मरकुस 4:15 - सिरमौरी नौवाँ नियम

¹⁵ औरौ जू बिज़ बाटौ पुंडे कै मियाल़ो कै औसौ सै ऐशणै औसौ, जू पौरमेशवर का वचन शुणौ, पौरौ शैतान तौलोंई आयौ कै तिनकै मनो शै वचन कै बिसराए दैंव, जू बातौ तिनुऐ शौणै रैई थी।

Sirmouri

¹⁵ जू खेच़ौ की डह्ल़ी शो बाईरों पड़ो, से ऐजो असो, के पंणमिश्वर का बचन बोंवा गुवा, से ऐजो असो, के जबे तिन्ऐ शुण्णों, तअ दुष्टो का राजा शैतान तेख्णी आऐयों बचन जू तिनकी ताईऐं बऐ थुवा थिया, सेजा तिन कैई शा आगू नींयाँ।

मरकुस 4:15 ပူးပေါင်းရင်းမြစ်များ

मत्ती 13:19

जू कुणिए पौरमेशवर कै राज्य का वचन शोणेयो ना सौमझौ, औरौ जू किछै तैसकै मन दो बौए राए थियु तिथु दुष्ट शैतान आयौ चुराएयो लौए जांव; ऐजौ सैजौई औसौ जू बाटो कै मियाल़ो पुंडु बौए राए थियु।

मत्ती 22:5

पौरौ सै जाणैयौ बै अणजाण बौणै, औरौ कुणिए आपणै खेतौ कै, औरौ कुणिए आपणै धियाड़ी पांदी हौटै।

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

मरकुस 4:14

पौरमेशवर का वचन बौताणौवाल़ा ऐशणा औसौ जैशैकै कुणिए किसान बिज़ बौंव।

मरकुस 4:16

औरौ किछै बिज़ ऐशैखै औसौ जू शोकरेड़े वाल़ै जमीन पांदी छुटै, ऐजै सैजै औसौ जू पौरमेशवर का वचन खै शौणैबा तौलोंई खुशी सै मानौ।

मरकुस 4:4

औरौ बोन्दै बैई किछै बिज़ तौ बाटौ कै मियाल़ो पुंडे छुटै औरौ चुड़कुल़ै आयौ तिनुखै खाए दिए।

लूका 8:12

जू बिज़ बाटौ कै किनारे कै औसौ, सै ऐशणै औसौ, जू पौरमेशवर का वचन शुणौए, पौरौ शैतान तौलोंई आयौ कै तिनकै मनो शै वचन कै बिसराए दैंव, जू बातौ तिनुऐ शौणै रैई थी, कोदी ऐशै ना हौंव कै सै बिशवाश कौरेयौ उध्दार पांव।

प्रेरितो कै काम 17:32

मौरेयौंदे मुंजीदा जियुंदी हौणौ की बात शोणेयो किछै लोग तौ ठाटा कौरदै लागै औरौ कैतरै लोगै बौल़ौ, “ऐजै बात आमै तांव कैईंदै हौजौ कोलो शुणदै।”

प्रेरितो कै काम 5:3

पौरौ पतरसे बौल़ौ, “ओए रै हनन्‍याह! शैतानै तैरै मनो दै पवित्र आत्मा शै झूठु बौलणौ कै बात पाए राए, औरौ तुऐं आपणै बिकेयोंदे जायदात कै दामो का ऐक हिस्सा आपी कैंई राखै राए?

2 कुरिन्थियों 2:11

ताकि शैतान अमारै हालातो का फायदा नी उठाए सौकौ, जिथुकै आमै जाणुए कै सै हमैशा आमु पाप कौरणौ कारिए लुभाणो कै तरीको कै तरकीब बाणौ।

2 थिस्सलुनीकियों 2:9

दुष्ट शैतान आपी तैसी दुष्ट आदमी कै आपणै शौकतै दैंदा। औरौ सै सौब भान्त कै झूठै चौमत्कार, निशान औरौ अनौखै काम कौरदा जिथलैई लोग ऐजौ सुंचदै लागदै कै ऐजै काम पौरमेशवरे कौरे लौवै।

इब्रानियों 12:16

ऐशै ना हौंव, कै कुणिए आदमी गौलत काम कौरणौवाल़ै या तुऔं मुंजीदै अब्राहम कै पौतै एसाव साए अधरमी नै हौंव, जिथुकै सै पहलौठा बैटा थिया, इथकारिए तैसीकैईं खास पद हौणौ का औधिकार थिया। पौरौ तैणै तैसी औधिकार का आदर ना कौरी औरौ इथकारिए तैणै आपणै नानड़ै भाई याकूब खै इथु ऐक बैई कै खाणौ कारिए बैकै दियु।

इब्रानियों 2:1

इथकारिए आमु आपणै दवारा शोणेयौंदी सौचाई खै बैजाए ध्यान शै पालन कौरणा चैंई, ऐशै नै हौंव कै बैहकेयौ तिनुदै दूर हौटै जोऊं।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 20:10

इथकै बाद शैतान पाकड़ै जांदा, जैणै देश-देश कै लोगौ खै भरमाए औरौ तैसी गन्धक कै आग दा फेरकाए दैंदै, यानी तियौं आग दा जू झील कै जैशणै बौड़ै औसौ। राकस औरौ झूठै पौरमेशवर कै बातौ बौताणौवाल़ै खै आगै ही तिथै बैगाए राए थिए। औरौ तिथै तियौं आग दै तिनु हमैशा कारिए रात औरौ दूस सताए जांदै।

प्रकाशितवाक्य 20:7

जोबै हजार साल पूरै हौए जांदै तौ शैतान कोयदै खाने पौरैशा छोड़े जांदा।