हांव यहूदी लोगौ कारिए बैज्जती कै बौजैह ना हौंदा।

इफिसियों 4:15

बल्कि, प्यार शै साचौ बौलेयौ, आमु सौबी बातौ दै मोजबूत औरौ मसीह कै जैशणै हौए जांव, जू आपणै शोरीर यानी कलीसिया को मुंड औसौ।

इफिसियों 5:10

ऐजौ शिखणौ कै कौचिश कौरौ, कै पौरमेशवर कै का खुश कौरौ?

इफिसियों 5:27

सै आपणै लोगौ कारिए मौरे गौआ ताकि सै आपणै सौबै लोगौ कै सिध्द बाणै सौकौ औरौ तिनु सौबी कै आपणै हाजिर दै लाए सौकौ, जिनुमुंजी कुणजाई दोष औरौ बुरी बातौ ना हौंदी; पौरौ सै पवित्र औरौ सिध्द हौंदै।

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

फिलिप्पियों 1:16

ऐजै लोग मुंआरी प्यार कौरणौ की बौजैह शै प्रचार कौरौ जिथुकै सै जाणौए कै मसीह कै बारै मुंजी सुसमाचार कै रक्षा कौरणौ कै बौजैह शै मुखै कोयदै दा पाए राए।

फिलिप्पियों 1:6

मुखै इयौं बातौ का भोरोशा औसौ कै पौरमेशवरे तुऔं मुंजी किछै आछा काम कौरणा शुरु कौरे राए, सैजाई तैसी यीशु मसीह खै पाछु आणौ कै दूसौ तौड़ी पूरा कौरदा।

फिलिप्पियों 2:16

औरौ मुखै मसीह कै औटेयौ पाछु आणौ कै दूस दै हांव इयौं बात पांदी घमण्‍ड कौरे सौकु कै मैरै मैहनत औरौ मैरै कौचिश बैकार ना हौंव।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

1 थिस्सलुनीकियों 5:21

पौरौ हरेक सौंदेश कै जांच पड़ताल कौरौ कै सै पौरमेशवर कै ढौबौशौ औसौए कै आथी ना, जू आछै सौंदेश खै स्वीकार कौरौ औरौ तिनका पालन कौरौ।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।

प्रकाशितवाक्य 2:2

हांव जाणुए कै तू का कौरे, तू कैशै मैहनत कौरे औरौ कौलोंई हार ना मानै; हांव जाणुए कै तू बुरै लोगौ कै झूठी शिक्षाओं कै सैहन ना कौरे। तुऐं तिनु लोगौ कै जांचै राए जू बौल़ौए कै सै चोणेयौंदे चैलै औसौ पौरौ सौथीखै आथी ना, औरौ तुऐं तिनु झूठै पाए राए।