मरकुस 9:25 - सिरमौरी नौवाँ नियम

²⁵ जोबै यीशुए दैखौ, कै लोगै हौजौ बै दौड़-दौड़ैबा जादा भीड़ कौठी कोरी लोए, तौ तैणै दुष्टआत्मा खै ऐजौ बौलेबा ताडै़, “ओए रै गुंगी औरौ जायरै कौरणौवाल़ै दुष्टआत्मा, हांव ताखै हुकम दियु, तैसी पौरैशै निकल़ै जा, औरौ तैसदै कौलोंई बै पाछु नी आया।”

Sirmouri

²⁵ जबे प्रभू यीशू ऐ दे:खो, के लोगे बिच़ड़ियों भीड़ लाऐ लऐ, तअ तियों नींच दुष्ट-आत्त्मा ऐशी बुलियों झाड़ी, “ओ गूँगी अरह् जाईरीं दुष्ट-आत्त्मा, हाँव ताँव्खे अज्ञाँ देऊँ ऐस शी निक्ल़ी ज़ा, अरह् ऐस्दे हजो कद्दी ने आऐं।”

मरकुस 9:25 ပူးပေါင်းရင်းမြစ်များ

मत्ती 12:22

तोबै लोगै ऐकी आन्धै-गुंगै खै जैसदै दुष्टआत्मा थी, तैसकै धोरे लियोऊवा; औरौ तैणै तैसीखै ठीक कौरे दिया, औरौ सैजा गुंगा बौलांदा औरौ दैखदा लागा।

मत्ती 17:18

तोबै यीशुए दुष्टआत्मा कै झिड़की, औरौ दुष्टआत्मा तैसी पौरैशै निकल़ै गौए, औरौ भैईया तैसी सौमय ठीक हौए गौआ।

मरकुस 9:15

जैई लोगै यीशु खै दैखा सौबै लोग बौहितै हैरान हुवे, औरौ तैसकै ढौबौ दौड़ैबा तैसीखै नमशकार कौरा।

मरकुस 9:24

भैईया कै बापूए तौलोंई बौल़ौ, “ओए रै प्रभु, हांव बिशवाश कौरु, तू मैरै शक कै दूर कौर।”

मरकुस 9:26

तोबै तैणै लैरौ मारी, औरौ दुष्टआत्माएं तैसीखै मोकड़ैबा, निकल़ै गौए; औरौ भैईया मौरेयौंदे जैशणा लागै रौआ थिया, औरौ बौहितै लोग बौलदै लागै, कै ए तौ मौरे गौआ।

लूका 11:14

तोबै यीशुए ऐक आदमी पौरैशै दुष्टआत्मा घाड़ै। जैसीखै तियैं गुंगा कौरे राए थिया जोबै दुष्टआत्मा निकल़ी गौए तौ गुंगा बौलदा लागा; औरौ लोग दैखैयो हैरान हौए गौवै।

लूका 4:35

यीशुए दुष्टआत्मा खै ऐजौ बौलेयौ झिड़की, “चुपी रौ औरौ ऐसी पौरैशै निकल़ै जा!” तोबै दुष्टआत्माएं तैसकै बीचो दा पोटकेयो बिना नुकसान पोऊंचाए तैसी पौरैशै निकल़ै गौए।

लूका 4:41

औरौ दुष्टआत्मा लैलियायो बौहितै लोगौ पौरैशी निकल़ै गोई, औरौ बौलदी लागी, “कै तू पौरमेशवर का बैटा औसौ,” पौरौ सै तिनु ताड़ौ औरौ बौल़ाणौ नै दैंव थिया, जिथुकै सै जाणौ थी कै सै मसीह औसौ।

लूका 8:29

जिथुकै यीशुए दुष्टआत्माओं खै तैसी आदमी पौरैशै निकल़णौ कै आज्ञा दैय राए थै। औरौ सै तैसीकै बार बार पाकड़ो थी, औरौ जू लोग तैसीकै शांगुल़ी औरौ बेड़ियों लैई बानौ थिए, तोबै बै सै बानौण तौड़ै दैंव थिया, औरौ दुष्टआत्मा तैसीकै शुनशान जौगैह दा दौड़ांव फिरांव थी।

लूका 9:42

सै आन्दा ही लागै रौआ थिया कै दुष्टआत्माएं तैसीकै पोटकेयो मोरोड़ै दिया, पौरौ यीशुए दुष्टआत्मा कै डांटैयौ औरौ भैईया कै ठीक कौरेयौ तैसकै बापू कै सौंपै दिया।

प्रेरितो कै काम 16:18

सै बौहितै दूसौ तौड़ी ऐशैखैई कौरदै रोए, पौरौ पौलुस पौरैशान हौआ, औरौ पाछु फिरैयौ तियौं दुष्टआत्मा कै बौल़ौ, “हांव ताखै यीशु मसीह कै नांव शै आज्ञा दियु कै तू इयौं पौरैशै आगु जा औरौ सै तियौं घोड़ियो दै आगु हौटै गौए।”

यहूदा 1:9

इथै तौड़ी कै मीकाईलै बै जू पौरमेशवर कै खास स्‍वर्गदूतौ मुंजीदा ऐक औसौ, बैज्जती ना कौरी। जिथुकै जोबै तैणै शैतान कै साथै बैहस कौरे औरौ पौरमेशवर कै बातौ बौताणौवाल़ै मूसा कै शोरीरो खै लोणो कारिए आपणै औधिकार कै चैतावणी दै, तोबै बै तैणै शैतान शै बुरी बातौ ना कौरी औरौ तैसी पांदी दोष ना लैई। पौरौ तैणै सिरफ ऐतरो बौल़ौ, “प्रभु तांवआरी सख्ताई शै बात कौरौ।”