मरकुस 9:12 - सिरमौरी नौवाँ नियम

^12-13 यीशुए तिनुखै जोवाब दिया, “कै ऐजै बात साची औसौ कै पौरमेशवरे एलिय्याह कै छाड़णौ कारिए वादा कौरे राए थिया कै सै आगै आयौ सौब ठुँ सुधारै दैन्‍दा। पौरौ हांव तुऔं खै बौतौऊं एलिय्याह औगौड़ियौ आए रौआ औरौ अमारै ठोगड़े तैसीआरी जैशैकै चोऊ तैशैखै बुरा बर्ताव कौरा, पौरौ तुऐं ऐजौ सोंचै कौरेया कै मुं आदमी का बैटै कै बारै दै पवित्र शास्त्र दो किथु लैखै राव, कै सै बैजाए दुख झैलला औरौ तैसी नोकारा जांदा।”

Sirmouri

¹² प्रभू यीशू ऐ तिनखे जबाब दिता, “ऋषी-एलिय्याह सत्तिखे आगे आऐयों बादो सुवाँरीं देंदा, परह् आदमी के बैटे के बारे दो ऐजो कैई लिखी थो, के से बैजाऐ दु:ख भोग्दा, अरह् छूटा माँना ज़ाला?

मरकुस 9:12 ပူးပေါင်းရင်းမြစ်များ

मत्ती 16:21

तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

मत्ती 26:24

हांव, आदमी का बैटा मोरी जोऊंबा जिथुकै ऐजै बात शास्त्रो दै लेखी राखै। पौरौ तैसी आदमी कै सख्त सौजा भैटदी जू मुखै धौखै शा थोमाला। जै सैजा आदमी पौयदा ना हौंदा तौ तैसी आदमी कारिए ऐजी भोली बात थी।”

मरकुस 10:33

“शुणौ, आमै यरूशलेम शहर खै जांदै, औरौ हांव आदमी का बैटा मुख्य यहूदी पुरोहित औरौ यहूदी शास्त्री कै हाथौ दा थोम्बाए जांदा, औरौ सै मुखै मारणौ कै सौजा दैलै, औरौ मुखै बैगानै यहूदी कै हाथौ दै सोंपदै।

मरकुस 9:31

जिथुकै यीशु आपणै चैलै खै साथी जादा वकत बितायेबा तिनुकै शिखाणौ चांव थिया। औरौ तिनुखै बौल़ौ थिया, “हांव आदमी का बैटा, बौयरै कै हाथौ लैई थोम्बाया जांदा, औरौ ऐजै लोग मुखै मारै दैंदै; औरौ हांव मौरणौ कै ती दूसौ कै बाद हौजौ जियुंदा हौए जोऊंबा।”

लूका 1:76

औरौ तू ओए रै बालक, ऐबै शै तू सौबीदा बौड़ा पौरमेशवर कै बातौ बौताणौवाल़ा जाणा जांदा, औरौ तू प्रभु कै आणौ कारिए आदमी कै तैयार कौरदा।

लूका 23:11

तोबै राजा हेरोदेस आपणै सिपाहियो कै साथै तैसकी बैज्जती कौरेयौ तैसकै ठाटै उड़ाएयों, औरौ शाही भड़कीले खोटणो बाम्बायो तैसी पिलातुस कै धोरे पाछु छाड़ै दिया।

लूका 23:39

जू तिथै कुकर्मी लोटकाए राए थिए, तिनु मुंजीदा ऐकीए तैसकै नेंदैया कौरेयौ बौल़ौ, “का तू मसीह ना आथी? तौ तू आपी खै औरौ आमु कै बौचाए पा।”

प्रेरितो कै काम 1:6

तेथियोड़े जोबै चोणेयौंदे चैलै दुजाल़ियो यीशु आरी भेटिए तौ तिनुऐ यीशु कैईंदु पूछु, “ओए रै प्रभु, का तू इस्राएल देश कै आज़ाद कौरणौ कारिए औरौ दुजाल़ियो अमारै राज्‍य कै बाणणौ कारिए तैरा सौमय आए गौआ?”

प्रेरितो कै काम 4:11

मसीह यीशु ही सैजा पाथर औसौ, जैसी तुऐं मिस्रिए फेरकाए दिया थिया, औरौ सैजाई पाथर चट्टान बौणै गौआ।