मरकुस 8:29 - सिरमौरी नौवाँ नियम

²⁹ यीशुए तिनुखै पूछै, “पौरौ तुऐं का बिशवाश कौरौ कै हांव कुण औसौ?” पतरसे तैसीखै जोवाब दिया, “तू पौरमेशवर का भैजैयौंदा मसीह औसौ।”

Sirmouri

²⁹ प्रभू यीशू ऐ चैले शो पुछो, “परह् तुँऐं मुँखे का बुलो? तबे संत्त-पतर ऐ जबाब दिता, के तुँऐं मसीया असो।”

मरकुस 8:29 ပူးပေါင်းရင်းမြစ်များ

मरकुस 4:11

तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”

लूका 9:20

तैणै तिनुआदो पूछु, “पौरौ तुऐं का बिशवाश कौरौ कै हांव कुण औसौ?” पतरसे जोवाब दिया, “पौरमेशवर का मसीह।”

यूहन्ना 11:27

मार्थाए तैसीखै बौल़ौ, “हां ओए रै प्रभु, हांव बिशवाश कौरु, कै पौरमेशवर का बैटा मसीह जू दुनिया पांदी आणौवाल़ा थिया, सै तू ही औसौ।”

यूहन्ना 4:42

औरौ तियौं बैटमाणिशौ खै बौल़ौ, “ऐबै आमै तैरै बौलणौ शै बिशवाश ना कौरु, जिथुकै आमै आपी शौणै पाए, औरौ जाणै पाए की सौथी कै ऐजाई दुनिया का उध्दार कौरणौवाल़ा औसौ।”

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

यूहन्ना 6:69

औरौ आमै तांव पांदी बिशवाश कौरे राए औरौ जाणै गौवै, कै पौरमेशवर का पवित्र जन तू ही औसौ, औरौ सै मसीहा औसौ जैसीकै पौरमेशवरे भैजै राए।”

प्रेरितो कै काम 8:36

बाटो दै चालदै-चालदै तिनुऐ बाटो कै किनारे ऐक तालाब दैखा, तोबै खोज़े बौल़ौ, “दैख इथै तालाब औसौ ऐबै मुखै बपतिस्मा लोणो दा का रौक औसौ?”

प्रेरितो कै काम 9:20

औरौ सै तौलोंई दमिश्क शहर कै यहूदी सभा-घोरो दा यीशु का प्रचार कौरदा लागा कै यीशु ही पौरमेशवर का बैटा औसौ।

1 पतरस 2:7

ऐजा पाथर तोंवारै खातिर बैजाए कीमती औसौ तुऔं कारिए जू यीशु मसीह पांदी बिशवाश कौरौ। पौरौ जू लोग तैसी पांदी बिशवाश ना कौरौ तिनकै बारै मुंजी पवित्र शास्त्र बौल़ौ, “राजमिस्‍त्रीए जैसी पाथर कै इस्तैमाल कौरणौ शै मौना कौरे दिया, सैजा इमारत कै नीयुं दा सौबिदा खास पाथर बौणै गौआ।”

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।