मरकुस 13:9 - सिरमौरी नौवाँ नियम

⁹ पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

Sirmouri

⁹ “तबे भे तुँऐं च़ौक्क्ष-संकन्नें रूऐ, से तुओं थाँम्ब्ड़ियों खुम्ल़ी दे खूँम्ल़ाईच़ों कैई नियाँव खे देले, अरह् यहूदी-चौंतरें दे तुओं दे कोड़े मारे ज़ाले, अरह् मेरे कारण शे तुओं हाक्मों, राजाओं के साम्णें नीह्ले, के तुऐं तिनके साम्णें मेरे गुवाह्-शाज़्त बंणी ज़ाँव।

मरकुस 13:9 ပူးပေါင်းရင်းမြစ်များ

मत्ती 5:22

पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

मरकुस 1:44

औरौ तैसीखै बौल़ौ, “दैख, कोसी कैंई बै किछै नै बौलेया, पौरौ यरूशलेम मंदिरो दा जाऐबा आपी खै यहूदी पुरोहित खै दिखा जै तू ठीक हौए गौआ। जू किछै बात मूसाए कोढ़ ठीक हौए जाणौ कै बारै मुंजी दैय राए थी तिथकै हिसाब शै पौरमेशवर कारिए बलिदान चौढ़ा, तोबैई यहूदी पुरोहित सौबी लोगौ खै बौताए सौकौ कै तू ठीक हौए गौआ।”

मरकुस 13:5

यीशु तिनुखै बौलदा लागा, “चौकश रौया कै कुणिए तुऔं खै भोरमाऐ नै दैंव।

मरकुस 13:8

जिथुकै सौबै देश औरौ राज्य ऐकी दूजै कै खिलाफ हौए जांदै औरौ आपी मुंजी लोड़दै। हर कौथी भुईचोल़ हौलै, औरौ काल़ पोड़लै। ऐजी बातौ तौ कठिन सौमय कै शुरुआत ही हौंदै, जैशै बैटमाणिशौ कै सुजणौ की पीड़ो हौंव।

मरकुस 6:11

जैसी जौगैह कै लोग तुऔं खै ना अपनांव, औरौ तुंआरी ना शुणौ, तिथैदै हांडदै बैई आपणै तलवे कै धूल झाड़ै दैया, ऐजै बात तिनु चिताणो कारिए औसौ कि लोग पौरमेशवर कै औरौ शै भैटणौ वाल़ै सौजा कारिए आपी जुमैवार औसौ।

लूका 9:5

जू कुणिए तुऔं ना अपनांव तैसी नोगरो पौरैशौ पाछु निकल़ैयो आपणै लातो कै धूल झाड़ै दैया, कै तिनु पांदी गवाही हौंव।”

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

प्रेरितो कै काम 21:11

तैणै अमारै धोरे आयौ पौलुस का सापा कौरा, औरौ आपणै हाथ लात बांनैयौ खै बौल़ौ, “पवित्र आत्मा ऐजौ बौल़ौ, कै जैसी आदमी का ऐजा सापा औसौ, तैसीखै यरूशलेम शहर दै यहूदी लोग ऐशैखैई बांनदै, औरौ बैगानै यहूदी कै हाथौ दा दैय दैंदै।”

प्रेरितो कै काम 7:54

ऐजी बातौ शोणेयो यहूदी नेता गुस्से हुवे औरौ स्तिफनुस पांदी डाठी किटदै लागै।

प्रेरितो कै काम 9:16

औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

2 थिस्सलुनीकियों 1:5

औरौ पौरमेशवर ऐसी सताव का इस्तैमाल आपणै न्याय खै दिखाणौ कारिए औरौ तुऔं आपणै राज्य कै लायक बाणणौ कारिए कौरदा, जैसी कारिए तुऐं दुख बै उठाए राए।

2 यूहन्ना 1:8

इथकारिए तुऔं ध्यान राखणा चैंई, कै कोदी ऐजै लोग तुऔं धौखा नै दैंव, ताकि पौरमेशवर कै सेवा कारिए तोंवारै कौरेयौंदे मैहनत बैकार नै जांव पौरौ पौरमेशवर तोंवारै सेवा का इनाम तुऔं जौरुर दैंदा।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।