मरकुस 13:26 - सिरमौरी नौवाँ नियम

²⁶ तोबै लोग मुखै आदमी कै बैटै कै अनौखी शौकतै औरौ महिमा कै साथै बादल़ौ दै आन्दै बैई दैखलै।

Sirmouri

²⁶ “तबे लोग आदमी का बैटा शक्त्ति अरह् बड़ियाई आरी बाद्ल़ो गाशी आँदे दे:ख्ले।

मरकुस 13:26 ပူးပေါင်းရင်းမြစ်များ

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 24:30

तोबै मुं आदमी कै बैटै का निशान गौयण दा दैखिंदा औरौ तोबै धोरती कै सौबै जाति कै लोग छाती पीटदै, औरौ मुं आदमी कै बैटै खै अनौखी शौकतै औरौ महिमा कै साथै गौयणै कै बादल़ौ पांदी आन्दै दैखदै।

मत्ती 25:31

“जोबै हांव आदमी का बैटा आपणै महिमा दा आन्दा, औरौ सौबै स्‍वर्गदूत तैसखै साथै आलै, तोबै हांव सौबी लोगौ का न्याय कौरणौ कारिए आपणै महिमा कै सिंहासनों पांदी बोठदा।

मरकुस 14:62

यीशुए बौल़ौ, “हौर हांव औसौए: तुऐं मुखै, आदमी कै बैटै खै सौबिदा शौकतीशाली पौरमेशवर कै सोऐं ढौबौ बौठेयौंदा राज कौरदै दैखलै, औरौ तुऐं मुखै स्वर्गो शा गौयणी कै बादल़ौ पांदी आन्दै बैई दैखलै।”

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

मरकुस 9:1

तोबै यीशुए चैलै औरौ भीड़ौ खै बौल़ौ, “हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, सै दैखलै कै तिनकै मौरणौ दै औगौड़ियौ पौरमेशवर का राज्य ऐक शौकतीशाली भैषो दा आए रौआ।”

लूका 21:27

तोबै मुं आदमी कै बैटै कै अनौखी शौकतै औरौ बौड़ै महिमा कै साथै बादल़ौ पांदी आन्दै दैखदै।

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

1 थिस्सलुनीकियों 4:16

जिथुकै प्रभु यीशु आपी ही स्वर्ग पौरैशा उतरदा; सै जोराल़े धाव कै साथै आदैश दैंदा, औरौ ऐक प्रधान स्‍वर्गदूत ऊंची धाव शै बौलदा औरौ पौरमेशवर कै तुरही बौजांदा, तोबै सौबीदै आगै सै, जू मसीह पांदी बिशवाश कौरदै बैई मौरे गौवै, औगौड़ियौ जियुंदी हौंदै।

2 पतरस 1:16

जिथुकै जोबै आमै चोणेयौंदे चैलै तुऔं अमारै प्रभु यीशु मसीह कै अनौखी शौकतै औरौ पाछु आणौ कै बारै मुंजी बौतौऊं, तौ आमै तुऔं चलाकी शै किछै बाणैयौंदी कहाणी ना बौताए रैई। पौरौ, आमुए मसीह कै महिमा आपणै आखी लैई दैख राए थै।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।