मरकुस 9:31 - सिरमौरी नौवाँ नियम

³¹ जिथुकै यीशु आपणै चैलै खै साथी जादा वकत बितायेबा तिनुकै शिखाणौ चांव थिया। औरौ तिनुखै बौल़ौ थिया, “हांव आदमी का बैटा, बौयरै कै हाथौ लैई थोम्बाया जांदा, औरौ ऐजै लोग मुखै मारै दैंदै; औरौ हांव मौरणौ कै ती दूसौ कै बाद हौजौ जियुंदा हौए जोऊंबा।”

Sirmouri

³¹ किन्देंखे के प्रभू यीशू आप्णे चैले खे शिक्क्षा देंदे बुलो थिऐ, के “आदमी का बैटा, आदमी के हाथे थँम्ब्ड़ाया ज़ाँदा, अरह् से तेसी मारी देले; अरह् से हजो च़ीज़े का ऊबा जीऊँदा।”

मरकुस 9:31 ပူးပေါင်းရင်းမြစ်များ

मत्ती 16:21

तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

मत्ती 20:28

जैशैकै हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरी सेवा कौरौ, हांव कैई लोगौ कै तिनकै पापौ शै छुड़ाणो कारिए मौरणौ कै आए रौआ।”

मत्ती 26:2

“तुऐं जाणौए दु दूसौ कै बाद फसह का तैयार औसौ, औरौ आदमी का बैटा क्रूसो पांदी चौढ़ाए जाणौ कारिए पोकड़ाए जांदा।”

मत्ती 27:63

औरौ बौल़ौ “ओए रै महाराज, आमु याद औसौ कै तैसी झूठै आदमीए आपणै जीतै जी बौल़ै राए थियु, कै मैरै मौरणौ कै ती दूसौ बाद हांव हौजौ जियुंदा हौए जांदा।

मरकुस 10:34

औरौ सै मैरा मोजाक ऊंडान्दै, मुं पांदी थुकलै, मुं दै कौड़ै मारले, औरौ मुखै मार दैंदै, औरौ हांव तिजै दूसै जियुंदी हौए जांदा।”

मरकुस 8:31

तोबै यीशु आपणै चैलै कै शिखांदा लागा, कै ऐजौ जौरुरी औसौ, कै हांव आदमी का बैटा बौहितै दुख झैलू, औरौ बुड़ेईक औरौ मुख्य यहूदी पुरोहित, औरौ यहूदी शास्त्री मुखै नोकारा सौमझेयौ मारै दैलै, पौरौ हांव ती दूसौ कै बाद जियुंदी हौंदा।

मरकुस 9:12

यीशुए तिनुखै जोवाब दिया, “कै ऐजै बात साची औसौ कै पौरमेशवरे एलिय्याह कै छाड़णौ कारिए वादा कौरे राए थिया कै सै आगै आयौ सौब ठुँ सुधारै दैन्‍दा। पौरौ हांव तुऔं खै बौतौऊं एलिय्याह औगौड़ियौ आए रौआ औरौ अमारै ठोगड़े तैसीआरी जैशैकै चोऊ तैशैखै बुरा बर्ताव कौरा, पौरौ तुऐं ऐजौ सोंचै कौरेया कै मुं आदमी का बैटै कै बारै दै पवित्र शास्त्र दो किथु लैखै राव, कै सै बैजाए दुख झैलला औरौ तैसी नोकारा जांदा।”

लूका 24:26

ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?”

लूका 9:44

“तुऐं इनु बातौ पांदी ध्यान दैव, जिथुकै हांव आदमी का बैटा, बौयरै कै हाथौ लैई थोम्बाए जाणौ कै औसौ।”

यूहन्ना 10:18

कुणिए बै मैरै जिन्दगी मुंआदे छिणै ना सौकौ, पौरौ हांव तियौं आपी ही दियु। मुखै तियौं दैणौ का औधिकार औसौ औरौ तियौं लोणो का बै औधिकार औसौ। जिथुकै ऐजै आज्ञा मुखै मैरै पिता पौरमेशवर कैईंदै भैटी रौए।”

यूहन्ना 2:19

यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

यूहन्ना 3:14

औरौ जैशैखै मूसाए शुनशान जौगैह दा पितलो कै शोंगोऊं कै खोम्बे पांदी चौढ़ौऊवा, तैशैखैई जौरुरी औसौ कै हांव आदमी का बैटा बै क्रूसो पांदी चौढ़ाया जोऊं।

2 तीमुथियुस 2:12

जै आमु मसीह कारिए दुख सैहन कौरु, तौ आमै तैसकै साथै राज्य बै कौरदै; पौरौ जै आमै बुलू कै आमै मसीह कै ना जाणु तौ सै बै बौलदा कै आमै तैसकै ना आथी।