मरकुस 2:12 - सिरमौरी नौवाँ नियम

¹² सै ऊबा भीजा, औरौ तौलोंई ल़ौहथ टेपेयो सौबी कै सामणै दा निकल़ैयो हौटै गौआ; इथपांदी ‌‌‌सोबै हैरान हौए गौवै, औरौ पौरमेशवर कै बौड़ाए कौरेयौ बौलदै लागै, “आमुए ऐशणा चौमत्कार कौलोंई ना दैखी।”

Sirmouri

¹² से तेख्णी बिऊँजा अरह् आप्णी लुह्थ बिछाऊणा थागियों तिनू सभी के साम्णें दे:ख्दे-दे:ख्दे तेथै शा आगू हुटा; तबे तिनू सभी के तोरबाँणच़ूंटे, अरह् पंणमिश्वर की बड़ियाऐं करियों से बुल्दे लागे, “आँमें ऐष्णों कदी ने दे:खी थई।”

मरकुस 2:12 ပူးပေါင်းရင်းမြစ်များ

मत्ती 12:23

इथकारिए सौबै लोग हैरान हौयौ बौलदै लागै, “का ऐजा आदमी राजा दाऊद कै वंश का औसौ औरौ जैसकै आमुए उमीद कौरे लोए।”

मत्ती 15:31

जोबै लोगै दैखौ, कै गुंगै बौलांदै लागै रौवै औरौ टुंडै ठीक हौए रौवै, औरौ लोंगड़े हांडदै लागै रौवै, औरौ आन्धै दैखदै लागै रौवै, तौ सै हैरान हुवे औरौ इस्राएल देश कै पौरमेशवर कै बौड़ाए कौरदै लागै।

मत्ती 9:33

औरौ जोबै यीशुए दुष्टआत्मा कै तैसी आदमी पौरैशै बायरै निकाल़ै दै, तोबै सैजा गुंगा बौलांदा लागै गौआ, औरौ भीड़ हैरान हौयौ बौलदै लागै की, “इस्राएल देश दो ऐशैखै कौलोंई बै ना दैखी।”

मत्ती 9:8

लोग इथु दैखैयो डौरे गौवै, औरौ पौरमेशवर कै बौड़ाए कौरदै लागै, जैणै आदमी खै ऐशणा औधिकार दैय राए।

मरकुस 1:27

इयौं बातौ लैई सौबै लोग हैरान हौयौ आपी मुंजी पूछदै लागै, “ऐजै का बात औसौ? ऐजा तौ नौवाँ ही उपदैश औसौ! सै औधिकारो कै साथै दुष्टआत्मा खै बै झिड़कै दैंव, औरौ सै तैसकै आज्ञा मानौ।”

मरकुस 2:11

“हांव ताखै बुलू, ऊबा भीज, आपणै ल़ौहथ टिपयौ आपणै घोरो खै आगु जा।”

लूका 13:13

तोबै यीशुए तियौं पांदी हाथ राखा, औरौ सै तावल़ै सीधी हौए गौए औरौ पौरमेशवर कै बौड़ाए कौरदै लागै।

लूका 17:15

तोबै तिनुमुंजी ऐकीए ऐजौ दैखैयो, कै हांव ठीक हौए गौआ, जोर शै पौरमेशवर कै बौड़ाए कौरदै बैई यीशु कै धोरे पाछु ओऊवा।

लूका 5:26

तोबै ‌‌‌सोबै हैरान हौए गौवै, औरौ पौरमेशवर कै बौड़ाए कौरदै लागै औरौ बौहितै डौरेयौ बौलदै लागै, “ऐलो आमुए अनौखी बातौ दैख लोई।”

लूका 7:16

ऐजौ दैखैयो सौबै लोग डौर गौवै, औरौ सैजै पौरमेशवर की बौड़ाए कौरदै लागै, “अमारै बीच मुंजीदा ऐक बौड़ा पौरमेशवर कै बातौ बौताणौवाल़ा बिज़ रौआ, औरौ पौरमेशवर आपणै लोगौ कै मौदद कौरदा आए रौआ।”

यूहन्ना 7:31

औरौ भीड़ौ मुंजीदै बौहितै लोगै तैसी पांदी बिशवाश कौरा, औरौ बौलदै लागै, “मसीह जौल़ौ आला, तोलो का इदै जादा निशान खै दिखांदा जू ऐणै दिखाए राए?”

यूहन्ना 9:32

जौल़ौ दै उंडै दुनिया कै रचना कौरे राए थै, तोबै शै शुणणौ दै ना आई कै कुणिए जन्म कै आन्धै की आखी कै ठीक कौरी हौं।

प्रेरितो कै काम 4:21

तोबै तिनुऐ तिनुकै धोमकायो छोड़े दिए, जिथुकै लोगौ की बौजैह शै तिनु सौजा दैणौ कै किछै बै बौजैह ना भैटी, इथकारिए कै जू घोटना हौए रोए थी तिथकै बौजैह शै सौबै लोग पौरमेशवर की बौड़ाए कौरौ थिए।