मरकुस 14:26 - सिरमौरी नौवाँ नियम

²⁶ तोबै यीशु औरौ तैसकै चैलै पौरमेशवर कै गीत गाऐबा यरूशलेम शहरो शै बायरै आयौ जैतून कै धारो पांदी हौटै जू नेड़िक थियु।

Sirmouri

²⁶ ऐक भगती को गीत गाऐयों से ज़ैतून धारह् गाशी हुटे।

मरकुस 14:26 ပူးပေါင်းရင်းမြစ်များ

मत्ती 21:1

जोबै यीशु औरौ तैसकै चैलै यरूशलेम शहर कै नेड़िक पोऊंचे औरौ जैतून धारो पांदी बैतफगे गांव कै धोरे आए, तोबै यीशुए दु चैलै खै ऐजौ बौलेयौ भैजै।

मत्ती 26:30

तोबै सै गीत गाऐबा बायरै जैतून कै धारो पांदी हौटै।

मरकुस 14:25

हांव तुऔं कैंई साचौ बुलू, कै अंगूर का रस तैसी दूसौ तौड़ी हौजौ कौलोंई ना पींदा, जांव तौड़ी पौरमेशवर का राज्य दा नौवाँ अंगूरो का रस ना पियुं।”

लूका 22:39

तोबै यीशु बायरै निकल़ैयो आपणै भोवार कै हिसाब शै जैतून कै धारो पांदी हौटा, औरौ चैलै तैसकै साथै हौटै गौवै।

यूहन्ना 18:1

जोबै यीशुए प्रार्थना कौरे पाए तौ सै आपणै चैलै कै साथै किद्रोन कै नाल़ै कै पाईलै ढौबौ हौटा। तियौं जौगैह पांदी ऐक बाग थिया, औरौ सै तिथकै भीतरै हौटै।

प्रेरितो कै काम 16:25

आधी राती कै लमसम पौलुस औरौ सीलास प्रार्थना कौरदै बैई पौरमेशवर कै भजन गाए लौवै थिए, औरौ कैदीए तिनुखै शौणै लौवै थिए।

1 कुरिन्थियों 14:15

इयौं बौजैह शै, हांव पवित्र आत्मा लैई प्रार्थना कौरणा चोऊं, पौरौ हांव ऐजौ बै चोऊं कै औकै लोग ऐजौ सौमझौ कै मोऐं का कौरे लो। औरौ जोबै हांव गौऊं, तौ हांव चोऊं कै मैरौ गाणौ पवित्र आत्मा कै ढौबौशौ हौंव, पौरौ ऐजौ बै जौरुरी औसौ कै मोऐं जू गाए लो सै ओकी कै बै सौमझ मै आंव।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

याकूब 5:13

जै तुऔं मुंजी कुणिए दुखी हौंव तौ सै प्रार्थना कौरौ; जै खुशी औसौ, तौ सै स्तुति खै भजन गांव।

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।