मरकुस 15:21 - सिरमौरी नौवाँ नियम

²¹ सिकन्‍दर औरौ रूफुस का पिता शमौन, ऐक कुरेनी शहर का आदमी थिया, जू गांव पौरैशा शहरो कै आन्‍दा लागै रौआ थिया तिथ बाटी हौटा; सैनिके तैसी जोरै पाकड़ा कै तैसकौ क्रूस टिपेबा आगु नियौ जैसी ठाँव दा यीशु कै क्रूस पांदी टांगणा थिया।

Sirmouri

²¹ सिकन्दर अरह् रूफुस का बाबा शमौन, ऐक कुरेनी नंगर का आदमी, जुण्जा सैरी बाटी आँदा लागा थिया; अरह् तिन्ऐं बैगारे करदा थाँह्बड़ा के ऐ यीशू का शुँल़ी-फ़ाँशी थागियों नींयों।

मरकुस 15:21 ပူးပေါင်းရင်းမြစ်များ

मत्ती 27:32

बायरै जांदी बैई तिनु सिकन्‍दर औरौ रूफुस का पिता शमौन, ऐक कुरेनी शहर का आदमी भैटा, तिनुऐ तैसीखै खामखैई खै थाम्बा कै तैसकौ क्रूस टिपयौ आगु नीयों।

मत्ती 5:41

जै कुणिए रोमी सिपाही ताखै जबरदस्ती ऐक कोस दूर निणा चांव, तौ तू तैसकै साथै दौ कोस दूर जा।

मरकुस 15:20

जोबै तिनुऐ तैसका ठाटा कौरे पाए, तौ तैसी पौरैशै बैंजनी खोटणो उंढे खोलाएबा तैसकै ही खोटणो बोम्बाए; औरौ तोबै तैसीखै क्रूसो पांदी चौढ़ाणौ कारिए शहरो दा बायरै लोए गौवै।

लूका 14:27

मैरा चैला बाणणौ कारिए तुऔं दुख सैहणौ औरौ मौरणौ कारिए बै तैयार रौणौ पौड़दौ, सैजाई मैरा चैला बोणला।

लूका 23:26

जोबै सिपाहीए यीशु कै नी लोआ थिया, तौ तिनुऐ शमौन नांव कै ऐकी आदमी कै जू कुरेन शहर का थिया, सै गांव पौरैशा आन्‍दा लागै रौआ थिया, पाकड़ेयौ तैसी पांदी क्रूस लादै दियु कै सै क्रूस कै यीशु कै पौछौड़ियौ-पौछौड़ियौ लौए जांव।

यूहन्ना 19:17

तोबै सैनिक यीशु खै लोऐ गौवै। औरौ तिनुऐ तैसलैई आपणौ क्रूस आपी टिपोऊ औरौ तैसी यरूशलेम शहर शै बायरै जिथु खोपड़ी कै जौगैह बौल़ौ तियौं जौगैह पांदी लोए गौवै, जिथु इब्रानी भाषा दो “गुलगुता” बौल़ौ।

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 2:10

फ्रूगिया प्रदेश औरौ पंफूलिया प्रदेश कै औसौ। औरौ मिस्र देश औरौ लीबिया देश जू कुरेने शहर कै नेड़िक लीबिया इलाके कै आंडे-पांढे औसौ, इनु सौबी देशो कै रौणौवाल़ै औरौ यरूशलेम शहर खै रोम शहर कै रौणौवाल़ै शै आणौवाल़ै प्रदेशी,

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

रोमियों 16:13

रूफुस कै जू प्रभु कै सेवा दा तिनकै खास काम कौरणौवाल़ा औरौ तैसकै माँ कै जू मैरै बै ऐक माँ कै जैशणै औसौ, नमशकार।