मरकुस 9:43 - सिरमौरी नौवाँ नियम

⁴³ पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तुऐं आपणा ऐक हाथ काटै लौआ, जू कै तुऔं लैई पाप कौरांव। पौरौ तुऔं खै ऐजौ ठीक औसौ कै तुऐं दुईनै हाथ हौयौ बै नरको दै जाणौ शै स्वर्ग दै टुंडै हौयौ जालै।

Sirmouri

⁴³ जे तेरा हाथ ताँव कैई शो पाप कराँव, तअ तेसी काटी दे, किन्देंखे के तेसी दुई हाथे नंर्को दो ज़ाणों पड़ो; तअ तेस्खे ऐजो आछो असो, के तू टूडा हऐयों ऐसी जीवन शा स्वर्गो दा हुटे, किन्देंखे के नंर्को के आग कद्दी ने हिष्दी,

मरकुस 9:43 ပူးပေါင်းရင်းမြစ်များ

मत्ती 17:27

तोबै ऐशैखै ना हौंव कै सै आमुआरी खैजै जांव, तू झील कै किनारे जाऐबा कांडा पा, औरौ जू माछी आगै निकोलल़ी, तियौं ला; तौ ताखै तिथकै मुं खौलणौ पांदी ऐक सिका भैटला जिथका दाम चोऊ दूसौ कै धियाड़ै औसौ, तैसी लोएबा मैरै औरौ आपणै मामलै कै बौदलै तिनुखै दैय दैया।”

मत्ती 25:41

तोबै सै डैरै ढौबौ खौड़ै हौणौवाल़ै कै बौलदा, ‘ओए रै शरापित लोगौ, मैरै सामणै शै तियौं सौदा कै आग दै हौटै जांव, जू शैतान औरौ तैसखै दुष्टआत्मा खै पौरमेशवरे तैयार कौरे राए।

मत्ती 3:12

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ादा जू आग कौलोंई ना हिशदै।”

मत्ती 5:22

पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

मरकुस 9:44

नरको दै सौबी कै शोरीरो खै खाणौवाल़ै कीड़ै औसौ, जू कौलोंई ना मोरो; औरौ आग हिशणै कौलोंई कम ना हौंव।

लूका 14:13

पौरौ जौल़ौ तू खाणौ खाए, तौ कंगालो, टुंडै, औरौ लोंगड़े औरौ आन्धै कै बौईद।

लूका 14:21

तैसी नोकरे आयौ आपणै मालिक कै ऐजी बातौ शुणैई। तोबै घोरो कै मालिकै गुस्से शै बौल़ौ आपणै नोकरो खै बौल़ौ, ‘नोगरो कै बाज़ारो औरौ गलियो दै तावल़ै जाएयो कंगाल, टुंडै, लोंगड़े, औरौ आन्धै कै इथै लियांव।’

लूका 3:17

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ाए दैंदा जू आग कौलोंई ना हिशदै।”

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

1 कुरिन्थियों 9:27

हांव आपणै शोरीरो खै भ्यास दा लांऊ औरौ बुरी इछाओं कै काबू दी राखु, कोदी ऐशै नै हौंव कै हांव जू ओकी कै सुसमाचार का प्रचार कौरु, औरौ आपी इनाम ना पोऊँ।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

तीतुस 2:12

आपणै अनुग्रह शै पौरमेशवर आमु शिखांव कै तैशैखै बर्ताव कौरणा बंद कौरौ, जू तैसी खुश ना कौरौ, तिनु चीज़ौ की लालसा कौरणै बंद कौरौ जिनकै इछा अबिशवाशी कौरौ, औरौ जौबेकै आमै इबी इयौं दुनिया पांदी ही औसौ तौ बुध्दिमानी शै औरौ धार्मिकता कै साथै ऐशैखै काम कौरु जिथलैई पौरमेशवर खै खुशी भैटौ।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।