मरकुस 14:58 - सिरमौरी नौवाँ नियम

⁵⁸ “आमै ऐसीखै ऐजौ बौलदै शौणै राए ‘हांव ऐसी हाथौ कै बाणैयोंदै मन्दिरो खै ढाल़ै दियुंबा, औरौ ती दूसौ दा ओका बाणुबा, जू हाथौ लैई ना बाणै रैली।’”

Sirmouri

⁵⁸ “आँमें ऐसी ऐजो बुल्दे शुणा, के हाँव ऐजी हाथो के बाँणी अंदी देऊँठी ढाल़ी देऊँबा, अरह् च़ीज़े देसो भीतरी हजो ऊकी देऊँठी बाँणूबा, जू हाथो के बंणी अंदी ने हों।”

मरकुस 14:58 ပူးပေါင်းရင်းမြစ်များ

मत्ती 26:61

औरौ बौल़ौ, “तैणै बौल़ौ की हांव पौरमेशवर कै मन्दिर कै ढाल़ै सौकु औरौ ती दूसौ दा बौणाए बै सौकु।”

मरकुस 14:57

तोबै किछै लोग ऊबै बिजैबा तैसकै विरोध दै ऐजै झूठी गवाही दैय,

मरकुस 14:59

इयौं बातौ पांदी बै तिनकै गवाही ऐकी दुजैआरी ना मिलो थी।

मरकुस 15:29

औरौ बाटौ पुंडे जाणौवाल़ै लोग आपणै मुंड हिंजाल़ै-हिन्जालेबा तैसीकै ऐजौ बौलेयौ नेंदैया कौरदै लागै कै, “का रै मन्दिरो का ढाल़णौवाल़ा, औरौ ती दूसौ दा बाणणौवाल़ा!

यूहन्ना 2:19

यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

प्रेरितो कै काम 7:48

पौरौ सौबीदा बौड़ा पौरमेशवर हाथौ कै बाणैयोंदै मंदिरो दा ना रौंव, जैशैखै यशायाह पौरमेशवर कै बातौ बौताणौवाल़ै कै पवित्र शास्त्र दो लैखै राए, कै

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

इब्रानियों 9:11

पौरौ ऐबै मसीह महायहूदी पुरोहित बौणै गौआ, जू नौवें कौरार कै सौबै आछै अनुभव दैंव, जू आमुकैंई आगै शै औसौ। यीशु मसीह स्वर्ग दा हौजौ बै महान, औरौ बैजाए सिद्ध मिलाप कै तोम्बू दा हौटा, जू आदमियों कै हाथौ लैई ना बाणै रैई थी औरौ ऐसी दुनिया की बाणैयौंदी चीज़ौ का हिस्सा नै आथी।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।