मरकुस 9:9 - सिरमौरी नौवाँ नियम

⁹ जोबै यीशु औरौ तैसकै तीन चैलै धारो पांदी दै उदे आन्दै लाग रौवै थिए, यीशुए तिनुखै चिताऐबा बौल़ौ, कै कोसी कैई ऐजौ नी बौताया तुऐं का दैखौ, जांव तौड़ी कै हांव, आदमी का बैटा, मौरेयौंदे पौरैशा हौजौ जियुंदी ना होई जोऊं।

Sirmouri

⁹ धारह् गेछ़ै ऊदे आँदिऐं, प्रभू यीशू ऐ तिनखे अज्ञाँ दिती, के जाँव तोड़ी आदमी का बैटा मरे अंदे मुँझ्षा, जीऊँदा ने हुआ, ताँव-तोड़ी जू किऐ तुँऐं दे:खो, सेजो ओकी कोसी कैई ने बुले।

मरकुस 9:9 ပူးပေါင်းရင်းမြစ်များ

मत्ती 12:19

सै ना तौ झोगड़ा कौरला, औरौ ना लैरौ मारदा; औरौ ना बाज़ारो दै कुणिए तैसकै धाव शुणदै।

मत्ती 12:40

योना तीन रात औरौ तीन दूस बौड़ी माछी कै पेटोऊदा रौआ, तैशैखैई हांव आदमी का बैटा तीन रात औरौ तीन दूस धोरती कै भीतरै रौंदा।

मत्ती 16:21

तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

मत्ती 27:63

औरौ बौल़ौ “ओए रै महाराज, आमु याद औसौ कै तैसी झूठै आदमीए आपणै जीतै जी बौल़ै राए थियु, कै मैरै मौरणौ कै ती दूसौ बाद हांव हौजौ जियुंदा हौए जांदा।

मत्ती 8:4

यीशुए तैसीखै बौल़ौ, “दैख कोसी कैई नै बौलेया पौरौ जाऐबा आपी खै यहूदी पुरोहित खै दिखा औरौ जू मूसाए कोढ़ ठीक हौए जाणौ कै बारै मुंजी बौताए राए थियु तिथकै हिसाब शै पौरमेशवर कारिए बलिदान चौढ़ा, ताकि लोगौ कै पौता लागै सौकौ कै तू ठीक हौए गौआ।”

मरकुस 5:43

तोबै यीशुए तिनुखै चिताऐबा बौल़ौ कै ऐजै बात कोसी कै नी बौलेया कै का हौए रौ थियु, औरौ तियांरै माँ-बापू कै बौल़ौ; “इयौंकै किछै खाणौ खै दैंव।”

मरकुस 7:36

तोबै यीशुए लोगौ खै बौल़ौ इयौं बातौ कै बारै दै कोसी कैंई नै बौलेया; पौरौ जैतरो तैणै मोना कियु, तैतरो ही तिनुवै लोगौ कैंई बौतौऊं।

मरकुस 9:10

तिनुऐ इनु बातौ खै आपी मुंजी राखी; औरौ आपी मुंजी पोलदे लागै, “कै मौरेयौंदे मुंजीदा जियुंदी हौणौ का, का मतलब औसौ?”

मरकुस 9:8

तोबै चैलै एकदम चोऊ ढौबौ दैखौ, औरौ यीशु कै छोडे़बा, आपणै साथै ओकी कोसी खै ना दैखी।

लूका 24:46

औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा,

लूका 9:36

ऐजी आवाज़ खत्म हौन्दै ही तिनुकै यीशु तिथै इकली दैखिया; औरौ जू किछै तिनुऐ दैखै राए थियु, तिनुऐ तैसी सौमय दो तिथकै बारै मुंजी कोसी कैंई किछै ना बुली पौरौ सै चुपी रौवै।