मरकुस 4:11 - सिरमौरी नौवाँ नियम

¹¹ तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”

Sirmouri

¹¹ तबे प्रभू यीशू ऐ तिनखे बुलो, “तुँओं कैई तअ पंणमिश्वर के राज्य का भेद् सम्झ देऐ थऐ, परह् बाईले लोगो खे ऐजी बादी बातो अनाँणें दी बुली।

मरकुस 4:11 ပူးပေါင်းရင်းမြစ်များ

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

मत्ती 13:16

“पौरौ धन्‍य औसौ तुंआरी आखी, कै सै दैखौ औरौ तोंवारै कान कै सै शुणौए।

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

मरकुस 3:23

औरौ यीशुए चैलै खै आपणै धोरे बोइदै औरौ तिनु कै उदारण देएबा बौलदा लागा, “शैतान कैशैखै आपणी ही दुष्टआत्माओं खै लोगौ पौरैशी गाड़ै सौकौ?”

मरकुस 4:10

जोबै यीशु इकली रौए गौआ, तौ आयरै-बायरै बोठेयोंदै लोगै औरौ बारौ चैलै इनु उदारण कै बारै दो यीशु कैईंदु पूछु।

मरकुस 4:2

औरौ सै तिनुखै उदारण देएयो बौहितै बातौ शिखांदा लागा, औरौ आपणै उपदैशो लैई तिनुखै बौल़ौ,

लूका 8:10

तैणै बौल़ौ, “तुऔं खै तौ पौरमेशवरे आपणै राज्य कै भैद बौताए राए, पौरौ ओकी कै उदारणो दौ शुणाए राए इथकारिए कै, ‘सैजै दैखदै बैई बै ना दैखौ, औरौ शुणौ तौ औसौ पौरौ किछै बै ना सौमझौ।’”

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।