मरकुस 6:11 - सिरमौरी नौवाँ नियम

¹¹ जैसी जौगैह कै लोग तुऔं खै ना अपनांव, औरौ तुंआरी ना शुणौ, तिथैदै हांडदै बैई आपणै तलवे कै धूल झाड़ै दैया, ऐजै बात तिनु चिताणो कारिए औसौ कि लोग पौरमेशवर कै औरौ शै भैटणौ वाल़ै सौजा कारिए आपी जुमैवार औसौ।

Sirmouri

¹¹ जेथै के लोग तुँओं ने माँन्ले ने, अरह् ना तुँवारी शुंणले, तेथै शे आगू ज़ाँदिऐं आप्णे लात्तों की माटी भे तेथी झाड़ी दिऐ, जू सेजी धूंढ़ तिन गाशी तिन्दें की गुवाऐ-शाज़्त ठहरली।”

मरकुस 6:11 ပူးပေါင်းရင်းမြစ်များ

मत्ती 12:36

औरौ हांव तुऔं खै बुलू, की जू-जू बुरी बातौ आदमी बौलल़ै, न्याय कै दूसै हर ऐक बातौ का लैखा दैंदै।

मरकुस 6:10

यीशुए तिनुखै बौल़ौ, “जिथै कौथी तुऐं कोसी घोरे जांव, जोबै तुऔं कुणिए आपणै घोरे बोइदो, तौ तुऐं तांव तौड़ी तैसी घोरे टिकयौंदे रौंव, जांव तौड़ी तुऐं तैसी नोगरो पौरैशै आगु नै जांव।”

लूका 9:5

जू कुणिए तुऔं ना अपनांव तैसी नोगरो पौरैशौ पाछु निकल़ैयो आपणै लातो कै धूल झाड़ै दैया, कै तिनु पांदी गवाही हौंव।”

प्रेरितो कै काम 18:6

पौरौ जोबै यहूदी लोग पौलुस कै खिलाफ हौयौ निन्‍दा कौरदै लागै, तौ तैणै आपणै खोटणो कै धूल झाड़ेयौ तिनु बौल़ौ, पौरमेशवर कै सौंदेश कै ना मानणौ कै बौजैह शै तुऐं आपी ही तियौं सौजा कै दोषी औसौ, जू तुऔं पौरमेशवर कै ढौबौशै भैटदै, हांव बैकसूर औसौ। ऐलो दा ऊबा हांव बैगानै यहूदी लोगौ कै धोरे जांदा औरौ पौरमेशवर कै सौंदेश का प्रचार कौरदा।

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

रोमियों 2:5

पौरौ जिथुकै तुऐं जिद्दी औसौ औरौ पश्‍चाताप कौरणौ शै मना कौरौ, इथकारिए पौरमेशवर तुऔं कड़ी सौजा दैन्दा। जिथुकै सैजौ दूस आन्दौ लागै रौ, जौल़ौ पौरमेशवर आपणा गुस्सा दिखाला औरौ आपणा साचा न्याय प्रगट कौरला।

2 पतरस 2:6

तुऐं ऐजौ बै जाणौए कै बैजाए सौमय औगौड़ियौ पौरमेशवरे सदोम औरौ अमोरा कै शहरो दै रौणौवाल़ै लोगौ खै सौजा दै जिथुकै तिनुऐ बुरै काम कौरे राए थिए। इथकारिए तैणै तिनु पूरी तरह शै भस्म कौरे दियै जांव तौड़ी कै सिरफ राख ना रौए गौई। ऐशै कौरेयौ तैणै दिखोऊ कै तिनु लोगौ कौ का हौंदौ जू तैसका डौर ना मानौ।

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।

2 पतरस 3:7

जैशैकै पौरमेशवरे धोरती कै बाणणौ कै आज्ञा दैय राए थी, तैशैखैई तैणै आज्ञा दी कै इबी दुनिया तांव तौड़ी बौणैयौंदे रौंव जांव तौड़ी सै तिनु आगै लैई जोल़ाए ना दैंव तैणै तिनु तैसी दूसौ तौड़ी राखै राए जौल़ौ सै सौबी लोगौ का न्याय कौरला औरौ तिनु लोगौ का नाश कौरे दैन्दा जू तैसकै इज्जत ना कौरौ।

1 यूहन्ना 4:17

इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

यहूदा 1:7

इनु इस्राएली लोगौ औरौ स्‍वर्गदूतौ कै जैशणै, तिनु लोगौ खै याद राखौ जू सदोम औरौ अमोरा औरौ तिनकै आंडे-पांडे कै शहरो दै रौंव थिए कै तिनकै साथै का हौए रौ थियु। सैजै लोग गौलत सौमबंध बाणणौवाल़ै हौए रौवै थिए औरौ कैई भान्त कै गौलत काम लैई भोरै रौवै थिए। इथकारिए पौरमेशवरे तिनु आग शै नाश कौरे राए। तिनकै साथै जू हौ सैजौ झूठै शिक्षको कारिए ऐक चैतावणी बौणै गौए कै तिनु बै सौदा कै आग शै सौजा भैटदै।