फिलेमोन 1:24 - सिरमौरी नौवाँ नियम

²⁴ मरकुस, औरौ अरिस्‍तर्खुस औरौ देमास औरौ लूका जू मैरै साथै प्रभु का काम कौरौ, इनका ताखै नमशकार।

Sirmouri

²⁴ अरह् मरकुस, अरह् अरिस्तर्खुस अरह् देमास अरह् लूका जू मेरी गईलो काँम-काज़ कर्णो वाल़ा असो, ईन का भे ताँव्खे नमंष्कार।

फिलेमोन 1:24 ပူးပေါင်းရင်းမြစ်များ

प्रेरितो कै काम 12:12

औरौ ऐजौ जाणैयौ कै पौरमेशवरे तैसी बौचाए दिया थिया पतरस तैसी यहून्ना कै जैसीखै मरकुस बै बौल़ौ तैसकी माँ मरियम कै घोरे ओऊवा, तिथै भौरिशै बिशवाशी लोग कौठै हौयौ प्रार्थना कौरे लोए थै।

प्रेरितो कै काम 12:25

यहूदिया प्रदेश दै यहूदी बिशवाशियौं की मौदद कौरणौ कारिए पौयसै दैणौ कै बाद, बरनबास औरौ शाऊल यरूशलेम शहर शै अन्‍ताकिया शहर कै पाछु ओऊवे, औरौ यहून्ना जैसीखै मरकुस बै बौल़ौ आपी आरी निया।

प्रेरितो कै काम 13:13

पौलुस औरौ तैसकै साथीए पाफुस शहर शै समुन्द्री यात्रा शुरु कौरे औरौ सै पंफूलिया प्रदेश कै पिरगा शहर दै पौंचै गौवै, औरौ यहून्ना जैसीखै मरकुस बै बौल़ौ तिनु छोड़ेयौ यरूशलेम शहर कै हौटै गौआ।

प्रेरितो कै काम 19:29

औरौ सारै नोगरो दा बोईता रोल़ा मोचाए दिया औरौ लोगै मकिदुनिया प्रदेश कै रौणौवाल़ै गयुस औरौ अरिस्‍तर्खुस, खै जू पौलुस कै साथी यात्री थिए, पाकड़ै दियै, औरौ ऐक साथै रंगशाला दै दौड़ै गौवै।

प्रेरितो कै काम 27:2

अद्रमुतियुम शहर को ऐक जहाज जू एशिया प्रदेश कै जाणौ पांदी थियु, तिथ जहाज पांदी आमुए आपणी समुन्द्री यात्रा शुरु कौरे औरौ अमारै साथै अरिस्‍तर्खुस नांव का ऐक आदमी बै थिया जू मकिदुनिया प्रदेश दा थिस्‍सलुनीके शहर का रौणौवाल़ा थिया।

2 कुरिन्थियों 8:23

जै कुणिए तीतुस कै बारै मुंजी पूछौ, तौ सै मैरा साथै औरौ तुऔं कारिए मैरा मौददगार औसौ, औरौ बिशवाश कौरणौवाल़ै भाईयों कै बारै मुंजी पूछौ, तौ सै कलीसियाओं कै भैजैयौंदे औरौ सै मसीह कै आदर दैंव।

फिलिप्पियों 2:25

मोऐं इपफ्रुदीतुस कै तोंवारै धोरे भैजणा जौरुरी सौमझा। सै मैरा भाई औरौ सहयोगी औसौ, सै सुसमाचार कै रक्षा कौरणौ कारिए मैरै साथै ऐक योध्दा कै जैशणा औसौ। जैसी तुऐं मैरी जौरुरतौ का ख्याल राखणौ कारिए मैरै धोरे छाड़ै राए थिया।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

कुलुस्सियों 4:14

प्यारे वैध लूका औरौ देमास तुऔं नमशकार बौल़ौ।

1 पतरस 5:13

बाबेल शहर जू रोम देश दु औसौ तिथै कै बिशवाशी तोंवारा स्वागत कौरौ, जिनु पौरमेशवरे चोणे राए जैशै तैणै तुऔं चोणे राए। मरकुस, जू मैरा ऐक बैटै जैशणा औसौ, सै बै तोंवारा स्वागत कौरौ।

3 यूहन्ना 1:8

इथकारिए ऐशणै लोगौ का आपणै घोरे स्वागत कौरणा चैंई, ताकि आमै बै सौचाई कै प्रचार कै काम दा भाग लौए सौकु।