फिलेमोन 1:20 - सिरमौरी नौवाँ नियम

²⁰ ओए रै मैरै प्यारे दोस्त, ऐजै खोशे मुखै प्रभु दी तैरै ढौबौशै भैट जांव। तू मसीह दा मैरै जीवन कै हरा भरा कौरे दै।

Sirmouri

²⁰ हे भाऐ, ऐजा आँनन्द-खुशी मुँह प्रभू दी ताँव कैई शी भेंटी चेंई। मसीया दा मेरा जीऊँ हरा-भरा करी दे।

फिलेमोन 1:20 ပူးပေါင်းရင်းမြစ်များ

1 कुरिन्थियों 16:18

औरौ मैरै मन खै मोजबूत कौरे राए ठीक तैशैखैई जैशै सै तोंवारै खातिर बै कौरदै जोबै सै तोंवारै धोरे पाछु आन्दै। तुऔं तिनकै जैशणै लोगौ कै तारीफ कौरणै चैंई।

2 कुरिन्थियों 2:2

जिथुकै जै हांव तुऔंखै उदास कौरु, तौ तोंवारै अलावा मुखै खुशी दैणौवाल़ा कुणिए ना बौचै रैई सिरफ तुऐं ही औसौ जिनु मोऐं दुखी कौरे राए।

2 कुरिन्थियों 7:13

इथकारिए आमुखै खुशी हौए औरौ आमुखै तीतुस कै बौजैह शै जादा बै खुशी भैटी जिथुकै तैसका जियुं तुऔं सौबी कै बौजैह शै हौरा-भौरा हौए गौआ।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

फिलिप्पियों 4:1

इथकारिए ओए रै मैरै प्यारे भाईटु, हांव तुऔंआरी बैजाए प्यार कौरु औरौ मोऐं तुऔंआरी भैटिणौ का इंतजार कौरे लौआ। मैरै प्यारे साथियो तुऐं लोग मैरी खुशी औरौ मुकुट औसौ, प्रभु मुंजी आपणै बिशवाश पांदी मोजबूत बौणैयौंदे रौव।

फिलेमोन 1:12

मोऐं उनेसिमुस कै तैरै धोरे पाछु छाड़ै लौआ जैसी आरी हांव दिल शै प्यार कौरु।

फिलेमोन 1:7

जिथुकै ओए रै बिशवाशी भाई, हांव बैजाए खुशी औरौ उत्साहित होऊं जोबै ओकीआरी तैरै प्यार कै दैखु, इथकारिए कै तैरै दवारा पौरमेशवर कै लोग तरो ताजा हौए जांव।

इब्रानियों 13:17

आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।

1 यूहन्ना 3:17

पौरौ जैसी कोसी कैई दुनिया कै धन दौलत हौंव औरौ सै आपणै बिशवाशी भाई कै गरीबी दै दैखैयो तैसी पांदी तरस खाणा ना चांव, तौ तेसिदा पौरमेशवर का प्यार ना हौए सौकौ।

3 यूहन्ना 1:4

जोबै बै हांव ऐजौ शुणु कै सैजै लोग मैरै नानड़िया कै जैशणै औसौ औरौ सौचाई कै हिसाब शै जी रौवै तौ ऐजै बात मुखै हौजौ बै खुशी कौरे दैंव।