मरकुस 6:14 - सिरमौरी नौवाँ नियम

¹⁴ तोबै हेरोदेस राजाए बै तिनकै चौर्चा शौणै, जू काम यीशुए कौरे लौवै थिए, जिथु बौहितै लोग यीशु कै बारै दै जाणौ थिए औरौ तैसकौ नांव मोशुर हौए गौ थियु, औरौ कैई लोग यीशु कै बारै दै बौल़ौ थिए, यूहन्ना बपतिस्मा दाता मौरेयौंदे मुंजीदा जियुंदी हौए गौआ, इथकारिए तैणै चौमत्कार कै काम प्रगट कौरे लौवै।

Sirmouri

¹⁴ राजा हेरोदेस तोड़ी ईन्दें की चर्चा पंऐची गऐ, किन्देंखे के प्रभू को नाँव दूर-दूर तोड़ी फऐली रोंह् थियों, कुँऐ तअ ऐथै तोड़ी बुलो थिऐ, के “नहाँण-नहाँणों वाल़ा संत्त-यूहन्ना मरे अंदे मुँझ शे ऊबे जीऊँदे हऐ रूऐ, अरह् तिनके ही नाँव शे प्रभू यीशू मसीया ऐजे चींन-चंम्त्तकार की शक्त्ति पर्गट करो।”

मरकुस 6:14 ပူးပေါင်းရင်းမြစ်များ

मत्ती 9:31

पौरौ तिनुऐ जाऐबा सौबी जौगैह दौ यीशु कै बारै मुंजी बौताए दियु।

मरकुस 1:28

इथकै बाद यीशुए जू चौमत्कार कौरे राए थिया इथ बोजे शै तैसकौ नांव गलील जिले कै नेड़िक कै सारै प्रदेशो दो फोयलै गौ।

मरकुस 1:45

पौरौ सै बायरै जाऐबा इयौं बातौ का बौहिता प्रचार कौरदा लागा औरौ इथै तौड़ी फौईलांदा लागा, कै इनु बातौ कै बौजैह शै यीशु तोबै खुलमखुल्ला नोगरो दा ना जाए सौकी, पौरौ यीशु नोगरो दा बायरै शुनशान जौगैह दा रौआ; औरौ तोबै बै चोऊ ढौबौशै लोग यीशु कै धोरे आन्दै रौवै।

मरकुस 8:28

तिनुऐ जोवाब दिया, “यूहन्ना बपतिस्मा दाता; पौरौ कुणिए-कुणिए एलिय्याह; औरौ कुणिए-कुणिए पौरमेशवर कै बातौ बौताणौवाल़ा मुंजीदा ऐक बौल़ौ।”

लूका 13:31

तैसी सौमय किछै फरीसी लोगै आयौ तैसी बौल़ौ, “इथैदा आगु जा, जिथुकै हेरोदेस राजा ताखै मारणा चांव।”

लूका 3:1

रोमी सम्राट तिबिरियुस महाराजा कै राज कै पोद्ररहवे सालो दै जोबै पुन्‍तियुस पिलातुस यहूदिया प्रदेश का राज्यपाल थिया। औरौ गलील जिले दा हेरोदेस राजा तैसका भेइया फिलिप्पुसे इतूरैया औरौ त्रखोनीतिस जिले दा राज कौरौ थिए। औरौ लिसानियास अबिलेने जिले दै राज कौरौ थिए।

लूका 7:17

औरौ यीशु कै बारै मुंजी ऐजै बात सारै यहूदिया प्रदेश दै औरौ आंडे-पांढे कै सारै देशो सै फोयलै गौए।

लूका 9:19

तिनुऐ जोवाब दिया, “यूहन्ना बपतिस्मा दाता, पौरौ कुणिए-कुणिए एलिय्याह; औरौ कुणिए ऐजौ बै कै पुराणै पौरमेशवर कै बातौ बौताणौवाल़ै मुंजीदा कुणिए ऐक जियुंदा हौए गौआ।”

1 थिस्सलुनीकियों 1:8

जिथुकै तोंवारै इथै दै ना सिरफ मकिदुनिया औरौ अखाया प्रदेश मुंजी प्रभु का वचन शुणौऊवा, पौरौ तोंवारै बिशवाश जू पौरमेशवर पांदी औसौ, हर जौगैह जिथै आमु जोऊंए, लोगौ कै तोंवारै बिशवाश कै बारै मुंजी बौतांदै बैई शुणुए। इथकारिए, आमु ओकी खै तोंवारै बारै मुंजी किछै बै बौताणौ कै जौरुरत ना आथी।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।