मरकुस 13:27 - सिरमौरी नौवाँ नियम

²⁷ हांव आदमी का बैटा आपणै स्‍वर्गदूतौ खै भैजदा, जू चोऊ दिशाओं शै धोरतियौं कै ऐकी कुणै शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

Sirmouri

²⁷ तेसी बख्तो से आप्णे स्वर्गदूत्त स्वर्गो भेज्यों धर्ती के ऐकी धुरी शे ओकी धुरी तोड़ी, चौऊँ धुरी शे आप्णे च़ूणें-छाँटे अंदे लोग कठै कर्लें।

मरकुस 13:27 ပူးပေါင်းရင်းမြစ်များ

मत्ती 12:42

दक्षिण की राणी न्याय कै दूसै ऐसी जमाने कै लोगौ कै साथै बिज़यो तिनुखै दोषी ठोहरांदी, जिथुकै सै राजा सुलैमान का ज्ञान शुणणौ कारिए धोरती कै दूरकै जौगैह शै आए, औरौ इथै सैजा औसौ जू सुलैमान राजा दा बै बौड़ा औसौ पौरौ तुऐं पाप कौरणा छौड़णौ शै मोना कौरौ।”

मत्ती 13:41

हांव आदमी का बैटा आपणै स्‍वर्गदूतौ खै भैजदा, औरौ आपणै राज्य मुंजी शै सौबै पाप कौरणौवाल़ै कै औरौ कुकर्म कौरणौवाल़ै खै कौठै कौरदा।

मत्ती 13:49

दुनिया कै अन्त दो ऐशैखैई हौंदौ; औरौ स्‍वर्गदूत आयौ दुष्ट लोगौ खै धरमी लोगौ शै जौई कौरदै।

मत्ती 24:22

औरौ जै पौरमेशवर तिनु दुखो कै सौमय कै ना घोटांदा, तौ कुणिए आदमी बै ना बौचदा; पौरौ चोणेयौंदे की बौजैह शै सैजै दूस घोटाए जांदै।

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 24:31

हांव आदमी का बैटा आपणै स्‍वर्गदूतौ कै तुरही कै बौड़ै आवाज़ो कै साथै भैजदा जू चोऊ दिशाओं शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

मरकुस 13:20

औरौ जै पौरमेशवर तिनु दुखो कै सौमय कै नी घोटांदा, तौ कुणिए आदमी बै ना बौचदा; पौरौ तैणै चोणेयौंदे लोगौ कै बौजैह शै जिनुखै तैणै चोणे राखै, तिनु कारिए सौमय खै घोटाए दैला।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

मरकुस 13:28

“अंजीर कै डाल़ो कैईंदा ऐजा उदारण शिखौ जोबै तिथकी डाल़ी नोरम हौए जांव; औरौ पात निकल़दै लागौ; तौ तुऐं जाणै पांव, कै गर्मी का सौमय नेड़िक औसौ।

लूका 16:22

ऐक दूस ऐशैकै हौं कै सैजा गरीब बै मौरे गौआ, औरौ स्‍वर्गदूतै तैसी नियौ अमारै पुराणिया अब्राहम कै धोरे आदर कै ठाँव दा पोऊंचोऊवा। औरौ सैजा सैठ बै मौरा औरौ तैसी जोमीनो दा दाबी दिया।

लूका 18:7

तौ इथकारिए पौरमेशवर आपणै चोणेयौंदे लोगौ कारिए जू राती दूसै तैसकै धोरे रुओं तिनका न्याय कौरदा, औरौ सै तिनकै मौदद कौरणौ दै देर ना कौरदा?

यूहन्ना 10:16

मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

यूहन्ना 11:52

पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

रोमियों 8:33

कुणिए बै आमु पांदी पौरमेशवर कै सामणै आरोप ना लाए सौकौ जिथुकै सै आमु धरमी साबित कौरौ।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

2 थिस्सलुनीकियों 2:1

ओए रै बिशवाशी भाईयों, अमारै आपणै प्रभु यीशु मसीह कै पाछु आणौ कै बारै मुंजी औरौ तैसी सौमय कै बारै मुंजी किछै बौताणौए, जोबै आमै प्रभु आरी ऐकी साथै भैटिंदै।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।