मरकुस 2:20 - सिरमौरी नौवाँ नियम

²⁰ पौरौ सैजै दूस आन्दै जोबै दूल्हा तिनुदा जौई कौरदै; तैसी सौमय, सै उपवास कौरदै।

Sirmouri

²⁰ परह् सेजे देसो आँदे जबे दुह्ला तिन कैई शा ज़ई हंदा तबे से भे बरत कर्दे।

मरकुस 2:20 ပူးပေါင်းရင်းမြစ်များ

मत्ती 26:31

तोबै यीशुए तिनुखै बौल़ौ, “तुऐं सौबै ऐलो ही रातै मुखै छोड़ेयौ भागी जालै, जिथुकै पवित्र शास्त्र दो लैखै राखौ, ‘हांव रोखवाल़ै खै मारै दैन्‍दा, औरौ झुंड की भेड़ो तितर बितर हौए जान्दी।’

मत्ती 9:15

यीशुए तिनुखै बौल़ौ, “जांव तौड़ी दूल्हा बरातुआ कै साथै औसौ तांव तौड़ी सै दुखी ना हौए सौकौ। पौरौ सैजै दूस आन्दै जोबै दूल्हा तिनुदा जौई कौरे दैंदै; तैसी सौमय, सै उपवास कौरदै।

मरकुस 2:19

यीशुए तिनुखै बौल़ौ, “मैरै चैलै औरौ हांव ऐकी दुल्है औरौ तैसकै दोस्तो कै जैशणै औसौ। का तैसकै दोस्त तांव तौड़ी उपवास कौरलै? जांव तौड़ी दुल्है कै दोस्त बैयाव मोनादै तैसीआरी औसौ? ना सै उपवास ना कौरदै। तैशैकैई मैरै चैलै जांव तौड़ी हांव तिनु साथी रोऊंबा तांव तौड़ी उपवास ना कौरदै।

मरकुस 2:21

कुणिए बै लोग आपणै नौवें खोटणो कै टाली पुराणै खोटणो दै ना लांव; नही तौ धौयौ नोऐं टाली शोकड़े जांदै औरौ पुराणै खोटणो कै चिरी दैंदै।

लूका 17:22

औरौ यीशुए चैलै खै बौल़ौ, “सैजै दूस आन्दै, जौल़ौ तुऐं तिनु दूसौ खै देखणा चांव जैसी दूसै हांव आदमी का बैटा पाछु आन्दा, पौरौ तुऐं ऐजौ ना दैख सौकदै।

लूका 5:35

पौरौ सैजै दूस आन्दै जोबै दूल्हा तिनुदा जौई हौंदा; तोबै सै तिनु दूसौ दै उपवास कौरदै।”

यूहन्ना 12:8

जिथुकै कंगाल तौ तोंवारै साथै सौदा रौंदै, पौरौ हांव तोंवारै साथै सौदा ना रौंदा।

यूहन्ना 13:33

ओए रै साथियो, हांव हौजौ दैणिक देर तौड़ी तोंवारै धोरे औसौ: हौजौ तुऐं मुखै जौले औरौ जैशै मोऐं यहूदी नेताओं कै बौल़ौ, ‘जिथै हांव जोऊं तिथै तुऐं ना आए सौकौ,’ तैशैकैई ऐबै हांव तुऔं खै बुलू।

यूहन्ना 16:28

हांव पिता पौरमेशवर कै ढौबौशा दुनिया दा आए रौआ, हौजौ दुनिया कै छोड़ेयौ पिता पौरमेशवर कै धोरे पाछु जांदा लागै रौआ।”

यूहन्ना 16:7

हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

यूहन्ना 17:13

पौरौ ऐबै हांव तैरै धोरे ओऊं, औरौ ऐजी बातौ दुनिया दी रौंदै बैई बौल़ै लोई, कै सैजै मैरी खुशी लैई पूरी तरह शै भोरै जांदै।

यूहन्ना 3:29

दूल्हा दु‌‌ल्हन शै बैयाव कौरे पांव, पौरौ दुल्है का दोस्त खौड़ा हौंव, औरौ तैसकी शुणौ, औरौ दुल्है कै शब्द लैई बैजाए खुश हौंव, इथकारिए मैरा दिल बै खुशी शै भोरै गौआ।

प्रेरितो कै काम 1:9

ऐजौ बौलणौ कै बाद यीशु तिनुकै दैखदै-दैखदै पौरमेशवरे तैसीखै स्वर्ग दा ऊबा निया, औरौ ऐकी बादल़ो की बौजैह शै तैसकै चैलै कै तैसी दैखी ना।

प्रेरितो कै काम 14:23

औरौ तिनुऐ हरेक कलीसिया दै सौबी समूह कारिए अगुवे ठौहरा दियै औरौ उपवास कै साथै प्रार्थना कौरेयौ तिनु प्रभु यीशु कै सौंपै दिए जैसी पांदी तिनुऐ बिशवाश कौरे राए थिया।

प्रेरितो कै काम 3:21

यीशु का स्वर्ग दा तैसी सौमय तौड़ी रौणा जौरुरी औसौ जोबै पौरमेशवर तिनु सौबी चीज़ौ कै नौवाँ बाणै दैन्दा जू तैणै बाणै रैई। बौहुत सौमय आगै पौरमेशवरे लोगौ कै बौताणौ कारिए पवित्र पौरमेशवर कै बातौ बौताणौवाल़ै कै दवारा ऐशै कौरणौ का वादा कौरा।

1 कुरिन्थियों 7:5

तुऐं ऐकी दूजै शै जौई ना रौया; पौरौ सिरफ किछै सौमय तौड़ी आपी मुंजी सलाह कौरेयौ प्रार्थना कौरणौ खै छूट लोणी चैंई, औरौ कुछ सौमय कै बाद तुऐं घोरवाल़ा औरौ घोरवाल़ी कै जैशै औटेयौ ऐक साथै रौया; ऐशै ना हौं कै आपणी इछाओं खै काबू दै नी राखणौ कै बौजैह शै शैतान बुरै जीवन जिणौ कारिए तोंवारै परीक्षा कौरौ।

2 कुरिन्थियों 11:2

जिथुकै हांव तुऔंआरी तैशैखैई प्यार कौरु औरौ तोंवारै परवाह कौरु जैशै पौरमेशवर कौरौ, इथकारिए मोऐं तुऔं पवित्र कुंवारी कै जैशणा मसीह खै दैणौ औरौ सिरफ तैसीखै ही सौंपै दैणौ का वादा कौरे राए। जैशै ऐक बापू आपणै बैटी खै बैयाव कै सौमय आपणै घोरवाल़ै खै ऐक पवित्र कुंवारी कै रुप दा सौंपौ।

2 कुरिन्थियों 11:27

मोऐं कैईंयौं राती जागैयौ, भूखै-तीशै दै रौयौ, जाड़ै औरौ कम लुस्कै दै रौयौ चैईथै मैहनत कौरे औरौ कैईंयौं पौरैशानी झैली।

2 कुरिन्थियों 6:5

आमु कौड़ै लैई मारै गौवै, कोयदखाने दै पाए, आमु भीड़ै भौंगराए। आमुए बैजाए मैहनत कौरे, आमु रात-रात भोरै बिजी रौवै, औरौ भूखै रौवै।

प्रकाशितवाक्य 19:7

आओ, आमै खुशी औरौ मगन हौं, औरौ तैसकै स्तुति कौरौ, जिथुकै ऐजा ऐबै यीशु का सौमय औसौ, जू मेम्ने साए औसौ, कै आपणै लोगौ कै साथै हमैशा शै एकजुट हौए जांव, ऐजौ ऐशैकै हौंदौ जैशै ऐक मर्द आपणै दुल्हन शै शादी कौरौ, जिथुकै जू लोग तैसकै औसौ तिनुऐ आपी कै तैसकै साथै एकजुट हौणौ कारिए तैयार कौरे पाए।

प्रकाशितवाक्य 21:9

औरौ तोबै तिनु सात स्‍वर्गदूत, जिनुवै आदमी जाति पांदी सात आखरी पीड़ाव शै भौरेयौंदे सात छानै पैरै राए थिए, तिनुमुंजी दै ऐकीए मैरै धोरे आयौ, मुंआरी बातौ कौरी, तैणै बौल़ौ, “इथै आ, हांव ताखै दुल्हन दिखांदा जियौंका तावल़ा ही मेम्ने कै साथै बैयाव हौए जांदा।”