मरकुस 16:20 - सिरमौरी नौवाँ नियम

²⁰ औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

Sirmouri

²⁰ अरह् चैले हुटियों ढीको प्रचार कर्दे लागे, अरह् प्रभू तिनकी गईलो काँम-काज़ कर्दे रूऐ, अरह् से तिनू चींन-चंम्त्तकार के जाँणें आप्णा बाय्दा सचाई आरी बचन पाके करदा रूवा। (“आमीन”)।

मरकुस 16:20 ပူးပေါင်းရင်းမြစ်များ

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

लूका 1:1

मानै गिणियोंदा थियुफिलुस बौहितै लोगै आमु मुंजी हौए रोई घोटणांव कै बारै मुंजी ऐकी कागजात दी लिखणौ कै कौचिश कौरे राए।

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 4:30

औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 5:12

चोणेयौंदे चैलै कै दवारा बैजाए चौमत्कारी निशान औरौ अनौखै काम लोगौ कै बीच दिखाए जांव थिए, औरौ सौबै मसीह कै बिशवाशी ऐक मन हौयौ राजा सुलैमान कै ओसारे दै कौठै हौया कौरौ थिए।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।