मरकुस 9:41 - सिरमौरी नौवाँ नियम

⁴¹ जू कुणिए तुऔं खै ऐक गिलास पाणी इथकारिए पियांव कै तुऐं मसीह कै चैलै औसौ तौ हांव तुऔं खै साचौ बुलू कै पौरमेशवर जौरुर तैसी आदमी का भोला कौरदा।”

Sirmouri

⁴¹ जुण्जा कुँऐं ऐक गिलास पाँणी तुँओं कैई शो मेरे नाँव, अरह् ईन्देंखे पियाला के तुँऐं मसीया के असो, तअ हाँव तुँओं खे खास बात बुलू, के तेसी तिन्दे का ईनाँम जरूर भेंट्ला।

मरकुस 9:41 ပူးပေါင်းရင်းမြစ်များ

मत्ती 10:42

जू कुणिए इनु नानड़ै मुंजीदा ऐकी कै मैरा चैला जाणैबा सिरफ ऐक गिलास शैल़ै पाणी का पियालै, हांव तुऔं खै साचौ बुलू, कै पौरमेशवर जौरुर तैसी आदमी कै इनाम दैला।”

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मरकुस 4:10

जोबै यीशु इकली रौए गौआ, तौ आयरै-बायरै बोठेयोंदै लोगै औरौ बारौ चैलै इनु उदारण कै बारै दो यीशु कैईंदु पूछु।

रोमियों 14:15

जै तैरा भाई तैरै खाणौ कै बौजैह शै उदास हौंव, तौ तोबै तू प्यार कै हिसाब शै ना चालै, तौ आमु चौकश रौणौ चैंई ताकि आमु भोजन कै बौजैह शै अमारै साथी बिशवाशी कै बिशवाश खै नाश ना कौरु, जिथुकै मसीह तैसकै खातिर बै मौरा थिया।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

1 कुरिन्थियों 3:23

औरौ तुऐं मसीह कै औधिकार कै अधीन औसौ, औरौ मसीह पौरमेशवर कै औधिकार कै अधीन औसौ।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

गलातियौं 3:29

जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।