मरकुस 4:38 - सिरमौरी नौवाँ नियम

³⁸ औरौ यीशु किश्‍ती कै पाछलै पोशो दा ऐकी शिरान्टी पांदी मुंड लायौ सोतै रौआ थिया; चैलै यीशु खै बिजालैबा तैसीखै बौल़ौ, “ओए रै गुरुजी, का ताखै फिकर ना आथी, कै आमै सौबै डुबदे लागै रौवै?”

Sirmouri

³⁸ परह् प्रभू यीशू मसीया पाछू दाँई गादी गाशी सुत्ती रूऐ थिऐ: तबे चैले ऐ तिनू ऊबे बीऊँजाल़े अरह् बुलो, “हे गुरू जी! कियों तुँओं फिकर आथी, ने के अमाँरो तअ छ:छ़तिया नाँष होंदो।”

मरकुस 4:38 ပူးပေါင်းရင်းမြစ်များ

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मत्ती 8:25

तोबै चैलै तैसकै धोरे आयौ तैसीखै बिजाल़ा औरौ बौल़ौ, “ओए रै प्रभु, आमुखै बौचा, आमै सौबै डुबदे लागै रौवै?”

मरकुस 4:37

जोबै सै झील कै ओकी ढौबौ चालै रौवै थिए तोबै बौड़ै जोराल़े हवा बोहंदे लागै, औरौ फालो किश्‍ती साथै टोकरादीं लागी। औरौ किश्‍ती पाणी लैई भोरदै लागै औरौ डुबदे लागै।

मरकुस 4:39

तोबै यीशुए बिज़यो हवा खै ताडै़, औरौ फालो कै बौल़ौ, “चुपी हौए जा, ठोरै जा!” औरौ हवा चालणे रौकै गौए, औरौ ढौंड बिल्कुल चुपी हौए गौ।

लूका 8:24

तोबै चैलै तैसकै धोरे आयौ यीशु खै बिजाल़ा औरौ तैसीखै बौल़ौ, “ओए रै गुरु; आमै सौबै डुबदे रौवै लागै?” तोबै तैणै ऊबै बेजैबा ढौंड औरौ पाणी की फालो कै ताड़ौ औरौ सै रौकै गौ, औरौ शान्त हौए गौ?

यूहन्ना 4:6

औरौ याकूबे जू कुआँ खोणे राए थिया, सै ऐबै बै तिथी थिया। यीशु बाटो पुंडा हांडदै-हांडदै खौड़ै गौआ, औरौ तैसी कुंए पांदी ऐई बौठै गौआ। औरौ ऐजै बात दोफारी कै सौमय हौए।

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

1 पतरस 5:7

पौरमेशवर खै आपणी सारै पौरैशानै औरौ चिन्‍ता बौतांव जिथुकै सै तोंवारै परवाह कौरौ।