मरकुस 14:36 - सिरमौरी नौवाँ नियम

³⁶ औरौ बौल़ौ, “ओए रै पिता, ओए रै पिताजी, तू तौ सौबै ठुँ कौरे सौकै; मुखै ऐसी दुखो कैईंदा बौचाए दै: तोबै बै जैशैखै हांव चोऊं तैशैखै नी, पौरौ जू तू चांए तैशैखैई हौंव।”

Sirmouri

³⁶ अरह् बुलो, “हे अब्बा, हे बाबा! तुँओं शो तअ सब-कुछ हऐ सको; मेरे साम्णें थुवा अंदा ऐजा बैलुवा आगु करह्, तबे भे मेरी ने परह् तुँवारी हिछ़या पुरी हों।”

मरकुस 14:36 ပူးပေါင်းရင်းမြစ်များ

मत्ती 26:39

तोबै सै दैणिक औगौड़ियौ हौटा औरौ आपणा मुँह जोमीनो कै ढौबौ कौरेयौ प्रार्थना कौरदा लागा, “ओए रै मैरै पिता जै हौए सौकौ तौ ऐजा दुख का छाना मुं कैईंदा टोल़े जांव, तौ बै जैशै हांव चोऊं तैशैखै नी, पौरौ जू तू चांए तैशैखैई हौंव।”

मत्ती 26:42

तोबै तैणै दुजाल़ियो जायौ खै ऐजै प्रार्थना कौरे, “ओए रै मैरै पिता, जै ऐजा दुख का छाना मैरै पियै बगैर ना टोल़ सौकौ तौ तैरी मोरजी पूरी हौंव।”

मत्ती 6:9

“तुऔं ऐशैखै प्रार्थना कौरणै चैंई: ‘ओए रै अमारै पिता, तू जू स्वर्ग दा औसौ; तैरौ नांव पवित्र राखौ जांव।’

मरकुस 10:27

यीशुए तिनकै ढौबौ दैखैयो बौल़ौ, “ऐजौ आदमियों शै तौ ना हौए सौकौ; पौरौ पौरमेशवर सै सौब ठुँ हौए सौकौ।”

मरकुस 10:39

तिनुऐ तैसीखै बौल़ौ, “हौर आमु कौरे सौकु।” यीशुए तिनुखै बौल़ौ, “जैशैकै हांव दुख झेलूबा तैशैखै तुऐं बै दुख झेलले; जैशैकै हांव मौरे जांदा, तैशैखैई तुऐं बै मोरले।

मरकुस 14:37

जोबै यीशु पाछु ओऊवा औरौ तीनै चैलै कै सौतेयौंदै दैखैयो शमौन पतरस खै बौल़ौ, “का तू सोतै रौआ? का तू ऐक घड़ी बै ना बिज़ सौकी?

यूहन्ना 12:27

“ऐबै मैरा जी घबराए रौआ कै ऐबै हांव का बुलू ‘ओए रै पिता मुखै इयौं पीड़ो कै सौमय दा बौचा?’ पौरौ ना, जिथुकै दुख सैहणौ औरौ मौरणौ कारिए हांव इयौं दुनिया दा आए रौआ।

यूहन्ना 18:11

तोबै यीशुए पतरसो खै बौल़ौ, आपणै तलवार म्‍यान दै राख। जू दुख मैरै पिता पौरमेशवरे मुखै दैय राए, का हांव तैसी ना सोऊं?

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 5:30

“हांव आपी शै किछै ना कौरे सौकु; हांव लोगौ का न्याय तैशैकैई कौरु जैशैखै पिता पौरमेशवर मुखै तिनका न्याय कौरणौ कै बौल़ौ। औरौ मैरा न्याय सोही औसौ; जिथुकै हांव आपणै इछा नी, पौरौ आपणै भैजणैवाल़ै कै इछा चोऊं।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

फिलिप्पियों 2:8

औरौ आदमी कै रुपो दा प्रगट हौयौ आपी खै दीन कौरे दिया, औरौ पौरमेशवर कै आज्ञा कै पालन कौरेयौ मौरणौ कै तैयार थिया ऐक अपराधी कै जैशणी क्रूस कै मौत बै सैय पाए।

2 तीमुथियुस 2:13

जै आमै मसीह कै प्रति वफादार ना आथी, तोबै बै सै अमारै प्रति वफादार औसौ, जिथुकै सै हमैशा आपणै स्‍वभाव कै मुताबिक काम कौरौ।

तीतुस 1:2

इथका नतीजा ऐजा औसौ, कै लोग पौरमेशवर कै साथै हमैशा रौणौ कै आशा कौरौ, जिथुकै पौरमेशवर कौलोंई झूठु ना बौल़ौ, तैणै दुनिया कै बाणणौ दा आगै वादा कौरे राए थिया कै तैसकै लोग सौदा कारिए जियुंदी रौंदै।

इब्रानियों 6:18

तौ तोबै ऐजी दौ बातौ औसौ तैसका वादा औरौ तैसकै शौं जू कौलोंई ना बौदलै सौकौ औरौ जिथकै बारै मुंजी पौरमेशवर कौलोंई झूठु ना बौल़ै सौकौ। इथकारिए आमै जू पौरमेशवर कै नेड़िक रक्षा पाणौ खै ओऊं औरौ जू आशा तैणै आमु दैय राए, तियौं थाम्बैयौ, बैजाए खुशी औसौ।