मरकुस 13:7 - सिरमौरी नौवाँ नियम

⁷ जोबै तुऐं लोड़ाई, औरौ लोड़ाइयों कै चौर्चा शुणल़ै, तौ ना घोबराया; जिथुकै इनु बातौ का हौणा जौरुरी औसौ, पौरौ तैसी सौमय दुनिया का अन्त ना हौंदा।

Sirmouri

⁷ जबे तुँऐं लड़ाई-झगड़े की बातो शुणों, तअ डरे-घबराऐं ने, किन्देंखे के ऐजो हंदो ही हंदो ऐ; परह् तंदीं ईयों संईसारी का खात्त्मा ने हंदी।

मरकुस 13:7 ပူးပေါင်းရင်းမြစ်များ

मत्ती 18:7

दुनिया कै लोगौ पांदी हाय जू पाप कौरणौ कै बौजैह बौणौ, लोगौ कारिए पाप कौरणौ कै परीक्षा सौदा आन्दै रौंदै, पौरौ हाय तैसी आदमी पांदी जू पाप कौरवाणौ कै बौजैह बौणौ।

मत्ती 2:3

तैसकै जन्म कै बारै मुंजी शोणेयो हेरोदेस राजा औरौ तैसकै साथौ कै यरूशलेम शहर कै बौहितै सारै लोग डौरे गौवै।

मरकुस 13:6

बौहितै लोग मैरै औधिकार का दावा कौरदै औरौ बौलदै कै ‘हांव ही मसीहा औसौ,’ औरौ बौहितै लोगौ खै भोरमाऐ दैंदै।

मरकुस 13:8

जिथुकै सौबै देश औरौ राज्य ऐकी दूजै कै खिलाफ हौए जांदै औरौ आपी मुंजी लोड़दै। हर कौथी भुईचोल़ हौलै, औरौ काल़ पोड़लै। ऐजी बातौ तौ कठिन सौमय कै शुरुआत ही हौंदै, जैशै बैटमाणिशौ कै सुजणौ की पीड़ो हौंव।

यूहन्ना 14:1

यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ।

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

प्रेरितो कै काम 17:3

औरौ तिथका मतलब खोले-खौलेयौ कै सौमझाए लौआ थिया कै मसीह का दुख उठाणा, औरौ मौरेयौंदे मुंजीदा जियुंदी हौणा, जौरुरी थिया, “ऐजाई यीशु जैसकै बारै मुंजी हांव तुऔं खै बौतौऊं, सै मसीह औसौ।”