मरकुस 16:18 - सिरमौरी नौवाँ नियम

¹⁸ जै सै ऐक विषाल़ा दानो खै ऊबा टिपलै तौ हांव तिनुखै बौचाया कौरदा, औरौ जै सै जोयर बै पिलै, तौ हांव तिथलैई तिनका नुकसान ना हौणौ दैंदा। जै सै मैरै नांव लोयो बीमार लोगौ पांदी हाथ राखलै, तौ सै ठीक हौए जालै।”

Sirmouri

¹⁸ से शोगाव आप्णे हाथो दे ऊबे थागले, अरह् जे से किऐ बिष्लो-बीष भे पीले तअ भे तिनके किऐ ने ज़ालो, अरह् जे से बीमाँरो गाशी आप्णें हाथ थह्ले, तअ सेजे बीमार भे आछे अरह् चाँगे हले।”

मरकुस 16:18 ပူးပေါင်းရင်းမြစ်များ

मरकुस 5:23

औरौ ऐजौ बौलेबा तैसी कैईंदै बैजाए बिन्ती कोरयो बौल़ौ, “मैरै नानड़ै बैटी मौरणौ पांदी औसौ: तू मैरै घोरे आयौ तियौं पांदी हाथ धौर दै, तोबै सै ठीक हौए जांदी औरौ जियुंदी रौंदी।”

लूका 10:19

मोऐं तुऔं खै शोंगोऊं औरौ बिछुओं कै जेंगणो का, औरौ बौयरै की सौबै अनौखी शौकतै पांदी औधिकार दिया, औरौ कियौंई बै चीज़ौ लैई तुऔं कै किछै बै नुकसान ना हौंदा।

प्रेरितो कै काम 19:12

इथै तौड़ी कि रुमाल औरौ खोटणो तैसकै शोरीरो पांदी छुवायो कै बीमारों पांदी पांव थिए, औरौ तिनकी बीमारी ठीक हौए जांव थी; औरौ दुष्टआत्माएं तिनु मुंजी दी आगु जांव थी।

प्रेरितो कै काम 3:12

ऐजौ दैखैयो पतरसे लोगौ कै बौल़ौ, “ओए रै इस्राएल देश कै लोगौ, तुऐं ऐसी आदमी कै दैखैयो किथु हैरान हौए रौवै, औरौ अमारै ढौबौ किथु हैरानी शै दैख लो जैशैखै मानौ आमुए ही आपणी अनौखी शौकतै या भोक्‍ती लैई ऐसीकै हांडणौ फिरणौ कै लायक बाणै राए।

प्रेरितो कै काम 3:16

औरौ मसीह यीशु पांदी बिशवाश कौरणौ कै दवारा ऐजा आदमी बिल्कुल ठीक हौए गौआ, औरौ तुऐं जाणौए कै ऐजा कैशणा अपंग थिया औरौ तुंआरी आखी कै सामणै मसीह यीशु कै नांव दै बिशवाश कौरणौ की बौजैह शै ऐसी चंगाए भैट रौए।”

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 4:22

जिथुकै जू आदमी, अनौखै निशान शै ठीक हौए रौआ थिया, सै चाल़ीश सालो दा जादा उमरे का थिया।

प्रेरितो कै काम 4:30

औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 9:34

पतरसे तैसी बौल़ौ, “ओए रै ऐनियास! यीशु मसीह ताखै ठीक कौरौ। बिज़, आपणा बिछाणा टिप।” तोबै सै तौलोंई ऊबा बिज़ा औरौ खौड़ा हौआ।

रोमियों 16:20

शान्तै का पौरमेशवर शैतान कै नाश कौरे दैला औरौ तैसी तोंवारै अधीन कौरे दैला। अमारै प्रभु यीशु मसीह का अनुग्रह तुऔं पांदी हौंदा रौंव।

1 कुरिन्थियों 12:9

सै ऐक आदमी खै मसीह दा बैजाए बिशवाश कौरणौ का वरदान दैंव; औरौ कोसी खै बीमार लोगौ खै ठीक कौरणौ कै वरदान दैंव।