फिलेमोन 1:1 - सिरमौरी नौवाँ नियम

¹ ओए रै फिलेमोन मोऐं पौलुसे इयौं चिट्ठी कै लैखै लोए औरौ हांव यीशु मसीह कै बारै मुंजी प्रचार कौरणौ की बौजैह शै कोयदखाने दा औसौ। हांव औरौ अमारा बिशवाशी भाए तीमुथियुस तुऔं नमशकार कौरौ। तू अमारा प्यारा दोस्त औसौ औरौ तू मसीह कारिए तैशैखैई काम कौरे जैशैखै आमै कौरु।

Sirmouri

¹ पौलुस की ढबे शी जू मसीया प्रभू यीशू का कय्दी असो, अरह् भाऐ तीमुथियुस की ढबे शी, अरह् अमाँरी काँम-काज दा साथ देणों वाल़े प्यारे फिलेमोन,

फिलेमोन 1:1 ပူးပေါင်းရင်းမြစ်များ

प्रेरितो कै काम 16:1

तोबै पौलुस औरौ सिलास दिरबे औरौ लुस्त्रा शहर दै बै हौटै। तिथै तीमुथियुस नांव का ऐक चैला रौंव थिया। तैसकै माँ यहूदी बिशवाशी थी, पौरौ तैसका बापू यूनान देश का रौणौवाल़ा थिया।

1 कुरिन्थियों 3:9

आमै पौरमेशवर कै साथै काम कौरणौवाल़ै औसौ; औरौ तुऐं कुरिन्थुस शहर कै बिशवाशी ऐकी बागड़ी साए औसौ जू पौरमेशवर कै औसौ। औरौ इथकै साथै, हांव तुंआरी तुलना ऐकी घौरौ शै कौरे सौकु जिथुखै पौरमेशवरे बाणै लौ।

2 कुरिन्थियों 1:1

मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

इफिसियों 3:1

जिथुकै पौरमेशवरे तुऔं बैगानै यहूदी लोगौ कै खातिर ऐजौ सौबै कौरौ, हांव पौलुस, तुऔं कारिए प्रार्थना कौरु। हांव ज़ेलो दा औसौ जिथुकै हांव तुऔं कारिए मसीह यीशु कै सेवा कौरु।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 6:20

इथकारिए हांव जंजीरो दा जोकड़ेयौंदा ऐक राजदूत कै जैशणा सेवा कौरु। प्रार्थना कौरौ कै, जैशैकै मुखै बौलणौ चैंई, तैशैखैई निडरता कै साथै सुसमाचार का प्रचार कौरे सौकु।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

फिलिप्पियों 2:25

मोऐं इपफ्रुदीतुस कै तोंवारै धोरे भैजणा जौरुरी सौमझा। सै मैरा भाई औरौ सहयोगी औसौ, सै सुसमाचार कै रक्षा कौरणौ कारिए मैरै साथै ऐक योध्दा कै जैशणा औसौ। जैसी तुऐं मैरी जौरुरतौ का ख्याल राखणौ कारिए मैरै धोरे छाड़ै राए थिया।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।

कुलुस्सियों 1:1

हांव पौलुस जू पौरमेशवर की इछा कै दवारा मसीह यीशु का चोणेयौंदा चैला औसौ, औरौ साथी बिशवाशी भाई तीमुथियुस कै ढौबौशै ऐजै चिट्टी लैख लोए।

कुलुस्सियों 4:11

यीशु जैसी लोग यूस्‍तुस बै बौल़ौए तुऔं नमशकार बौल़ौ। खतना कौराणौ वाल़ै बिशवाशियौं मुंजीदै सिरफ ऐजै तीन मर्द ही पौरमेशवर कै राज्य कारिए मैरै सहयोगी औसौ औरौ इनुवे मुखै बैजाए तसल्ली दैय राए।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

2 थिस्सलुनीकियों 1:1

ऐजै चिट्ठी पौलुस, सीलास औरौ तीमुथियुस कै ढौबौशी औसौ। ऐजै चिट्ठी थिस्‍सलुनीका शहर कै कलीसिया खै लैखै राए, जू अमारै पिता पौरमेशवर औरौ प्रभु यीशु मसीह शै जोड़ेयौंदे औसौ।

2 तीमुथियुस 1:8

इथकारिए ओकी लोगौ कै अमारै प्रभु यीशु मसीह कै बारै मुंजी बौताणौ कारिए आमु शर्माणो नी चैंई औरौ ना ताखै इयौं बातौ शै शर्माणो चैंई कै हांव मसीह की सेवा कौरणौ कै बौजैह शै कोयदी दा औसौ बल्कि ताखै तियौं अनौखी शौकतै का इस्तैमाल कौरणा चैंई जू पौरमेशवर ताखै दैंव औरौ सुसमाचार कारिए मैरै दुखो दा मैरा साथ दै।

फिलेमोन 1:23

इपफ्रास, जू यीशु मसीह का प्रचार कौरौ सै मैरै साथै कोयदखाने दा औसौ सै तुऔं नमशकार कौरौ।

फिलेमोन 1:24

मरकुस, औरौ अरिस्‍तर्खुस औरौ देमास औरौ लूका जू मैरै साथै प्रभु का काम कौरौ, इनका ताखै नमशकार।