मरकुस 9:17 - सिरमौरी नौवाँ नियम

¹⁷ भीड़ौ मुंजीदा ऐकीए तैसीखै जोवाब दिया, “ओए रै गुरु, मोऐं आपणा बैटा तैरै धोरे लाए राए, जैसदै ऐक दुष्टआत्मा औसौ, जिंए तैसीकै गुंगा कौरे राखा।

Sirmouri

¹⁷ लोगों की भीड़ो मुँझ शा ऐकी ऐ जबाब दिता, “हे गुरू जी! मुँऐ आप्णा बैटा जेस्दी गूँगी दुष्ट-आत्त्मा समाऐ रंऐ, तेसी आँमें तुँओं कैई आँणा थिया।

मरकुस 9:17 ပူးပေါင်းရင်းမြစ်များ

मत्ती 12:22

तोबै लोगै ऐकी आन्धै-गुंगै खै जैसदै दुष्टआत्मा थी, तैसकै धोरे लियोऊवा; औरौ तैणै तैसीखै ठीक कौरे दिया, औरौ सैजा गुंगा बौलांदा औरौ दैखदा लागा।

मत्ती 17:15

“ओए रै प्रभु, मैरै बैटै पांदी दया कौर, जिथु तैसीखै मिर्गी कै दोरै आंव, औरौ सै बैजाए दुखी औसौ; औरौ बार-बार आगी मुंजी, औरौ बार-बार पाणी मुंजी रिड़ो।

मत्ती 9:32

जोबै सैजै दो आन्धै आदमी बायरै जांदै लागै रौवै थिए, तौ कैई लोगै यीशु कै धोरे ऐकी आदमी खै लियोऊवा, जू बौलाए नै सौकौ थिया, जिथु तैसदै दुष्टआत्मा थी।

मरकुस 10:13

तोबै लोग नानड़िया खै यीशु कै धोरे लान्दै लागै, कै सै तिनु पांदी हाथ राखियो तिनु आर्शीवाद दैंव; पौरौ चैलै लोगौ कै झिड़कै।

मरकुस 5:23

औरौ ऐजौ बौलेबा तैसी कैईंदै बैजाए बिन्ती कोरयो बौल़ौ, “मैरै नानड़ै बैटी मौरणौ पांदी औसौ: तू मैरै घोरे आयौ तियौं पांदी हाथ धौर दै, तोबै सै ठीक हौए जांदी औरौ जियुंदी रौंदी।”

मरकुस 7:26

ऐजै बैटमाणिश यूनान देश कै ना थी। ऐजै सुरुफिनीकी प्रदेश कै थी; औरौ तियैं यीशु कैईंदै बिन्ती कोरी, कै मैरै बैटी पौरैशै दुष्टआत्मा निकाल़ै दै।

मरकुस 9:16

यीशुए तिनु कैईंदु पूछु, “तुऐं इनु आरी का बैहस कौरे लोए?”

मरकुस 9:18

जोबै सैजी दुष्टआत्मा तैसी आपणै काबू दा कौरौ, तौ तैसी धोरती दा पोटकै दैंव। औरौ तैसकै मुँओं बाटी शेपो आंव, औरौ दांद चाकौ, औरौ टोटरा फिर जांव। मोऐं तैरै चैलै खै दुष्टआत्मा निकल़णौ खै बौल़ौ, पौरौ ऐजी तिनकै बश कै बात ना आथी।”

मरकुस 9:25

जोबै यीशुए दैखौ, कै लोगै हौजौ बै दौड़-दौड़ैबा जादा भीड़ कौठी कोरी लोए, तौ तैणै दुष्टआत्मा खै ऐजौ बौलेबा ताडै़, “ओए रै गुंगी औरौ जायरै कौरणौवाल़ै दुष्टआत्मा, हांव ताखै हुकम दियु, तैसी पौरैशै निकल़ै जा, औरौ तैसदै कौलोंई बै पाछु नी आया।”

लूका 11:14

तोबै यीशुए ऐक आदमी पौरैशै दुष्टआत्मा घाड़ै। जैसीखै तियैं गुंगा कौरे राए थिया जोबै दुष्टआत्मा निकल़ी गौए तौ गुंगा बौलदा लागा; औरौ लोग दैखैयो हैरान हौए गौवै।

लूका 9:38

तोबै भीड़ौ मुंजीदै ऐकी आदमीए लैरौ मारैयौ बौल़ौ, “ओए रै गुरुजी, हांव तांव कैईंदै बिन्ती कौरु, कै मैरै बैटै पांदी दया कौर; जिथुकै सै मैरा इकलौता बैटा औसौ।

यूहन्ना 4:47

सै ऐजौ शौणैबा कै यीशु यहूदिया प्रदेश पौरौशा गलील जिले खै आए रौआ, तैसकै धोरे हौटा, औरौ तैसी कैईंदै बिन्ती कौरदा लागा कै, “चाल मैरा बैटा ठीक कौरे दै: जिथुकै सै मौरणौवाल़ा औसौ।”