मरकुस 14:61 - सिरमौरी नौवाँ नियम

⁶¹ पौरौ सै चुपी खौड़ा रौआ, औरौ किछै जोवाब ना दी। महायहूदी पुरोहिते तैसीखै हौजौ पूछु, “जैसी पौरमेशवर कै आमै आराधना कौरु का तू तैसी पौरमेशवर का बैटा मसीह औसौ?”

Sirmouri

⁶¹ परह् प्रभू यीशू चुप्पी रूऐ, अरह् तिन्ऐं किऐ जबाब ने दिती; तबे महाँ-याजक ऐ दया-रंय्म करियों हजो बुलो, “कियों तू मसीया असो, परंम-पिता पंणमिश्वर का बैटा?”

मरकुस 14:61 ပူးပေါင်းရင်းမြစ်များ

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मत्ती 8:29

औरौ दैखौ, तिनुऐ लैरौ मारैबा बौल़ौ, “ओए रै पौरमेशवर का बैटा, अमारै तांवआरी कुणजाई लैणा दैणा ना आथी? औरौ का तू सौमय दा आगै आमुखै दुख दैंदा इथै आए रौआ?”

मरकुस 14:60

तोबै महायहूदी पुरोहित महासभा कै सामणै खौड़ै हौयौ यीशु कैईंदु पूछु, “तू जोवाब काए ना दैय? इनु लोगै तैरै खिलाफ दै गवाही दैय लौए?”

मरकुस 15:2

राज्यपाल पिलातुसे तैसी कैईंदु पूछु, “का तू यहूदियों का राजा औसौ?” यीशुए तैसीखै जोवाब दिया, “तुऐं आपी ही लौ बौल़ै।”

यूहन्ना 1:34

मोऐं आपी दैखौ, औरौ हांव तुऔं कैई साचौ बुलू, की ऐजाई पौरमेशवर का बैटा औसौ।”

यूहन्ना 10:24

तोबै यहूदी नेताए तैसीखै आयौ खै घेरे दिया औरौ पूछु, “तुऐं आमु जादा सौमय तौड़ी शक दै पाए राए। जै तू मसीह औसौ, तौ आमुखै साफ-साफ बौताए दै?”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 18:37

राज्यपाल पिलातुसे बौल़ौ, “तौ का तू राजा औसौ? यीशुए जोवाब दिया, तू बौल़ै कै हांव राजा औसौ। मैरै जन्म लोणो औरौ दुनिया पांदी आणौ कै बौजैह ऐजै औसौ कै हांव सच कै बारै मुंजी शिखाए सौकु, औरौ सच कै मानणोवाल़ै सौबै मैरी बातौ शुणौ।

यूहन्ना 19:7

यहूदी नेताए तैसीकै जोवाब दिया, अमारा बै ऐक कानून औसौ औरौ तिनु कानून कै हिसाब शै मोहर दैणौ कै लायक औसौ जिथुकै ऐजा आपी कै पौरमेशवर का बैटा बौल़ौ।

यूहन्ना 19:9

औरौ सै महल कै भीतरै हौटा औरौ यीशु खै बौल़ौ, “तू कुकै का औसौ?” पौरौ यीशुए तैसी किछै बै जोवाब ना दी।

प्रेरितो कै काम 8:32

पवित्र शास्त्र का जू अध्याय तैणै पौढ़ै लौआ थिया सै ऐजा थिया, “सै भेड़ कै जैशणा काटणौ कै पोऊंचाए गौआ, औरौ जैशै मेम्‍ना आपणै ऊन कौतराणोवाल़ै कै जैशणा चुपचाप रौंव, तैशैखैई जोबै लोगै तैसीखै पीड़ो दी तौ तैणै बै आपणौ मुँह ना खुली,

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

1 तीमुथियुस 6:15

पौरमेशवर, जू एकमात्र राजा औसौ जू तारीफ कै लायक औसौ, राजाओं का राजा औरौ प्रभुओं का प्रभु औसौ, सै मसीह कै सोही सौमय पांदी प्रकट कौरदा।

1 पतरस 2:23

जोबै लोगै यीशु कै बैज्जती कौरे, तौ तैणै पाछु मोड़ेयो तिनकै बैज्जती ना कौरी। जोबै लोगै तैसी दुख दिया, तौ तैणै तिनुवांदा बौदला लोणो कै कौचिश ना कौरी। पौरौ, तैणै आपणै मौदद कारिए पौरमेशवर पांदी भोरोशा कौरा। सै जाणौ थिया कै पौरमेशवर हमैशा न्याय कै तरीकै शै लोगौ का न्याय कौरदा।