मरकुस 4:39 - सिरमौरी नौवाँ नियम

³⁹ तोबै यीशुए बिज़यो हवा खै ताडै़, औरौ फालो कै बौल़ौ, “चुपी हौए जा, ठोरै जा!” औरौ हवा चालणे रौकै गौए, औरौ ढौंड बिल्कुल चुपी हौए गौ।

Sirmouri

³⁹ तबे प्रभू यीशू ऐ ढोंढ झाड़ो अरह् पाँणी की फालो खे अज्ञाँ दिती, “शाँन्त्त रंह्, ठहरी ज़ा!” अरह् तेख्णी ढोंढ थंह्बी गुओ, अरह् चौऊँ ढबे शणपट हुओं।

मरकुस 4:39 ပူးပေါင်းရင်းမြစ်များ

मत्ती 8:26

यीशुए तिनुखै बौल़ौ, “ओए रै बिशवाश ना कौरणौवाल़ै लोगौ, किथुकै डौरे रौवै?” तोबै तैणै ऊबै बिज़यो फालो औरौ पाणी कै ताडै़, औरौ हवा चालणे रौकै गौए, औरौ सौबै शान्त हौए गौ।

मरकुस 4:38

औरौ यीशु किश्‍ती कै पाछलै पोशो दा ऐकी शिरान्टी पांदी मुंड लायौ सोतै रौआ थिया; चैलै यीशु खै बिजालैबा तैसीखै बौल़ौ, “ओए रै गुरुजी, का ताखै फिकर ना आथी, कै आमै सौबै डुबदे लागै रौवै?”

मरकुस 9:25

जोबै यीशुए दैखौ, कै लोगै हौजौ बै दौड़-दौड़ैबा जादा भीड़ कौठी कोरी लोए, तौ तैणै दुष्टआत्मा खै ऐजौ बौलेबा ताडै़, “ओए रै गुंगी औरौ जायरै कौरणौवाल़ै दुष्टआत्मा, हांव ताखै हुकम दियु, तैसी पौरैशै निकल़ै जा, औरौ तैसदै कौलोंई बै पाछु नी आया।”

लूका 4:35

यीशुए दुष्टआत्मा खै ऐजौ बौलेयौ झिड़की, “चुपी रौ औरौ ऐसी पौरैशै निकल़ै जा!” तोबै दुष्टआत्माएं तैसकै बीचो दा पोटकेयो बिना नुकसान पोऊंचाए तैसी पौरैशै निकल़ै गौए।

लूका 4:39

तैणै तियौंकै नेड़िक खौड़ै हौयौ ताप कै ताड़ा औरौ ताप उतरे गौआ, औरौ सै तावल़ै ऊबै बीजयो तिनकै सेवा कौरदै लागै।

लूका 8:24

तोबै चैलै तैसकै धोरे आयौ यीशु खै बिजाल़ा औरौ तैसीखै बौल़ौ, “ओए रै गुरु; आमै सौबै डुबदे रौवै लागै?” तोबै तैणै ऊबै बेजैबा ढौंड औरौ पाणी की फालो कै ताड़ौ औरौ सै रौकै गौ, औरौ शान्त हौए गौ?