मरकुस 9:24 - सिरमौरी नौवाँ नियम

²⁴ भैईया कै बापूए तौलोंई बौल़ौ, “ओए रै प्रभु, हांव बिशवाश कौरु, तू मैरै शक कै दूर कौर।”

Sirmouri

²⁴ बालको के बाबा ऐ तैख्णी प्रभू के हाथे-लात्तें पड़ियों बुलो, “हे प्रभू हाँव बिश्वाष करू, मेरे बै-बिश्वाष का किऐ ऊपाया करह्।”

मरकुस 9:24 ပူးပေါင်းရင်းမြစ်များ

मरकुस 9:23

यीशुए तैसीखै बौल़ौ, “तुऔं कै शक नी हौणा चैंई कै हांव ऐजौ कौरे सौकु! जै कुणिए आदमी मुं पांदी बिशवाश कौरौ तौ तैसी कारिए सौब ठुँ हौए सौकौ।”

मरकुस 9:25

जोबै यीशुए दैखौ, कै लोगै हौजौ बै दौड़-दौड़ैबा जादा भीड़ कौठी कोरी लोए, तौ तैणै दुष्टआत्मा खै ऐजौ बौलेबा ताडै़, “ओए रै गुंगी औरौ जायरै कौरणौवाल़ै दुष्टआत्मा, हांव ताखै हुकम दियु, तैसी पौरैशै निकल़ै जा, औरौ तैसदै कौलोंई बै पाछु नी आया।”

लूका 17:5

तोबै चोणेयौंदे चैलै प्रभु यीशु कै बौल़ौ, “अमारै बिशवाश कै हौजौ मजबूत कौर।”

लूका 7:38

औरौ रुंदै बैई यीशु कै पौछौड़ियौ तैसकै लातो कै धोरे खौड़ै हौए गौए, औरौ तैसकै लातो कै आशुओं लैई धौयौ, औरौ आपणै मुंडौ कै बाल़ो लैई गुशदै लागै, औरौ तैसकै लातो पांदी बार-बार चूमियो तिथपांदी इत्र मोल़दै लागै।

लूका 7:44

औरौ तियौं बैटमाणिश कै ढौबौ फिरैयौ यीशुए शमौन कै बौल़ौ, “का तुऐं इयौं बैटमाणिश कै दैखै? हांव तैरै घोरे ओऊवा तुऐं अमारै भोवार कै हिसाब शै मुखै लात धोणो कारिए पाणी बै ना दी, पौरौ इयैं मैरै लात आपणै आशुओं लैई धोए दिए, औरौ आपणै बाल़ो शै साफ कौरे।”

प्रेरितो कै काम 10:19

पतरस तैसी दर्शन पांदी सोंचै ही लो थियु कै पवित्र आत्माए तैसी बौल़ौ “दैख, ती आदमीए ताखै जौए लौआ।

प्रेरितो कै काम 10:31

औरौ बौलदा लागा, ‘ओए रै कुरनेलियुस, तैरी प्रार्थना शौणै पाए औरौ तैरै दान पौरमेशवर कै सामणै याद राए कौरे।’

2 कुरिन्थियों 2:4

बौड़ै कौल़ेशौ, औरौ मन कै कोष्ट लैई, मोऐं बैजाए आशु बौवाएयौ तुऔं चिट्ठी लैखै राए, इथकारिए नी, कै तुऐं उदास हौंव पौरौ इथकारिए कै तुऐं तैसी बौड़ै प्यार खै जाणै सौकौ, जू मुखै तुऔंआरी औसौ।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

2 थिस्सलुनीकियों 1:11

आमै लगातार तुऔं कारिए प्रार्थना बै कौरु, ताकि पौरमेशवर तुऔं तैसी जीवन कै लायक बाणै दैंव जिथु जिणौ कारिए तैणै तुऔं बौएदै राए। औरौ पौरमेशवर तुऔं खै सौबै भोलाए कै काम कौरणौ कै इछा औरौ बिशवाश शै सौबी कामौ खै आपणै अनौखी शौकतै शै पूरु कौरौ।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

2 तीमुथियुस 1:4

मैरै याद औसौ कै तू कैतरा रुवा थिया जोबै मुखै ताखै छोड़ेयौ जाणौ पौड़ौ इथकारिए ऐबै तांवआरी भैटिणौ कै इछा राखुए, कै खुशी लैई भोरै जोऊं।

इब्रानियों 12:17

तुऐं जाणौ तौ औसौए, बाद दी तैणै आपणै पिता कै आशीष चाए, जू तैसी ना भैटी, औरौ आशु बौवायौ-बौवायौ सै आशीष चांव थिया पौरौ तोबै बै जू किछै तैणै आगै कौरे राए थियु तिथु सै औटेयौ बौदलै ना सौकी।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 5:7

जोबै यीशुए इयौं धोरती पांदी कै पूरै जीवन दी पौरमेशवर शै जोर-जोर शै लैलियायो औरौ रुंदै बैई, प्रार्थनाए औरौ बिन्ती कौरी जू तैसीखै मौत शै बौचाए सौकौ थिया, तौ पौरमेशवरे तैसकै प्रार्थना शौणै जिथुकै सै नम्र औरौ जिमैदार थिया।