मरकुस 9:44 - सिरमौरी नौवाँ नियम

⁴⁴ नरको दै सौबी कै शोरीरो खै खाणौवाल़ै कीड़ै औसौ, जू कौलोंई ना मोरो; औरौ आग हिशणै कौलोंई कम ना हौंव।

Sirmouri

⁴⁴ (जेथै नंर्को का किड़ा कद्दी ने मरदा, अरह् ना तेथै के आग कद्दी भे हिष्दी)

मरकुस 9:44 ပူးပေါင်းရင်းမြစ်များ

मत्ती 25:41

तोबै सै डैरै ढौबौ खौड़ै हौणौवाल़ै कै बौलदा, ‘ओए रै शरापित लोगौ, मैरै सामणै शै तियौं सौदा कै आग दै हौटै जांव, जू शैतान औरौ तैसखै दुष्टआत्मा खै पौरमेशवरे तैयार कौरे राए।

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मत्ती 3:12

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ादा जू आग कौलोंई ना हिशदै।”

मरकुस 9:43

पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तुऐं आपणा ऐक हाथ काटै लौआ, जू कै तुऔं लैई पाप कौरांव। पौरौ तुऔं खै ऐजौ ठीक औसौ कै तुऐं दुईनै हाथ हौयौ बै नरको दै जाणौ शै स्वर्ग दै टुंडै हौयौ जालै।

मरकुस 9:45

पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तैरा लात तांव लैई पाप कौरांव तौ तैसी काटै दै। लोंगड़ा हौयौ स्वर्गो दो जाणौ ताखै ठीक औसौ। इथकै बौजैह कै दो लात हौंदै बैई नरको दा पांव।

मरकुस 9:48

नरको दै सौबी कै शोरीरो खै खाणौवाल़ै कीड़ै औसौ, जू कौलोंई ना मोरो; औरौ आग हिशणै कौलोंई कम ना हौंव।

2 थिस्सलुनीकियों 1:9

सैजै लोग सौदा कारिए प्रभु शै जौई हौए जांदै औरौ तैसकै महिमामय शौकतै दै शामिल ना हौंदै। औरौ जू लोग तैसकै शौकतै कै तैज शै दूर हौए रौवै सै तिनु लोगौ खै सौदा कै विनाश कै दवारा सौजा दैंदा।

प्रकाशितवाक्य 20:10

इथकै बाद शैतान पाकड़ै जांदा, जैणै देश-देश कै लोगौ खै भरमाए औरौ तैसी गन्धक कै आग दा फेरकाए दैंदै, यानी तियौं आग दा जू झील कै जैशणै बौड़ै औसौ। राकस औरौ झूठै पौरमेशवर कै बातौ बौताणौवाल़ै खै आगै ही तिथै बैगाए राए थिए। औरौ तिथै तियौं आग दै तिनु हमैशा कारिए रात औरौ दूस सताए जांदै।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”