मरकुस 6:15 - सिरमौरी नौवाँ नियम

¹⁵ औरौ ओकी लोगै बौल़ौ, “ऐजा तौ पौरमेशवर कै बातौ बौताणौवाल़ा एलिय्याह औसौ।” पौरौ कैई लोगै ऐशै बौल़ौ, “ऐजा पौरमेशवर कै बातौ बौताणौवाल़ा औसौ, तिनु साए जूंजे पुराणै सौमय दै पौरमेशवर कै बातौ बौताणौवाल़ै थिए।”

Sirmouri

¹⁵ कंऐं लोग बुलो थिऐ, के ऐ “ऋषी-एलिय्याह असो!” परह् कंऐं लोग बुलो थिऐ, के “कुँऐ पुराँणें बरंम्बाणीं कर्णो वाल़े, ऋषी के जैष्णा असो!”

मरकुस 6:15 ပူးပေါင်းရင်းမြစ်များ

मत्ती 16:14

तिनुऐ बौल़ौ, “किछै लोग तौ यूहन्ना बपतिस्मा दाता बौल़ौ; औरौ किछै एलिय्याह; औरौ किछै यिर्मयाह या पौरमेशवर कै बातौ बौताणौवाल़ै मुंजीदा कुणिए ऐक बौल़ौ?”

मत्ती 21:11

लोगै बौल़ौ, “ऐजा गलील जिले कै नासरत गांव का पौरमेशवर कै बातौ बौताणौवाल़ा यीशु औसौ।”

मरकुस 6:16

हेरोदेस राजाए ऐजौ शौणैबा बौल़ौ, “जैसी यूहन्ना बपतिस्मा दाता को मुंड मोऐं कोटवाऐ दियु थियु, सै मौरेयो जियुंदा हौए गौआ।”

मरकुस 8:28

तिनुऐ जोवाब दिया, “यूहन्ना बपतिस्मा दाता; पौरौ कुणिए-कुणिए एलिय्याह; औरौ कुणिए-कुणिए पौरमेशवर कै बातौ बौताणौवाल़ा मुंजीदा ऐक बौल़ौ।”

लूका 1:17

यूहन्ना ऐक ऐशणा आदमी हौंदा जू आत्मा दा शौकतीशाली औरौ एलिय्याह पौरमेशवर कै बातौ बौताणौवाल़ै कै जैशणा औसौ। औरौ सै प्रभु कै बाट तैयार कौरदा औरौ पितरो का मन नानड़िया की ढौबौ फैरै दैंदा; औरौ आज्ञा ना मानणोवाल़ै लोगौ कै पौरमेशवर कै ज्ञान कै मानणौ कारिए बौलदा औरौ प्रभु कारिए लोगौ खै सुधारीयों तैयार कौरदा।”

लूका 7:16

ऐजौ दैखैयो सौबै लोग डौर गौवै, औरौ सैजै पौरमेशवर की बौड़ाए कौरदै लागै, “अमारै बीच मुंजीदा ऐक बौड़ा पौरमेशवर कै बातौ बौताणौवाल़ा बिज़ रौआ, औरौ पौरमेशवर आपणै लोगौ कै मौदद कौरदा आए रौआ।”

लूका 7:39

ऐजौ दैखैयो सैजा फरीसी जैणै तैसी बोइदै राए थिया, आपणै मनो दो सुंचदा लागा, “जै यीशु पौरमेशवर कै बातौ बौताणौवाल़ा हौंदा तौ जाणै पांदा कै ऐजै जियैं ऐसीखै छुए लौआ, सै कुण औसौ, औरौ ऐजै कैशणी बैटमाणिश औसौ, जिथुकै ऐजै तौ वेश्या बैटमाणिश औसौ।”

लूका 9:19

तिनुऐ जोवाब दिया, “यूहन्ना बपतिस्मा दाता, पौरौ कुणिए-कुणिए एलिय्याह; औरौ कुणिए ऐजौ बै कै पुराणै पौरमेशवर कै बातौ बौताणौवाल़ै मुंजीदा कुणिए ऐक जियुंदा हौए गौआ।”

लूका 9:8

औरौ कैतरै लोग ऐजौ बौल़ौ, कै एलिय्याह दैखै रौआ, ओकीए ऐजौ, कै पुराणै पौरमेशवर कै बातौ बौताणौवाल़ै मुंजीदा कुणिए जियुंदा हौए गौआ।

यूहन्ना 1:21

तोबै तिनुऐ यूहन्ना कैईंदु पूछु, “तौ तोबै तू कुण औसौ? का तू एलिय्याह पौरमेशवर कै बातौ बौताणौवाल़ा औसौ?” तैणै बौल़ौ, “हांव ना आथी।” “तौ का तू सैजा पौरमेशवर कै बातौ बौताणौवाल़ा औसौ?” तैणै जोवाब दिया, “ना।”

यूहन्ना 1:25

तिनुऐ यूहन्ना कैईंदा ऐजा सवाल पूछा, “जै तू मसीह ना आथी, औरौ ना एलिय्याह, औरौ ना ही पौरमेशवर कै बातौ बौताणौवाल़ा औसौ, तौ तू तोबै किथुखै बपतिस्मा दैय।”

यूहन्ना 6:14

तोबै जू चौमत्कार कै काम तैणै कौरेयौ दिखोऊवा तियौं बात दैखैयो लोग बौलदै लागै की, “सैजा तौ पौरमेशवर कै बातौ बौताणौवाल़ा जू दुनिया पांदी आणौवाल़ा थिया। पाका ऐजाई औसौ।”

यूहन्ना 7:40

तोबै भीड़ कै लोगौ मुंजीदै कुणिए ऐजी बातौ शोणेयो बौल़ौ, “सौथी कै ऐजा पौरमेशवर कै बातौ बौताणौवाल़ा औसौ, जैसकै आणौ का आमुए इंतजार कौरे लौआ थिया।”

यूहन्ना 9:17

तिनुऐ तैसी आन्धै आदमी कै बौल़ौ, “तैणै जैणै तैरी आखी ठीक कौरे रैई, तू तैसकै बारै मुंजी का बौल़ै।” तैणै बौल़ौ, “पौरमेशवर कै बातौ बौताणौवाल़ा।”